هام جداً: أي نوع من البنزين 91 أم 95 أم 97 أفضل لسيارتك؟ (أرجو الدخول)

السيارات الجديده تكون الجلد والمسامات متعبه وهذه الزيوت خفيفه جدا تتسرب وتسبب مشاكل انت فى غنى عنها!

انت تقول اذا الموتر قديم تستخدم زيت اثقل وهذا يتفق مع قولك !

أخوي بو محمد .. بالنسبة لزيت موبيل1 .. ماهو حدس من عندي ..

ادخل هالموقع:
https://www.mobiloil.com/USA-English/MotorOil/Car_Care/Vehicle_Chooser/VehicleChooser.aspx?option=2

واختار نوع سيارتك وموديلها وكم ماشيه .. ويعطيك الزيوت المقترحة بفئات ممتاز .. فوق الممتاز والعادي ..

بس منكم نستفيد .. ليه موبيل1 ما ينفع إلا للسيارات الجديدة؟

اذا سيارتك قديمه لا تستخدم زيت موبيل 1 او الزيوت المماثله
الزيت هذا للسيارات الجديده او شبه جديده

معلومات مفيده ويعطيك العافيه

أخوي man of the dark
ليش قال لك لازم تغير إلى 95؟ تشتكي من شي في السيارة لا قدر الله أو ان ممشى السيارة عندك غير طبيعي؟ إذا ما عندك مشاكل لا تخلي المكنيكي يوسوس فيك ويلعب براسك .. وإذا عندك مشاكل فدور على حلها بعيد عن البنزين ..

الماركيز أو الفيكتوريا خبري فيهم من موديل 2000 إذا مو من قبل بعد وهم على أوكتين 91 .. وكتلوجهم دايم يوريك 87 بالقراءة الأمريكية ..

اخوي الفور القراند ماركيز 2004

وش البانزين المناسب له مع العلم ان المكنيكي قالي اليوم لازم تغير لبانزين 95 مع العلم ان الى استخدمه هو 91

وش اريكم

بالنسبة للزيت هذي بعض أفضل الزيوت لسيارتك رتبتها لك حسب السعر والجودة الأفضل بالبداية .. والأرخص بالنهاية

https://www.mobiloil.com/USA-English/MotorOil/Oils/Mobil_1_Extended_Performance_5W-30.aspx



https://www.mobiloil.com/USA-English/MotorOil/Oils/Mobil_Clean_7500_5W-30.aspx



https://www.mobiloil.com/USA-English/MotorOil/Oils/Mobil_Clean_5000_5W-30.aspx


أنا افترضت طبعاً ان السيارة فيتارا 4 سلندر وانها قاطعه مسافة حدود 700 ألف كيلو بناء على عمر السيارة وحجم المكينه ..

تحياتي ..

بارك الله فيك ...

نوع زيت المحرك اختاره بنفسي وهو : 10/40 , زيت موبيل .
وزيت 10/40 تستخدمه الوكاله ونصحوني به .

المحرك لايستهلك زيت , والحمد لله .

الصوت صوت " طرق : Knock

توصية الكاتلوج هي استخدام بنزين خالي من الرصاص .

لدينا : 95 و 98 اوكتان هي انواع بنزين خاليه من الرصاص .

اشكرك على جميل وحسن تواصلك :smile:

أنا مو مكنيكي أخوي بس بحاول أساعدك ببعض الإحتمالات الوارده ..

نوع الزيت اللي تستخدمه يمكنه مو مناسب للسيارة .. السيارة عمرها الحين تقريباً 10 سنوات وأغلب الظن انها بحاجة إلى زيت أثقل شوي .. لو تعطيني كم ماشية السيارة ونوعها ودرجتها أو فئتها ممكن أعطيك نوع الزيت اللي بيكون أكثر ملائمه لسيارتك من زيوت موبيل .. وانت ممكن تشوف الزيوت من الشركات الثانيه اللي تنطبق مع مواصفاته إذا موبيل ما يعجبك ..

الإحتمال الثاني .. ممكن يكون صوت الجنزير أو أحد بكراته ..

الإحتمال الثالث .. صوت البلوف ..

أكرر أنا مو خبير إلى هالدرجة .. بس بشكل عام أنصحك ترجع البنزين إلى البنزين المذكور بالكتلوج .. إذا كان 91 عبي 91 .. وشوف اذا الصوت طلع معك اعمل لها تشييك بالكمبيوتر ..

آسف إذا كان كلامي ما أفادك بشي ..

بارك الله فيك ...

السياره : سوزوكي 99 , 1600 سم3 , قير اتوماتك .

ما هو سبب الطرق حسب معرفتك ؟

مع العلم ان السياره مصانه باشراف مني ,
والحراره ثابته على النصف والحمد لله .

