صدري ضايق يا عالم !! الميكانيكي يقول مكينتك خلاص راحت !!

السلام عليكم ورحمة الله وبركاته ..... وبعد

شوف اخوي خذها قاعده المكينه لاانفكت ماتعد ترجع زي اول ومستحيل ترجع واسئل مجرب جربها 3 سنوات ...
انا كانت معايا فورد كراون فكتوريا 96 طبعا شريتها نظيفه جدا مافيها اي بلوه وبعد ماخذتها قعدت تقريبا معي 6 شهور ومن بعدها قامت المشاكل تتراكم مشكله ورى مشكله اول مشكله اللي هي الحراره لازم تحصل هالمشكله في كل امريكي ...
بعد ماصلحت الحراره وغيرت البلف مشت قرابة شهرين الا وتجيني مشكله بعدها اللي هي القرقعه والتفتفه .... التفتفه هذي يإانها من حساس الجربكس او راس المكينه لعنها الله ..
وهذي القرقعه طبعا تجيك من نقص الزيت في المكينه او احتمال كبير من السلندر او احتمال اكبر واكبر من روس المكينه برضوا لعنها الله ..
روس المكينه هاذي جابتلي الشيب في راسي مشكلتها ياطويل العمر ان الحراره ارتفعت علي وانا ماشي الا شوي تفتف وتطفي السياره وتطلع ريحة حرق طبعا من الروس نفسها عشان الطرمبه حقت المويه انكسرت لان كل مارتفعت الحراره غيرت المويه ... واختلط المويه مع الزيت وتنعدم الروس ... والسبب هذا كله اشتريت بلف اي كلام .
ومن بعدها صلحت الروس اشتريت روس جديده بعد مانفكت المكينه من الى .
والمكينه بعد ماصلحتها مشيت معي زي الحلاوه قرابة شهر وارتفعت الحراره من جديد بسبب الرديتر كان مهرب من عندي مادري هرب من ايش وارتفعت الحراره وصلت فل وانشق الرديتر وطرطش على المكينه ورجعت مره ثانيه مشكلة الروس وبرضوا غيرتها وكلفت مبلغ وقدره فك واصلاح وتركيب ومن بعدها تعودت على هذا الموال
(( خرب ,, صلح ,, ركب ))
وكل شوي تجيني مشاكل في المكينه غير الحراره زي الجربكس والجنزير والطرمبه والفرامل وال ABS والكهربا والمكيف مشاكل مالها نهايه ... غيرت المكينه كلها ماخليت شي ..
والله العظيم ستنين وانا كل شوي اصلح الين مابعتها وافتكيت من شرها .
دفعت فيها مايقارب 25 الف ريال والله شاهد على مااقول .
الزبده ياطويل العمر اشتريلك مكينه جديده ماتكلفك حدود 5000 بالكثير
وريح راسك لكن بتفك وتصلح فاقولك الله يعينك
خسارة 5000 ولا خسارة 25000 الف ... فانت اختار اللي يناسبك
فانا والله العظيم اني اتمنالك كل خير وماودي تجرب اللي جربته فاشوف اللي يريحك واختاره..
وتقبل خالص تحيات ي ....

شوف اخوي المهندس إذا انك تثق فيه ولديه خبره وعنده زحمة سيارات مارايح يغشك على حسب مصلحته ولا عليه نقص زباين إذا كانت ورشته مشهوره وله سمعه لكن احنا احياناً نتفاجى بشي لم نكن نتوقعه وقد حصل لي مثل اللي حصل لك قبل 12سنه بكابرس89 ولايزال معي ولله الحمد وبحاله ممتازه , كان يوجد بالمحرك نفضه بسيطه وكنت مشتريه بوقتها ومافيه اصفى منه ولما عرضته على ورشه فحصوه كمبيوتر وطلع احد البلوف بالسرندل رقم 3 مكسور ولايحبس الهواء وقال لي المهندس لازم خرط السرندل تغيير البلوف فقط مايفيد صحيح انها بتروح المشكله ويصفي الموتر تمام لكن مايتعدى اشهر معدوده إلا وهويدخن لأن السرندل به تشفيف بسيط وزعلت وطلعت من عندهم وذهبت لثلاث ورش كبيره وكلهم قالوا نفس الكلام صنفرة البلوف وتغييرها راح يخلّص عليك الشمبر بسرعه واكد الكلام هذا زبون عندهم غير البلوف ولم يطيع المهندس ويحلف لي انه ما اخذ اسبوع إلا السياره تطلّع دخان وبقوه ,

