كشحـت له خفيف وبأدب .. وما يبي يبعـد .. ويمشي بشويش .. وش تســــــــوي له ؟

صادق والله

انا الصراحه مدري وش ابسوي لكل حادثا حديث :bigggrin:

السلام عليكم

أعوذ بالله من ذولي وعلى فكرة أكثر الناس اللي تسوي
هذة الحركات هي من المراهقين + غير مسؤولين عن شي

بس بالنسبة لي على حسب المزاج إذا كانت سرعتي قانونية وقدامي كم واحد ماشي بنفس السرعة ما أوخرله لو تطلع براسة انخلة بس لو الطريق فاضي ومافي زحمة عادي أوخرلة لأني مب خسران شي إذا وخرت عن طريق هالأرعن.

تصدقون ياشباب ان هذي الحركه انا اعاني منها شبه يوميا

ياخي وش بلا ذا العالم ذي الأيام كلهم مستعجلين صارت عندنا اقل سرعه على الخطوط السريعه من 140 - 160 وانت طالع ..... أعوذ بالله وش ذا

ساعات اصير امشي ومعاي العايله ودوشة البزران واصير امشي 140 150 واشوف اللي جاينين صواريخ ارض ارض يمر عليك شطف كأنك واقف

طيب تصير انت متعدي وماسك الخط الأيسر وسرعتك 140 وجميع المسارات فيها سيارات ومايمديك توخر عنه وهو تشوفه من بعييييييييد جايك ويكشح لك بالزنون وبعضهم مايستحي يجلس يدوشك بذا الزنون وهو يشوف ان الخطوط مسكره ومايمديك توخر عنه ومع ذلك يكبس لك ويلحم فيك يخليك والله تنشغل عن الخط فيه وبحركاته
وانت يبيلك فتره بسيطه لين تمر وتتعدى السيارات ومع ذلك مافيه صبر ... بالله عليكم في هذي الحاله انت شتسوي ساعات واستغفر الله اقول ادح بريك الصق وجهه بالصدام بس مايهياني قلبي اقول ولد الناس وجاهل والله يهديه ويستر عليه ويوصله لأهله سالم واتعوذ من ابليس

ابحكيلكم ذي السالفه اللي حصلت معاي بيوم مع هذولا اللي يكشحون بالزنون ومابراسه الا توخر عنه لو تطلع كتف او تنقلب المهم انك توخر عن دربه

........... بعدين اكملها لكم الحين بروح امر البنك قبل لايسكر عن أذنكم

أنا اسلوبي في القياده غير (ممتع)
إذا كنت ماشي وفي واحد وراي أول شي أكبس له ماوخر ألحم فيه تلحيم صــح واقعد اكبس له وإذا ماوخر اخذ خط اليمين واشطفه شطفه عمره ماينساها ويوم اطلع قدامه اروح على خطه واحجره

أما لو كنت أنا ماشي في اليسار وجا واحد وراي لو كبس بأدب على العين والراس
لو كبس بهبل عاد ندخل بدائرة العقوبات لو كبس اعطيه اشاره يمين ويسار بس تكون بفن
وإذا لحم عاد يكون يوم سعدي امسك فرامل ووقتها رح يكون له خيارين 1-يمسك فرامله بكل قوه ويبلع ام العافيه ويتربيى 2-يصدمني ووقتها المرور سيد الحكام أخليه يصلح لي صدامي

انا والله مدري ليش تزعلون من الواحد اذا عطا نور عالي للحضه بسيطه وليش تسمونه تخلف يعني وش فيها اذا واحد مستعجل ولقا له واحد ماخذ راحته عالخط الايسر وعطاه لمحة نور عشان ينبهه انو انا مستعجل وخر شوي بيموت ولا بينصرع اذا وخر شوي اذا علق الواحد عالنور العالي مالومك هذي قلة حيا وازعاج بس مسالة اني اكبس لواحد نور عالي بسرعه عشان يوخر ما اشوف فيها اي شي ومو لازم نقول الاجانب سووكذا وما سوو كذا هم ماهم قدوة لنا
طيب اذا طحت لك في واحد غثيث وثقيل دم ماسك المسار الايسر على مهله وحاجر البشريه وراه كبست النور له مانفع دقيت له بوري دقه خفيفة ومانفع وش تسويله مالك الا تعلق وراه بالنور العالي واذا مانفع علق بالبوري بعد واذا زعل ويبي يوقف على جنب انا اعتبرها اسعد الفرص لانه بيني وبينكم العينات النشبه ذي المفروض ماتسوق الا في البر

يا رجال بعض الناس يحسب الشارع له و لا مدري كيف؟؟؟!

طوفه من اليمين و ريح عمرك...

