البنزين الموصى به لسيارتك 91 .. ما أعتقد في فرق بين 2009 و 2007 من هالناحية .. لأن المكينه بشكل عام نفسها بتغيرات طفيفه والفرق الرئيسي هو القير لأن 2009 .. ست سرعات تبترونيك .. بس انتظر رد أحد الإخوان اللي عندهم 2007 يشوفون لك الكتلوج إذا كنت تبي الخبر اليقين ..
ماشاء الله تبارك الله ... أشكرك على سرعة ردك أخي، وفي انتظار الاخوان اللي عندهم الكتلوج اتمنى انهم يفيدوني
البنزين الموصى به لسيارتك 91 .. ما أعتقد في فرق بين 2009 و 2007 من هالناحية .. لأن المكينه بشكل عام نفسها بتغيرات طفيفه والفرق الرئيسي هو القير لأن 2009 .. ست سرعات تبترونيك .. بس انتظر رد أحد الإخوان اللي عندهم 2007 يشوفون لك الكتلوج إذا كنت تبي الخبر اليقين ..
أخوي نسيم الصمت .. حتى لو كان الأخ اللي تقول عنه مكنيكي ويوظب مكاين ، ما يعني كونه مكنيكي انه يفهم في أمور دقيقه زي هذي ، هذي أمور هندسية تتعلق بتركيبة المحرك ونظام الإحتراق وتوزيع الوقود فيه ، أنا أصلاً من أول ما استلمت السيارة وأنا أستخدم 95 بناءً على كلام عمي لأنه مكنيكي برضوا ، الله يذكره بالخير نبهني قبل ما أستلم الموتر .. يا فلان اوعك تعبي 91 .. قلت أنا السيارة جديدة ومدام السالفه كذا اسمع الكلام.
لو تقرأ في موضوع لي ثاني أشتكي من مشكلة رجه في السيارة على التبديله الثانية أو الثالثه (بين سرعة 30 - 70 كم) ، غير كذا أعاني من (فزعة) الموتر يعني أحس أول الدعسه ما تصير سلسه وبين فتره وفتره تنتع عندي السيارة كأنها مديل 89 مو 2009 ، الحمدلله صار لي يومين من حولت لـ 91 والرجه اختفت .. والنتعه ما عادت محسوسه أبد والسيارة سلسه جداً.
واللي يقول لك خصوصاً الدبل (4WD) لازم 95 هم ما عنده سالفه ، لأن المكاين وحده ما تقتلف شي في التصميم الداخلي والقوه ، وعلى فكره موتري دبل وهذا أنا أحكي لك عن تجربه وبنفس الوقت عن علم ودراية.
وبالأخير أختصر كلامي بحاجه وحده .. إذا الكتلوج يقول 91 ليش نجي نتفلسف ونقول لا 95؟! أنا ما أقول هالكلام عشان أقنع الجميع يعبون 91 .. الإنسان بالأخير حر نفسه وكل يعبي اللي يريحه ، أنا اللي يهمني الآن ان مشاكلي انحلت وبديت أحس بجد بمتعة قيادة (اليوكن) المتميزه جداً .. وتوني راجع من مشروع الرمال في الأحساء ، ومع اني محجر والرنجات عندي 20 إلا انه ما شاء الله عليها في التطعيس ما يحتاج ، صج ما عرفت أطلع طعس بس أقلها مريت بأماكن تغريز مو بالسهل سيارة بهالوزن تعبرها وعديتها بسلام (علماً بأني عليمي وهذي أول مره أنزل بطريق رملي..
أنا حبيت أنقل لكم اللي عرفته وتجربتي للفائدة العامة ، وأنا متأكد ان ناس كثيرة ودت سياراتها للوكاله وتشكت من القير والسبب أمور ثانيه واللي قد يكون البنزين أحدها ، الله يبعد عن الجميع الوسواس ويبعد عنهم عيون الناس ويعطي مواتر الناس خيرها ويكفيهم شرها ..
انا مع الأخوان اللي قالو ان الكاتلوج حدد بنزين 91 لكن واحد من الزملاء اشترى يوكن 2007 وكاله كان يعبي بنزين 91 اشتكى بعد سنه ان المكينه تتفتف
على هذا الاساس انا اعبي بنزين 95 ومريح بالي
في اعتقادي انه مكينة اليوكن والتاهو كبيره وقويه وتحتاج احتراق اكثر
هذا والعلم عند الله.
عزيزي: used2007
انظر إلى كتلوج سيارتك إذا كان يوصى باستخدام 91 فاستخدمه وإذا كان يوصى باستخدام 95 فلا تسخدم اقل منه.
.
.
. المشكلة التي لدي هي عدم وجود الكتلوج في السيارة، وقد اطلعت على كتلوج اليوكن 2008 وكان يوصى باستخدام وقود أكثر من 87 يعني الـ 91 راااائع
وسيارتي 2007 فهل ينطبق عليها ما ينطبق على الـ 2008
