صار لي حادث وابيكم تقولون لي انا غلطان ولا لا

السلام عليكم جميعاً

شباب اليوم الساعه 12 اليل صار علي حادث ووقتها كنت مواصل 24 ساعه وكنت مفهي ولا قلت للعسكري شي وخليت الطرف الثاني يتحدث وانا ماقلت الا اشياء بسيطه

طريقة الحادث:

كنت ماشي في شارع عام (الملك عبدالله) وجيت ادخل على الخدمه لفيت يمين ودخلت اول مادخلت شفت راعي ماركيز يدق ريوس ضغطت نص فرامل تقريباً ويوم جيت الف اوخر ولا ادري الا اسمع صوت حادث وانا ناقز في الصراف :bigggrin:

وقفت طلع راعي كابريس صدمني من ورى طبعاً مكان الصدمه زاوية الصدام (مع العلم ان السياره هايلوكس) وشوي من الاسطب

الي استغربته اني ماسمعت صوت فرامل يعني راعي الكابريس شكله كان مفهي

جا المرور قدر الحادث خذ كلامي وخذ كلامه

وللأسف اني ماقلت الي صار 100% لأني زي ماقلت مواصل يوم كامل

هو قاله اني يوم دخلت المخرج لفيت عليه وضربت فرامل ! وهو مامداه وصدمني

انا سكت وياليتني ماسكت

لو اني يوم دخلت المخرج لفيت عليه زي ماقال كان الصدمه صارت في الركن اليمين

بس الصدمه في الركن الايسر

مع العلم ان البدي الجانبي ما تأثر ابد بس صدام وشوي من الاسطب

حتى اني مادري مين الغلطان وكم النسبه ولا شي كل الي سمعته ان العسكري يقوله تبي تتنازل وهو قال ايه

بعدين يوم مشا العسكري قالي بينا جوال !! :confused1: <-- رقمي عنده

انا استغربت قلت ليش يتنازل بعدين يقولي بينا اتصال

والسؤال الغلط على مين مع العلم اني كنت ماشي بين مسارين يعني في النص من يوم مادخلت على المخرج

واذا على حسب كلامه هو كان مشي في الخدمه .. الي ودي اعرفه شلون صار في المسار الايسر


مع انه مستحيل يكون في الايسر الا في حالتين يا انه كان جاي من الرئيسي او انه من النص للأيسر

ووقت الصدمه هو كان ماسك يسار


شباب ادري اني لحستكم شوي بس والله حتى انا لحد الان اجمع معلومات كيف صدمني


وودي اعرف لو دق علي وقال ابي فلوسي .. وش اسوي وقتها اعيد تقرير الحادثه ولا كيف مع العلم انه تنازل


متشكر لكم مبدياً واتمنى انكم تساعدوني