و أتركوا المشاكل

و المفروض اللي يمشي باليسار ما تقل سرعته عن 120 علشان لا يتقفل الدائري

[COLOR=#0000ff] يمشي 120 و يكبس بالزنون بحركة سيئة جداً
على شكل فلاشات

[/COLOR]
^^
يآ كرهي لهالحركه .. ودكـ تخليه يوطف وتحدهـ :a1120(82): !!

أمآ بالنسبه إذآ كنت أنآ اللي أبي أتجآوز وكبس ومآ وخّر .. يكون هنآكـ احتمآلين :

إذآ سرعة اللي قدآمي قآنونيه وأنآ اللي مسرع .. في هذه الحآله اللي قدآمكـ له الحق انه مآ يوخّر :a1120(86):

أمآ إذآ مآسكـ أقصى اليسآر ومعطل السير .. في هذه الحآله نلجأ لاستخدآم سبل أخرى .. لآ يسعنآ ذكرهآ لمآ فيهآ من صور بشعه <-- موب عآقل :bigggrin:

طيب واذا صار معه 200ال وماسك السيد الايسر وهو مسرع تشوف رجله طالعه من قدام واخر شيء ما يتعدى 20 :bigggrin:

وش تسويبه واتحدى اي واحد يقول غير ذا الكلام

والدليل امسك طريق الملك فهد وانت متجه جنوب <<<في الرياض :bigggrin:


وفيه ناس عجله كذا ما يعرف يمشي الا 160 ولا يعرف يهدي ابد حتى التريلات الحين يكبسون

كنت مرة ماشي من الاشارة في امان الله يعني توي محرك على سرعة تقريباً 60كم
و انا ماسك اقصى اليسار و على يميني المسار فاضي

المهم جاك راعي فورد 97 يمشي 120 و يكبس بالزنون بحركة سيئة جداً
على شكل فلاشات

و طبعاً احتقرته و ما فتحت مجال و السيارة الجيب مضللة و ما علي منه
لكن لو كان جاي بأدب ممكن اسمح له

المهم و يلزق الصدام على الصدام

و اضرب لك فرامل بوجهه و كان في يده بيبسي و انكب عليه و راح وطي

ثم تجاوزني من اليمين و سوى نفس الحركة قدامي بس انا تفاديته

و سوى نفس الحركة مع الناس اللي قدامي

و لحقته بس ابي اعطيه شوية نصائح عشان يتربى و يحترم الناس لكن ضاع مني

لانه رجل جبان

ووالله بعضهم الإشارة بتسكر ويجلس يتسمج قدامها لين ما تسكر وبعدها أجلس أنا عند الإشارة لين تفتح بالله ما ينرفع ضغطك كذا وببساطة على قولة صاحب الموضوع أكشح عليه وأدق بواااااري

من أمن العقوبة أساء الادب قلة الحياء لدى معظم السائقين في السعودية فوق الوصف بسبب الجهل وقلة الأدب والحياء وغياب الثقافة المرورية وعدم تطبيق أنظمة المرور بشكل صارم وضعف الرقابة المرورية , والشخص اللي مثلا ماسك اليسار يريد التجاوز وسرعته اقصى سرعة على الخط السريع وهي120 كيلو ثم يجونك الطيارين من جهة اليسار الواحد يمشي أقل شي 200 كيف يمدي الرجال ينتقل للوسط بسبب فرق الوقت نتيجة فرق السرعة

ياخي بسيطه اشطفه هههههههههه

لاوالله عني مره واثنين وثلاثه مايجي يااشطف مرايتوا او اني ادفه خخخخخ

^^^

صحيح

تصير وهذا يدل على انه مو مستعجل اساساً

والمفروض كل واحد يلتزم بالنظام واللي مستعجل يبعد عن اللي مستعجل اكثر منه بدون تصرفات طائشه من الاثنين

والسرعه الزائده تفقد السيطره في حالات الطوارئ

حركة اضاءة النور العالي للي امامك من اجل ان يفسح لك المجال هذة الحركة لم اشاهدها في العالم الا هنا عندنا بالسعودية وبعض الدول العربية فقط وهذا دليل لعدم وجود ثقافة مرورية لدى الشخص وعدم احترامه للأخرين .

ولكن الموضوع اصبح عادة وتراث متعارف عليه ان يجيك احد مدرعم من وراك ويضرب لك النور العالي ( يعني وخر ) حتى وان كنت تسير بالسرعة القانونية للطريق فلازم توخر والا سوف ترى انواع الحرش والعصبية وممكن يوقفك علشان يضربك

لو تركنا هذا السلوك السيء واحترام الناس اعتقد اننا سوف نحل كثير من المشاكل التي نجدها في الطريق....