السلام عليكم ورحمة الله وبركاته
طبعا انا بكون اول واحد اقول لكم كل عام وانتوا بخير بمناسبة العيد قبل لا يجي <<< اكيد انت جبته
المهم يا شباب الحمدلله كما اخبرتكم سابقا شرينا التاهو بعد حيرة طويلة
مع اني من عشاق السيكويا بس المشكلة فوق الميزانية بكثير
بقولكم القصة بالتفصيل مع مقارنة بين مثيلاتها
اول ما رحنا كان مافي في بالنا غير البرادو لكن رحنه وشفنا 2009 ب157 الف وبدون تحكم بالطارة وصغير وبدون كراسي جلد
وانصدمنا الصدمة الكبيرة
رحنا لأختها الكبيرة السيكويا وشفنا نص فل ب168 وطبعا فوق الميزانية بكثير
وما فيها حتى شاشة معلومات للسائق بس شهادة لله فيها كاميرا ونفقيشن وديفيدي
وكراسي جلد
رحنا لأختها الكبيرة السيكويا وشفنا نص فل ب168 وطبعا فوق الميزانية بكثير
وما فيها حتى شاشة معلومات للسائق بس شهادة لله فيها كاميرا ونفقيشن وديفيدي
وكراسي جلد
واقل موقفات ب136 الف بدون حساسات ولا شاشة معلومات + بدون تحكم ازرار بالسيارة
رحنا للباجيرو ب156 الف الفول اوبشن
الباث كان ب132الف فول اوبشن مع ديفيدي بس بصراحة ركبوه الاهل وما ارتاحو
الارمادا مافي إلا فول اوبشن ب165 وفوق الميزانية
التاهو شفناه واكن عروض رمضان
ب116 الف وفيه هالمواصفات اللي بقولكم عنها
وبقارن مع اليوكن اقل فئة والسيكويا اقل فئة والارمادا فول وابشن.... تخيلو
ب116 الف وفيه هالمواصفات اللي بقولكم عنها
وبقارن مع اليوكن اقل فئة والسيكويا اقل فئة والارمادا فول وابشن.... تخيلو
1- التاهو اولا يحتوي على مركز معلومات السائق كاملة بكل خصاصئها من حرارة زيت القير
وكم يكفيك البترول وووو .... الخ وهذي غير موجودة في الارمادا فول اوبشن وارد البحرين ولا السيكويا وموجد في اليوكن
بس ترى اليوكن والتاهو شاشة المعلومات فيها امكانية ان تكون اللغة عربي او انجليزي او فرنسي
وهذا ايضا ينطبق على المسجل اوتوماتيكيا حيث انه لما تغير اللغة يتغير لغة المسجل
وكم يكفيك البترول وووو .... الخ وهذي غير موجودة في الارمادا فول اوبشن وارد البحرين ولا السيكويا وموجد في اليوكن
بس ترى اليوكن والتاهو شاشة المعلومات فيها امكانية ان تكون اللغة عربي او انجليزي او فرنسي
وهذا ايضا ينطبق على المسجل اوتوماتيكيا حيث انه لما تغير اللغة يتغير لغة المسجل
2- فيها مثبت سرعة وبلوتوث + تحكم بالمسجل من الطارة ( السكان )مع عدم فعالية البلوتوث حاليا. السيكويا فيها مثبت سرعة بس بدون تحكم بالمسجل من الطارة والارمادا فيها ال2 واليوكن ايضا.
3- القير علاق وهذي طبعا ميزة وعيب في نفس الوقت ولحد يسألني شلون عكس الارمادا والسيكويا.
4- المسجل فيه مدخل AUX للايبود وغيرها وفيه امكانية تخزين لغاية 36 محطة ومعلومات عن السيدي بسيدي واحد و8 سماعات اما السيكويا فلا تحتوي على مدخل الايبود وباختصار مسجلها مثل الكورلا بس للأمانة مادري كم سماعة واليوكن نفس التاهو ، والارمادا طبعا نفقيشن وفيها كل شي.
5- وجود مقعد في الصف الثاني في الفئة الاقل فقط عكس بقية السيارات ولو اني اعتبره عيب وليس ميزة
6- الانوار اوتو وهي عيب وميزة في نفس الوقت. وهي مو موجودة في السيكويا وما انتبهت في الارمادا.
7- تحكم بالمكيف ب3 مناطق مستقلة يدويا والمكيف الخلفي ينفتح مروحته تختلف عن الامامية يعني لو الخلف يبون على سرعة 5 والامامي 2 عادي جدا. اما السيكويا فهي بمنطقتين فقط والارمادا اظن بمنقطتين واعذروني لأني ما انتبهت.
8- المرايا الداخلية ذاتية التعتيم وهي غير موجودة في السيكويا وموجودة في الارمادا.