سعر لتر البنزين : 98 اوكتان , مايعادل او مايقارب = 8.07 ريال :confused1:

شاكر لك عرضك لتجربتك العملية

وفعلاً حنا يالسعوديييين تفكيرنا غريب وكل شي جديد تطلع أنواع الإشاعات عنه ولا نتعلم إلا بعد مدة ليست بالقصيرة

موضوع مميز تستاهل التقييييم + خمس نجوم

يعطيكم العافية

بالنسبة لأنواع قياسات الأوكتين فهي كثيره نذكر منها

RON - Research Octane Number
وهو القياس المخبري على محرك تجريبي تحت ظروف تشغيل تجريبيه وبدوران محرك لا يزيد عن 600 دورة بالدقيقة

MON - Motor Octane Number
وهو القياس الأقرب إلى الظروف التشغيليه الإعتيادية للمحرك إلا أنه يبقى قياس مخبري إلا أنه يجرى باستخدام زيت ساخن جداً وسرعة دوران عالية تبلغ 900 دورة بالدقيقة

AKI - Anti Knocking Index
وهو القياس الحسابي وهو عبارة عن متوسط قياس الرقمين المذكورين أعلاه أي مجموعهما مقسوم على اثنين

هذه هي أرقام الأوكتين المستخدم في أمريكا بأنواع القياسات المختلفه:
AKI=87
MON=82-83
RON=91-92

بالنسبة لنا هنا في السعودية فالقياس المعتمد حسب بحث سريع لي هو RON.

الأخ zeco1983
الماركيز 91 .. في الكتالوج راح تلقى (87 بأمريكا) واللي حسب كلام الأخ بو محمد انه يعادل عندنا 91 ..

الأخ شـخـص
حاول تعبي والبنزين قريب يفضى وخل السيارة مطفيه أثناء التعبئه وان شاء الله مافي إلا كل خير ، طبعاً يمكن ما تلاحظ الفرق من أول تعبئه لأن زي ما تفضلت صعبه تفضي التانكي بالكامل إلا إذا فكيته وطبعاً ما راح تسويها أدري :) .. بس عندي احساس ان مشكلتك مالها علاقه بالبنزين .. يمكن يكون الكلتش أو أي شي ثاني له علاقة بالقير ، لكن عموماً أنا ما ودي أفتي واقول (مشاكل تقنيه) قد تكون القضية هي فقدان سلاسة السيارة ونعومة ممشاها .. لكن هل هالشي يأثر على المكينه ويضرها الله أعلم ..

الأخ اهلا اهلا
أيش نوع سيارتك وأيش موديلها وكم ماشيه تقريباً؟ السيارة اللي بنزينها الإفتراضي 91 وتسمع طقطقة في المحرك باستمرار هذا يدل انه يمكن جا وقت الصيانه والصعود لأوكتين أعلى ماهو حل جذري برأيي ، وأعتذر على الإطاله في الموضوع .. بس حبيت أغير في طريقة مواضيعنا (يالعرب) دائماً نحب كلمه وغطاها .. ليش ما نقرأ ونكتسب معلومات أكثر تفصيل .. بحاول إذا قدرت أعدل على الموضوع بأني أعطي المختصر المفيد بالبداية واللي يبي التفاصيل يقرأ الباقي .. بس اذا ما قدرت ان شاء الله بالجايات :) ..

حسب رايي :

القارئ لربما يبحث عن موضوع مختصر
وبجمل قصيره ومفيده ........

عللى كل حال بارك الله فيك .

كتالوج السياره ينصح باستخدام بنزين خالي من الرصاص .

تم استخدام بنزين 95 خالي من الرصاص الا ان السياره
صدر منها صوت الطرق او التجريسه مثل صوت الجرس .

تم التغيير الى بنزين 98 خالي من الرصاص واختفت المشكله والحمد لله .

شكرا
الموضوع في غاية الإفادة لكل قائد سيارة بس هل فعلا اذا زادت النسبة تتسبب بمشاكل ميكانيكية؟

عندي صني قير عادي وفيها نتعات غريبة عند تغيير القير خصوصا للنمرة الأقل حتى صرت اخاف اغير وأحد وراي أخاف يصدم فيني
مع العلم اني ما أعبي الا 95
راح أجرب 91 يمكن المشكلة من النوع
بس فيه مشكلة اذا عبيت 91 على 95
بعض الناس يقولون انه عادي يصير البنزين 93
وبعضهم يقول تطفى السيارة وتصير لها مشاكل وخايف

الكامري 2010
95

أبدأ باستخدام البنزين الذي ينصح به كتلوج السيارة ..


تحياتي

طيب انا عندي ماركيز 2006
اي نوع استخدم 91 ام 95