انا وضبت توضيب كامل خرط السرندل مع تغيير البساتم وكل شي وكلفني 4500 الكلام هذا سنة1419هـ والحمدلله السياره طلعت شبه وكاله,
اللي ابقوله وقاله لي المهندس التوضيب يعتمد على السرندل إذا انه مشفف ولو بنسبه بسيطه مايفيد تغيير الشنابر لأن ضغط البلوف يصير قوي جداً بسبب صنفرت البلوف ويحرق عليك الشمبر بسرعه ,موترك2001 بالتأكيد انه مايفيد تغيير شمير فقط كانت الورش القديمه ماعندهم معرفه يوضبون نصف توضيب وهذا حصل في سيارات لنا نوضبها ولا تاخذ شهرين إلا هي مجيمه وهذا استنزاف للمال بدون فائد تذكر ..

إذا موترك عندهم ومفكوكه مكينته خلاص اتكل على الله وخل خسارتك وحده على ان يعطيك ضمان مده تتفق معه عليها وتمشي على تعليمات المهندس بعد التوضيب اما إذا موترك مافك مكينته ممكن تعرضها على ورش كبيره وتشوف مطابقة كلامهم ...

بالتوفيق

اخوي انا والله نفس مشكلتك تقريبن
وراحة الى اكثر من ورشة وقالو الصوة في المكينه وقالو لازم فك مكينه
وراحة عند واحد سعودي وقال ابي اشوفة لك ورد لك خبر وقالته اجيب مكينه من التشليح قال لا تجيب لان ماتعرف وش فيه وهل هي زينه ولا ووظبت المكينه
وتر على فكرة التشليح يعطيك ضمان 20يوم فقط لا غير
وتوظيب احسن لك وافضل
وتقبل مروري

اقول الله يعوضك خير ان شاء الله ويكون في عونك المكينة اذا انفكت اقر عليها السلام وضب وامرك على الله بس لا تستعمل زيت موبيل لانه هو اللي يسبب التخبيطه وانت ما تدري. واذا الميكانيكي اللي تقول انك تعرفه وهو ثقه فالله يعينك على التوظيب جب القطعة وخلك على راسه الين تنتهي ان شاء الله تقعد اسبوع خلك على راسه

:rolleyes1:

لاتعتمد على احد
والاحسن روح افحصها بالوكاله صحيح بيطلعون الفين عيب

بس مـآآآآظن يخرفون ويقولون وضب ماكينه

وفحص الوكاله ماياكل عليك 140 ريال ويعد يوم واحد يردون عليك

ولا بعد فحوصآآت على اعلى الكمبيوترات مو على شوفت باكستاني

والله يفك ازمتك

الخي الكريم بعد التحيه / اول شي ليش يضيق صدرك عشان شي بسيط اهم شي العافيه والامان وانت مسلم اخي الكريم وهاذي موجه بسيطه من الدنيا مابعد شفت شي فوسع صدرك

اما بنسبه لسيارتك اول شي اعتقد انها ماشيه 20000 ميل يعني حدود 40000 كيلو
وتقول انها تنقص والمكنيكي يعرف انها تحتاج توضيب بعد مافك الراس حق المكينه يعني شاف السرندر ولقاه متئكل ومتجرح يعني لو سويت الجنزير المكينه تعبتانه من البدايه
ولا تقولي مكان فيه شي هذي مشاكل متطلع الى اذا فك المكينه
لان الدخان من الشكمان مو شرط يطلع لان السيارات الاستعمال الامركي يكون فيها دبات تلوث تمسك دخان الى اذا زاد عن حده ودخان مايطلع الى في مرحله متقدمه هو والزيت على البواجي وتبخير من عيار الزيت او غطاء الزيت

