هل ما سمعنا عن الكامري صحيح

مممممممممم

بصراحة انا توني ادري ان الكامري تنقص زيت باستمرار

وانتو تقولون انه شي عادى ويخرج من الشكمان

هذي السيارة يا خوي يصير حالها من حال السيارات الديزل اللي تطلع دخان وكانها قطار

زين وين الجودة اللي تخلي الواحد ينصح بالتويوتا وهو مغمض عينيه

وين السيارات الصديقة للبيئة واللي ما تبعث غازات تضر بها

بصراحة انا كل ما اعرف اكثر عن التويوتا - كل ما اشوف انها راح تنتهي خلال الايام القادمة

هذا اذا ما غيرت سياساتها وصارت تصنع سيارات مثل الاول

فالناس الان اصبحوا يقظين ويعوا ما هو اصلح لهم - وليس لاسم الماركة في هذا الزمن ذاك الوزن والقيمة التي كانت عليه

وشكرا

زمان لقيت واحد معاه هيلوكس 2002 على وقته (الجمرة الخبيثة) زي ما يسمونه بعض الناس ويشتكيلي من تبخير السيارة للزيت وكنت متعجب مرة وما صدقت بس الحين صار عادي التبخير حتى اللاند يبخر

الظاهر ان القاعدة الجديدة انك تزود زيت السيارة كل فترة بس ما تغيره الا كل 15000 كيلو مثل ما ذكرت هيئة المواصفات والمقاييس

والله مصيبه اذا ما تتوضب

السلام عليكم ورحمة الله وبركاته
بالضبط في الأونة الأخيرة كثر الكلام عن نقص زيت الكامريات وهذا كلام فاضي
أنا عندي كامري 2008 وأخوي معاه واحدة نفس الموديل 2008 أخذناها في نفس السنة من الوكالة يارب لك الحمد لاأنا ولاأخوي صار عندنا هذا الكلام الفاضي وعلى فكرة نمشي على زيت السيارة 5000 كيلو لاينقص زيتها ولايحزنون . أعطيكم مثال غيرت الزيت وصفاية زيت أصلية من الوكالة وليس من البنشري وزيت تويوتا طقيتها من الدمام إلى مكة ورجعت بها للدمام والله لانقص ولاشيء .
بس تعرف بعض الناس الي مايطول العنب يقول عنه حامض

كلام صحيح:xyxthumbs:

عندنا السمعة

اولا انتو تقولون انو الكامري يصرف زيت انا اخوي عنده كامري 2009 ومايصرف زيت وفوق هذا انو اهو راع خطوط كل اسبوه ينزل الاربعا من الرياض الى الاحساء ومن االاحساء يوم الجمعة الى الرياض واذا انت تقول تعبي بعد ال5الاف ثلاث علب والله انت استخدامك سيء للموتر اذا ماتدري مكتوب لك في كتيب التعليمات تغير زيت كل 5 الاف كيلو متر اذا كنت تستخدم زيت تويوتا الي يقول انو يصرف زيت هذا يمشي السيارة 10000 كيلو ويغير اكيد السيارة بتصرف
عالعموم الكامري صبو ويمسك سعره صدقني كاري 2007 مكسر الشنطة كلها رايحة فيها تشليخ اغلى من كابريس اس اس مديل 2003 عدل ولا شمخ فيه

نفس الكلام عندنا في البحرين..

كل جريدة وكل مجلة تجد تأكد من استخدام قطع تويوتا الأصلية !

انا قراءة قبل شهر في جريدة الرياض اعلان تحذيرى من عبداللطيف جميل عن استعمال فلتر زيت غير اصلي ووضح الفرق بالصور
هل يمكن يكون هذا السبب !! الله اعلم

تبي الصراحه كل كلامك مضبوط وسااااااااالت كثير معهم كوامري من 2007 وفوق لا وازيدك من الشعر بيت مكيفها زاااااااااااااااااات===متاثر بالبلوت

الكلام عن نقص الزيت في الكامري كثر وصار البعض يتكلم من فراغ
والاخرين بس نقل والكثير الكثير يبالغ في الكلام والوصف وهو من جمبها
بالنسبه لنقص الزيت ماشفناه في كامري 2005 كانت مع اخوي وخطوط طويله من الشرقيه للرياض ومن الرياض لمكه بيوم واحد السر عه140 الى 150 الوصول التششيك على الزيت بدون نقص نهائيا
في السرعات العاليه 200 و 210 ينقص مقدار ربع علبه وشي طبيعي جدا جدا
وهذا يصير معي في السيارات القديمه كابرس جمس كلها تحت 80
اما السيارات الجديده كامري 2008 ماشيه حول ال 80 الف كيلو ولم تشيك او تخش صيانه لافي الوكاله ولابرى حتى الهوبات لم تخرط والفحمات صوتها طالع
والسفريات نفس الحاله من الرياض للجده نقص الزيت ماشفناه المعدل 160 -180 كيلو بالساعه
نقـص معاي في فورد 88 رايح من الرياض للشرقيه ماشي طبلونه ورجعت للرياض ماشي طبلونه وصلت خالي من الزيت <هذا اجل عيب السيارات القديمه تنقص
طيب اسباب نقص الزيت؟
لما الواحد يهمل سيارتك يمشي فوق المعدل الطبيعي للزيت وينقص يقول خراب بالكامري تنقص لمى مايعايره يقولي تنقص
وللمعلوميه مقياس علب الكامري من 4 علب و100 مل بالضبط وعاير الزيت بيكون على الحد بالضبط وامشي بسيارتك بركاده وحافظ على الزيت وشييك بتحصل ان الزيت كما هو

في لخبطة هنا .. تنقيص الزيت هل هو عيب مصنعي أم أن تنقيص علبة كل 1000 كيلو
مثلاً هو شي طبيعي فيها .. ؟

بكل الاحوال اللي تنقص سيارته زيت فلا عاد يغير الزيت يمشي عليها عادي و إذا نقص
الزيت زوده و يغير فلتر الزيت كل 10000 أو 15000 كليو .. لكن اهم شي لا ينقص الزيت
كثير لأنه بياثر على المكينة زيادة ..

صادقين خليكم تعرفون ان الياباني طاح كرته

قلت محد ..
بس مدري وش عاجبكم فيه
لو انه احسن السيارات كا ن كل الناس شرت تويوتا

مكينه تنقص زيت وماتتوضب!!!

أمحق من جوده

انا سيارتي ضربت مكينتها بسبب الحراره

قالو لي ماتتوضب فرحت اخذت مكينه من التشليح والله المستعان

مكينه الكامري ماتتوضب لانها من الالمنيوم وهذا الشي من موديل 2003 الى اللحين

ياخوي اول مرة اسمع بهذي المشكلة
انا واحد من اصحابي معاة كامري 2007 ماشية حاليا 50 الف
وللان ماشكى من نقص زيت ولا اي شيء رغم ان استخدامة
عادي جدا وكارفنها كرف ؟.

نعم كلام صحيح زميلي عنده كامري 2006 سافرنا فيها بداية شهر رمضان مكه المهم اليوم الثاني جينا نشيك عالزيت لقيناه على الربع الاخير من المعيار حق الزيت ولا في اثر لتهريب ولا شئ ولكن الله العالم وين راح وانا نفسي عندي كامري قراندي 98 تنقص زيت علبه بعد الالفين بس توها الان بدت تسوي هالحركه من خمس سنين استخدام