أشوف أغلب الناس ترد بسيارة معينة ولا تعلمك شيء بمعلومات عن السيارتين!
(عن نفسي مع أحترامي الشديد لهم وبدون تقليل منهم لا تأخذ برأيهم إلا من يزودك بالمعلومات)
الهوندا CR-V صناعتها أخبر يابانية بينما تويوتا فورنتشر ياباني تجميع
أندونيسي خامات الداخلية الله بالخير
شكله أوجه من الداخل بكثير مقارنة بي فورنتشر (وجهة نظر)
كذلك أفخم وأفضل بالمواصفات كفخامة وأمان أيضا أما GX من الفورنتشر ترى ناقص جدا المواصفات أنا ما ادري وش الي متوفر فيه أيرباقين وABS وغيره لكن لما تقارنها بمواصفات الفل كامل أو النص فل كم CR-V راح تلاحظ فرق كبير جدا
بس لا ننسى
ترى يميز الفورنتشر عن CR-V أنه مخصص للبر بينما CR-V لا يصلح للبر إطلاقا! بس الأماكن السهلة الثمامة وغيرها لكن بتدخل أماكن تغاريز ولا تفكر تطعس فيها ما تصلح لأن مافيها دبل بخلاف الفورنتشر
ولا تنسى أيضا CR-V صفين من المقاعد 5 ركاب
بينما الفورنتشر ثلاث صفوف من المقاعد 7 ركاب
محرك الفورنتشر 4 سلندر 2.7 لتر قوته 157 حصان
CR-V محرك 4 سلندر سعة 2.4 لتر قوته 180 حصان
(أعتقد فورنتشر عزمه أعلى من CR-V وهذا بيخدمه أكثر بالطرع الوعرة)
أنا لو مكانك وما أروح للبر أطلاقا لأخترت CR-V
وبنسبة لي الفورنتشر لا تفكير فيه إلا أن كان 6 سلندر لأن هنا يكون فيه مواصفات إلا ان كنت بتستحمل 4 سلندر عزمه الضعيف وقلة المواصفات فيه سرعته القصوى التي لا تتجاوز 160 كيلومتر/ساعة.
أما أن كنت تبي سيارة للبر فالفورنتشر بيكون أفضل لك