وانا اشوف ان المكنيكي نصحك لمصلحتك لو صلحتها وكلفتك 1500 مع شغل اليد ماراح تستفيد وبعدين البلوف اكيد يوم فك الراس لقاها تعبانه على الاخر ممكن تحتاج تغير او صنفره خصوص انا الفورد بلوفه اوتوماتك يعني ماتنوزن يدوي يعني لاتزم تكون سليمه ميه بلميه

بلمختصر المكينه دامها شغاله فياحلوها اما اذا انفكت فالله يعينك
وانا اقوا وضبها عنده احسن لك ولا تاخذ كلام فلان وعلان انت ابخص بنفسك ومهندسك

وبعدين وش بيستفيد المكنيكي من هلاكلام تغير الجنزير وهو سهل 500 اما توضيب المكينه كامل وفكها وتركيبها وتشغيلها ودوخه 1000 ريال يعني يخذ ال500 اريح له
ونا اشوف ان هلامكنيكي انه لك من الناصحين والله اعلى واعلم

دمت بود

اخوي شيك ع الصبابات وتكايات البلوف الجنزير اذا كان خربان مايطلع صوته ع طول من فترة لفترة وصوتة مايطلع الا شي بسيط طقطقه خفيفه وطرمبه الزيت صوتها يستمر ع طول اذاكانت السياره حاره تطقطق طق طق طق سواء ماشي او واقف الصبابات اذا كنت ماشي مسافه طويله تطلع طقطقة مع السرعه لكن اذا بردت السياره يروح الصوت ع طول اذا المكينه ماتنقص زيت ولاتسخن ولاتدخن مافيها اي مشكله لكن غير الورشه جرب ورشه ثانيه

من يوم قالك غير طرمبة البنزين اعرف انه نصاب ووديها ورشه ثانية ولا تقول له اي شيء عن كلام الميكانيكي النصاب قول له عن مشكلة الطقطقة فقط

حياك فني سيارات .. صراحة كثيرين قالواا لي طلع السيارة وودها للورش غيره وهذا اللي بسويه ومن ناحية كلامك اني تسرعت في السيارة ! انا ولله ماتركتها عنده عبثا ً ولا لاي سبب اخر اعرف 3 اشخاص معاملينه دايم بسياراتهم والرجال يصلحها وانا سبق ان السيارة اللي كانت معي سابقا فيها عدة مشاكل وصلحها لي وانتهت جميع مشاكلها ..

اشكرك على مداخلتك والمكينة انفكت خلاص .. لكن ان شاء الله امر ورش غيره واشوف وش يقولون ..

رحال مشكور على مداخلتك .. بالنسبة للاسئلتك

السيارة تقريبا ً ماشية 200 الف والتنقيص شيكت مره على الزيت ولقيته ناقص نص علبه ..

والسيارة قبل الصوت كانت ممتازة جدا ً جدا ً جدا ً لابعد الحدود ولا فيه اي مشاكل بتاتا ً في السيارة الا مرة ارتفعت علي كنت موقف ومشغل المكيف وطفيتها وعبيت مويه واختفت الحرارة من يومها والميكانيكي استخدم الزيت على حد زعمه علشان يعرف المشكلة من وين والتغيير غير الجنزير والفترة صراحة السيارة طولت عنده لان كان عنده زحمه تقريبا ً اخذت اسبوعين وبعدين جيته وعلمني بمشكلة المكينة وعليها الى الحين والسيارة عنده وقريب بطلعها وباروح للورشه ثانيه والزيت اللي استخدمه موبيل

مشكور على مداخلتك ..

