قدر الله و....مكينة الفورد روحت..أهل الخبره بالتوضيييب

أخواني

جذاب

بادي

عمومي ثقيل (مالك لوا)

أحمد

ابو سعود

ترافيلر


أشكر كل واحدن منكم كلن باسمه

والموتر فيكتوريا 97 موتري الخاص لكن الظاهر ان قدحته عين والحمدلله

بالنسبه للمكينه شد وكاله ماقد انفكت ولا انخرطت ولا اي شي

فالافضل اوضب او اشتري مكينة 2002 ؟؟

بارك الله فيكم

احسنت اخوي ترفلر


الاخ ملك الفكتوريا صاحب المخبطه

انت تشتغل في المعارض شريطي ؟
لانك تبيع وتشتري شكلك تتدبست في ذي :smile:

للاسف انت مشيت عليها من غير زيت يعني لما توضب بتغير قطع كثيرة لانها مع الاحتكاك اهترت وبتكلفك مبلغ مو بسيط اتوقع فوق 7000ريال صحيح التوضيب احسن لكن بالنسبة لك اشتر مكينة موديل حديث اوفر لك والله يكتبلك التوفيق.

سئلت الميكانيكي عن توضيب مكينة كامل زي سيارتك فقال2500 شغل اليد مع القطع اذا كانت القطع تجارية و3500 اذا كانت القطع اصلية فحبيت انك تستفيد

تعال للرياض انا موضب هناك وحمدالله كل شي تمام ويعطيك ضمان 3 اشهر
بس طبعا انا وضبتها اغلى لان سيارتي 8 سلندر امريكي وكلش تمام بس لازم تحافظ عليها اول 1000 كيلو والاسعار شوي غاليه بس تستأهل ومع ضمان
وانصحك توضب احلى من تشتري مكينه مستعمله لان ماتدري وش كانت قبل !! وبعدين ماتبين عيوب المكينه الا بعد 400 كيلو تقريبا وطبعا مكاين مستعملها يعطيك ضمان 3 ايام ..!!

التوضيب قصتي معه قصه

قد وضبت سيارتي كرسيدا مرتين ولكن للاسف تخرب وترتفع الحراره وخسائر وبعد سنه او سنتين على الاكثر ومهما تكون مسايس ومحافظ تخبط مره ثانيه وبسبب الحراره

ماادري يمكن مكينة 8 سلندر تختلف عن اربعه في التوضيب لان ثمانيه اقوى واتوقع اغلى في التوضيب
المهم التوضيب كان عند واحد ثقه من الجماعه يعني مافيه بعد كذا ولكن ماينفع

نصيحتي لك لا تاخذ موضبه ابدا ولا توضبها
اشتر مكينة جديده ان قدرت اعتقد تباع ماادري وين في الصناعيه مكائن مستورده اذكر كانت مكائن المانيه للمرسيدس وهي مكائن مستعمله ولكن الامريكي ماادري بس اسأل تلقا ان شاء الله اتكلم عن صناعيه الرياض

يعني اشتر مكينة جديده احسن من الوكاله (افضل خيار) او مستعمله غير موضبه وعليها ضمان على الاقل سنه ان قدرت او الخيار الاخير التشليح ولازم تشوف السياره المصدومه وتتاكد انها مكينتها الاصليه لم تفك ولم تبدل وتشوف العداد وموديل السياره وتسأل الله يعطيك خيرها ويكفيك شرها ...

زي ماقلك أخوي عمومي لو تحصل تشليح وتشوف المكينة راكبة بالسيارة المصدومة يكون أفضل مع الحرص على شراء مكينة أحدث موديل يركب على سيارتك

بس انتبه لا يبعيونك مكينة مخروطه

لانهم ياخذون المكائن القديمه والبعض منهم يوضبها وبعددين يبيعها :wink:

أخوي لم تذكر موديل سيارتك وبخصوص سؤالك رح للتشليح وتلقى مكينة على الشرط والضمان أحسن لك من التوضيب لأن التوضيب يحتاج مخارط صح ومخارطنا الله بالخير رح زي ماقلتلك وتلقى مكينة وهم يركبونها وراح يخفضون بالسعر على شان راح يأخذون مكينتك وكلها ست ساعات وأنت راكب سيارتك بالنسبة للتوضيب 50% ماينجح إذا فيه خرط للسلندر لأن المخارط زي ماقلتلك ليست زي مخارط أمريكا أو المانيا عمالة سائبة وأجهزة الخرط لك عليها والتوضيب ينجح في الغالب إذا تركب سلندر جديد أو أن المكينة من الأساس ماتحتاج خرط بس تحتاج سبيكة وشنابر