والله يا اخوان من جد معاناة ومني عارف كيف اتصرف
رح احكيكم عن المعاناة
بامر الله اتهورت واخذتلي يوكن دينالي 2009 من شركة الجميح فل اوبشين علي قولتهم دعسات كهرباء و و و و و المهم
السيارة حلوة وماعليها خلاف الي 10000 كلم قبل ما ادخلها الصيانه الخاصة ب 10000 حصلي موقف وهو خروج صوت عالي جدا من تحت السياره تقول تروس المهم وقفت السياره علي جنب وحطيتها في N وراح الصوت ومشيت ولا رجع الصوت قلت يمكن حاجه عابره بعدها بكم يوم حسيت السياره تقيله وفيها رجه بسيطه علي السرعه العاليه وبعدها بفتره زاد الموضوع وديتها للشركه علي طول قلت اسوي صيانه ال 10000 واشوف حل للمشكله
دخلتها الصيانه في شركه الجميح في جده واعطيتهم الملاحظات ومن ضمنها الرجه والصوت وتقل السياره ومشكله كانت في اقفال الابواب وبدات المعاناه
دخلت السياره وعملو الصيانه وكلموني قالو انتهت رحت استلم السياره طبعا حلو مشكله الابواب وحلو وعملو الصيانه قلتلهم ابغا اجرب السياره واذا بنفس المشكله موجوده
رجعتها في وقتها ورفضت استلام السياره وانا الي الان معطل عن السياره ولها عندهم حاليا 15 يوم مره يقولو من الكفرات ومره يقولو من الجربوكس ومره يقولو من الدبل
كلمت دبي ولا فائده رفت صوتي الي كل مكان وبالقوه اعطوني ابيكا امشي بيها حالي لحين اصلاح الدينالي
والله يا ناس معاناه
اين خدمه ما بعد البيع اين الوكيل الصاحي اين ضمان الشركه أين تقدير واحترام العميل؟؟؟؟ اين اين اين؟؟؟
ما هو ذنبي لتعطيلي بهذا الشكل ؟هل لاني اشتريت سياره من شركه المفروض انها من الشركات الضخمه والتي تهتم بالعميل؟
نصيحتكم يا اخوان والله اخوكم ورطان
هل اشتكي وزاره التجاره مع علمي ان الموضوع سيطول ماذا افعل والله يا ناس كرهت السياره وكرهت شركه GM
ياناس ابغا حل
ابغا اوصل لاحد مسؤول في GMC والجميح
لا اعتقد ان علم مسؤول في شركه الجميح ان العملاء يعاملون بهذه الطريقه سيسكت
انصحوني واسف لانني لم انسق الكلام بسبب انفعالي