9- الطبلون احلى من السيكويا بس مو احلى من الارمادا. هذي رأي شخصي
10 - المرايا الخارجية تتعدل كهربائيا بس بدون تسفيط ولا تدفئة، اليوكن فيه تسفيط، السيكويا مافيه والارمادا فيه.
11- ايرباقات جانبية وامامية وموجودة في السيكويا والارمادا .
12- دواسات قابلة للتعديل كهربائيا وهذي غير موجودة ف السيكويا ولا الارمادا
13- حساسات خلفية وهي موجودة في الارمادا وغير موجودة في السيكويا.
14- نظام جر المقطورة عن طريق زر في القير وغير موجود في السيكويا ولا الارمادا.
15- كرسي السائق يتعدل كهربائيا بس الظهر لا . وهي موجودة في الارمادا والارمادا تحكم كهربائي كامل بحكم انها الفل الكامل وهي غير موجودة في السيكويا.
16- حساسات لضغط الكفرات ( التايرات ) لكل واحد عدا الاطار الخلفي وهي غير موجودة في السيكويا والارمادا.
17- الباب ينفتح من مكانين واماكنية تفتح الزجاج الخلفي فقط او الباب كله وهي موجودة في الارمادا وغير موجودة في السيكويا.
18- السكك الجانبية موجودة في التاهو والارمادا وغير موجودة في السيكويا.
19- بصراحة هو شي يرفع الضغط انه للحين مسكات الباب والمرايات سودة مو عارف احنا دافعين هالسعرو استخسروا فينا شوي صبغ وهالشي السيكويا والتاهو احسن والارمادا كروم بسبب انها فل كامل.
20 - الارمادا فيها دخول ببصمة وغير موجود في كل الباقيات بس ايضا بحكم انها فل كامل.
21- بالنسبة للمساحات الداخلية الارمادا اوسع في الصف الثالث بشوي عن التاهو وفي التاهو المساحة الخلفية شوي مكان الرجلين لازم تكون ركبتك بمواجهة وجهك،،،،، اما السيكويا ولها الفخر الاكبر بينهم واوسع في مساحة التخزين والركاب الثالث والركاب الثاني وبفرق بسيط ولكن لا يستهان به
22- قبضة باب بكل من السيكويا والارمادا للباب الخلفي بينما التاهو زر ينضغط.
23- الكراسي تنصفط في السيكويا والارمادا والتاهو لكن في السيكويا والتاهو افضل للمساحة منها للارمادا قليلا فقط.
24- المحركات وهي اخر شي حبيت اتكلم عنه لأنه الكل يعرفه وهو ان السيكويا الاقوى ثم الارمادا والتاهو . بس التاهو يتميز بأنه يغلق 4 سلندرات لتقليل استهلاك الوقود.
25- بالنسبة لصرفية البنزين فاعتمادا على كل المواقع وعلى الناس ايضا بأن الارمادا الاكثر صرفا للبنزين ثم السيكويا ثم التاهو.. بس السيكويا والتاهو الفرق مو كبير
اسف على الاطالة بس حبيت اتكلم عن كل شي بالتفصيل
وانا كما ذكرت الارمادا فل كامل وطبعا ذكرت انه يحتوي على ديفيدي ونفقيشن وكاميرا خلفية وفتحة سقف.... الخ من المواصفات المعروفة .
واتمنى اني اشوف مشاركاتكم والتصحيح لي في حالة خطأي
العيوب في التاهو بعد 110 كيلو ولو شوي بس شفت فيه عيوب
1- ان الهواية ما تنقفل 100%
2- السيارة ثقيلة في الفرملة ومادري هل لأني متعود على الكورلا.
3- البلاستك اشوف انه لو يسووه اكثر جودة كان افضل.
4- العزل جيد ولكن ليس ممتاز.
5- صوت الشارع ينسمع ويمكون لأنه جنط 17.
العيوب في التاهو بعد 110 كيلو ولو شوي بس شفت فيه عيوب
1- ان الهواية ما تنقفل 100%
2- السيارة ثقيلة في الفرملة ومادري هل لأني متعود على الكورلا.
3- البلاستك اشوف انه لو يسووه اكثر جودة كان افضل.
4- العزل جيد ولكن ليس ممتاز.
5- صوت الشارع ينسمع ويمكون لأنه جنط 17.
وبالاخير اقول مع ذلك ولا يهون التاهو لو عندي فلوس سيكويا فل كامل او نص فل كان اخذتها مو لنه فقط تويوتا ولكنها الاكبر في الحجم .... الاخ مع قلة مواصفاتها بس راحتها حلوة
الله يوفقنا واياكم لكل خير
وبالنسبة للصور فأن شاء الله قريبا
تحياتي،،،،
