الفزعة يا اهل الخبرة والجيوب لاهنتوا تكفون!!

الاكاديا ترتفع حرارته مع المكيف في الحر والزحمه والرياض مثل مأنت عارف كله زحمه فانصحك بالستخاره اولا ولاتبعد عن الياباني...

هههههههههههه والله يمكن انا كل سيارات اللي اول تويوتا بالفعل بديت احسن اني مسجون وطلعت معا الامريكي وركز لي على الراحة صرت احدب من التويوتا

مشكور اخوي

شاكر لك اخوي ما قصر نقاط اكثر من رائعة بالنسبة للبدي اشوفهم نفس الشي والمشاكل الاكاديا طالع من 2007 اتوقع لو احد من اهل الاكاديا يفيدنا عنها بعد يكون احسن من واقع تجربته

على العموم ماقصرت جزاك الله خير

لا يغرك حجم التاهو ترى سواقته خفيفه (نفس سواقة الفورد )

بس يمكن بالمواقف لك عليه شوي

وترى الحجم حلو وراح تحس إنك قبل كنت مسجون بقفص صغير

وعى قولة حذيفه جرب القيادة التجريبية بالوكالة وإحكم بنفسك

العفو اخوي احنا هني كلنا لخدمة بعض

التجربة بالفعل خير برهان
اخوي احنا 5 انفار بس بصراحة بقولك شنو الاسباب بالتفصيل للفائدة.... ولو التجربة بالنسبة لك بتكون احسن

الاكاديا ما يعيبها شي بس التاهو
1- اكبر بالحجم من الاكاديا من الخارج او الداخل ... وكراسيه مرتفع عن الارض ومريحة اكثر
2- الجيب مرتفع ومريح اكثر على المطبات وغيرها ... الاكاديا مريحة بس التاهو اريح
3- الجيب بديه قوي اقوى من الاكاديا وهالشي بصراحة صار مهم مع الناس اللي يسوقون في الشارع
4- له سمعته وحتى مشاكله معروفة عكس الاكاديا اللي توها طالعة .. ولو اني ما احب هالكلام بس هذا اللي صار
5- بنزينه استهلاكه مو عالي وهالشي بصراحة مشجع خصوصا انه 8 سلندر
6- محركه اقوى بالتأكيد لأنه 8 سلندر ومتى ما احتجت القوة يعطيك وتقدر تسحب فيه مقطورة او اي شي تبيه
7- دفع خلفي عكس الاكاديا اللي دفع رباعي مستمر او امامي وبصراحة الامامي شوي مزعج خصوصا مع الشوارع المكسرة....
8- بصراحة سعر التاهو مشجع اكثر من الاكاديا حتى الفل اوبشن فرق حوالي 10 الاف ريال للفل اوبشن زيادة الاكاديا عن التاهو والاقل فئة من التاهو حلو وهو اللي شريناه


وهاي بصراحة الاسباب ... يمكن هالشي من وجهة نظرنا وانت اكيد لك وجهة نظر تختلف... واكيد نسيت اسباب زيادة متى ما تذكرتها بخبرك بها ان شاء الله

بس لا تنسى التجربة خير برهان

والله يوفقك للي فيه الخير



في صور للتاهو اللي خذيناه مع التقرير في توقيعي





تحياتي،،،

الله يجزاك خير .. يا بعد روحي والله ونعم الرأي رايك التجربة خير برهان ويمكن انا ماخذ صورة غلط عن التاهو من ناحية الحجم وبالفعل التجربة احسن وانا هذا اللي راح اسويه لاني بالفعل ضعت كل شوي براي وما ابي استعجل لو لا اني ما ابي افوت عروض نهاية 2009 وخاصة انه مافي اختلاف كبير بين 2009 و 2010

بس اخوي ليه غيرتو رايكم عن الاكاديا بعد التجربة...؟:c0214:

شاكر لك نصيحتك

اخوي في بداية ما شرينا التاهو حسينا بأنه كبير بس تعودنا عليه وانا اخوك

والله شوفه هو ولا اليوكن ولا الاكسبدشين احسنلك من الاكاديا

كنا بنشتري اكاديا بس رجعنا عنها خصوصا بعد ما جربنا سيارة التجربة

التاهو او اليوكن اريح بكثير منها

وبعدين وانا اخوك بما انك بتدفع دم قلبك في السيارة اجر السيارات اللي حاير فيها يوم وشوف وشلون وضعها معاك

