تظبيط كامري 2010 ؟!

الله لا يهينكم يالربع :)


و لااا زلت بأنتظار المزيد من النصااائح ==

ركب مسجل شاّشه تلقاّه جديد بـ 1200 نوع افلون

وركب جنوط اوريون

وركب زنن ياباني

وركب جناح

سوا فيها الاي تبي ولكن ابعد عن التنزيل واذا عزمة نزلها اشوي اشوي لن من يوم تنزلها تنعدمومشاكلها ما تنتهي

دامك راعي كامري فانا اعرف ايش بتسوي


بتغبرها وبتفك الطيس وتهبط السيارة لتحت

أنا من رآيي إنك تلبس المراتب جلد ألماني + جلد شامواه و يكون الجلد الألماني بلون و الشامواه بلون ثاني

و تراه رخيصه ما تكلف واجد أقدر أجيبها لك بسعر حلو إذا ما قدرت تحصل

وسوي تخشيب

ومن برا

ما ادري ودي لو تحط صور عشان اعرف اخطط لك للتضبيط بأشياء بسيطة و رخيصة تسويها انت بنفسك

جنوط اوريون جراندي وخل الطيس الي بالجنط ذهبي + غطا البلوف ذهبي حقت الكفر موالمكينه:wavey: + استكرات زي اصحاب الكوابرس 90 وطقتها يعني لصقات كتابه تخص تويوتا وعلامه طرمبه بنزين المحطه وانت رايح لبس تكايات الراس كيس احمر اكياس تويوتا من داخل على الديكور بدون تظليله بدون خرابيط :c0038: بس الله يستر عليك من العين والا الموتربيطلع ادب الادب

والله ياخي انا احب الشي وكاله حتى لو فترة بسيطه
ولانعلم هل انت متأهل او لا لان العائلة صعب تكون السيارة نفس العزوبي

سو الي ودك بس تكفى خل الطيس مكانها ولا تغبر