الله يعينك و الله

انا اقول اسحب سيارتك منه شكله مطلع 100 مشكلة علشان يستفيد منك كل كلامه غير معقول بالمرة
طلع 100 عيب على شي مايستاهل
كانت البداية مجرد صوت عند اطفاء المحرك وهذا غالبا يكون من التوقيت او ضبط التوقيت بالمسدس الاكتروني او بسير التايمنج ولكن ابدا لاتصل الى


مالهم علاقة بالمره




كيف ولماذا اعتقد ان كل هذا ايهام بان هناك مشكله كبيره لديك

قال اشتر مكينة ولا وضب المكينة [/QUOTE1 -
اكيد انصحك بمحل من محلاته او من يتعامل معاه لتشتري من عنده



مافي داعي بالمرة

تبديل الشنابر و السبايك يجعل الماكينه شبة جديدة كيف يقول تمشيك 6 شهور فقط
كلامه هذا كله فيه شك كبير وان كان صاحب خبره ولكنه ,,,,,,,؟؟

من صاحبه :mad1:

الله يعينك عليهم اكيد الحين السيارة ماكينتها مفتوحة وماتطلع من عندهم الا مبهدله حسبي الله ونعم الوكيل

و السموحة بغيت حل ضيقت عليك اكثر الصراحة اشوفك تسرعت في التصليح ووضعها في هذا الكراج ياريت كنت عملت استشارة قبل ادخالها الى اي كراج

السلام عليكم ورحمة الله وبركاته

اخوي نحتاج منك توضيح اكثر لكي نحاول ان نساعدك ونعطيك المعلومه الصحيحه
ان شاء الله

إنت تقول بعد ظهور الصوت إن الميكانيكي بعد الفحص قرر يغير الجنزير
وبعد ما راح اخوك يستلم السياره تغير كلام الميكانيكي وقال تحتاج تغيير طرمبة زيت
وفي المره الثالثه تغير كلامه ايضاَ وقال المكينه تحتاج توضيب

من هذا استنتج أن الميكانيكي هذا قاعد يتعلم وأتوقع إنه لعب في المكينه عندك
والعلم عند الله

اسئله اتمنى الاجابه عليها

كم المسافه التي قطعتها سيارتك ؟
وهل السياره كانت تنقص زيت من قبل؟
وكيف وضع السياره قبل المشكله بوجه عام؟
وهل تعلم انا زيت ستوب لا يستخدم إلا للسيارات القديمه والى مكاينها تنقص
وفيها ضعف بالشنابر؟
هل الميكانيكي فعلاً استخدم زيت ستوب في سيارتك؟
هل الميكانيكي غير الجنزير أو اي شيئ اخر بالمكينه ؟
كم الفتره الي قعدت السياره في الورشه؟ ومالسبب؟
أخيراً مانوع زيت المكينه الذي تستخدمه ؟

والله يعنيك على هذه المشكله وان شاء الله في اجاباتك لهذه الاسئله
ستستفيد إما منى أو من الاخوه الاعضاء

وشكراً

جزاك ربي خير الجزاء يا صقر ابيض .. ماقصرت

وان شاء الله انقز للكم ورشه واشوف كلامهم

الله يكون في عونك
اعرضها على كذا ورشه
وافحصها بالكمبيوتر
وفرج الله قريب وطلابه مايخيب

هلا هونداي للابد

المشكله ان الرجال ميكانيكي له 29 سنة يشتغل ميكانيكا وفيه 3 اشخاص نصحوني بالورشة هذي ولي فترة اصلح والحمدلله صلح لي اكثر من 3 خرابات في سيارتي وفي سيارة اخوي لكن الحين مدري عن صحة كلامه خصوصا ً ان كلامه في المكينة وكل شوي يشطح بكلامه مره يقول طرمبة بنزين ومره زيت وبعدين قال يمكن توضيب .. لو شي ثاني ينبلع لكن المكينة ما ودي اخسرها ! ولله يقبل دعاك ان شاء الله

مشكور على مداخلتك