واجر لك تاهو او يوكن او اذا انت قريب من البحرين تعال في تجربة مجانية من الوكالة
وشوف كيف وضعها معاك في السواقة ...
والله اني الف الف فيها
ماقولك انها سهلة لكن مو بالصعوبة اللي يتوقعونها الناس


الله يوفقك للي فيه الخير
ولا تنسى تستخير

تحياتي،،،

ههههههههههههههههههههههههههههههه ابو فلاح اضحك الله سنك وش قالو لك ولد الراجحي معاك ولا ولد العيسى على شان اضيع 5000 ولا لاقيهم في الشارع والله دم قلبي معا كل ريال وانا اخوك

والله اخوي انا ميزانيتي بعد العصر ياالله توصل 13000 وحاط فيها دم قلبي على شان كذا متردد خايف اخذ شي اندم عليه التاهو مثل ما قلت قبل احسه كبير مره وانا لف لفتي كثيرة

اللي عنده علم عن الاكاديا ولا البرادو الجديد يضيف لنا والله يعطيكم العافيه جميع

والله ااني دخت من كثر ما كل ساعة لي راي مره اقول الاكاديا اريح على الخط وانيق ومواصفات ممتازة مقارنة بالسعر 2009
والبرادو اللي رادني السعر اللي مبالغ فيه 137000 txl اتوماتيك والراحة

شاكرلك اخوي نصيحتك ماقصرت بس التاهو قلتها كبير مره علي والموهافي انا اشوف ان الاكاديا والبرادو تنافسها وبقوه معا اني ما ادري كم سعر الموهافي

الاف جي حلو اخوي بس شبابي ولا يناسب حاجتي للسيارة انا ابي سيارة تكون وسط عائلة صغيرة
واكثر عملية

والله التاهو كان من ظمن الخيارات بس اللي خلاني ابعد عنه هو الكبر وبعدين ااحسه حق عليه كبيره وانا عائلتي صغيره 3 انفار

بس ليه تظن اني بحط الفلوس باقل مواصفات؟

وش سلبيات الاكاديا طالع علي 125000 2009 و البرادو يطلع تقريبا 137000

انا دائما اقول ان اختيار السياره مسألة ذوق واحتياج تحدده قناعة الإنسان فما اراه انه ميزه تستحق دفع ثمنها لاتراه انت انه يستحق ولذلك سأضع نفسي مكانك في الإحتياج للسياره وهو انك تسافر كثيرا والمسافات التي تقطعها طويله وبحسب المبلغ الذي ذكرت ارى ان التاهو lt او الاكبديشن الاستندر وكلا السيارتين دبل هما الانسب لمتطلباتك ولوتاصل 180000 لنصحتك بالاند 8سرندل(gxr ) فهو المناسب

انا ارشح لك البرادو الجديد بدون اي منازع واعرف لي شخص معه txl2010

مجربه ويقول السياره فيها راحه غير طبيعيــه وانها مريحـه لدرجـه كبيره

ويقول ان ما يربطها بالشكل القديم الا الاسم والفرق شاسع بيهم في كل شيء

والشخص اعرفه زين ومجرب 2006 في اكس

ومن كلامـه واعجابه فيها ارششحه لك وبقووووه

بما أنك راعي خطوط وطلعات بر قليلة

وأتوقع ما عندك نية بيع قريب

أنا أرشح لك تاهو + موهافي

ما أبغى أحيرك بس السيارتين أعلاه تستاهل إنك تعيد النظر بخياراتك

أنا بالنسبة لي معي تاهو من سنه ونصف وأسافر عليه دايم مسافة 1500 كم

والحمد لله ماسك سعره للحين

بالتوفيق وإستخر وإعزم على الشراء ولا تحتار أكثر من اللازم ترى كلها سيارة وهما إشتريت من سيارة راح تجيك فترة (ما تطول شهرين) تتحسف على السيارة اللي أنت شريتها

بالتوفيق للجميع

طيب ليه ما تفكر بالاف جي سعره حلو ومواصفاته حلوه