لمن يشكك في اعتمادية الـ ( ألانترا ) ::: صور :::

الإلنترا سيارة أثبتت وجودها ..!

مشكور أخوي أبو سراج ع الموضوع الرائع ,,

أنا ما راح أقول سمعت فلان قال وعلان قال .... أبقول تجربتي الشخصية لهذه السيارة
.............................................
حاليا أنا أمتلك شفر 90 وماشي الحال بما أني أخلص أشغالي داخل الرياض .. لكن خلال هذه السنتين أضطريت أكثر من مرة أسافر .. وأستأجرت أكثر من سيارة ( أكسنت2005ـ ويارس2007ـ وإلنترا2008) طبعا العائلة معي .. والسيارة إذا أردت تعرف عيوبها تمسك عليها خط سريع .. والحمدلله بعد ما أستأجرت الإلنترا وجدت أنها مريحه للعائلة وراسية على الطريق وداخليا مكتسية باللون الأزرق وهذا أكثر ما أعجبني فيها بما أنني هلالي:bigggrin:.. ولو أنني أمتلك مال كاش لأشتريتها .. لكن الله يسهل الأمور

تحياتي للجميع

السلام عليكم ورحمه الله

اولا اشكر صاحب الموضوع abo sirag على الصور وراح اعلق على ثلاث نقاط

1- انا من اهل الرياض ومرة ركبت مع راعي النترا وكان نفس الممشى وضنيت انه نفس الي ركب معه صاحب الموضوع لاكن تبين لي انه من اهل جدة , راعي الموزين يقول السيارة حلوة وماتشكي من شي ..

2- نظرة الناس للكوري وهل هو اعتمادي ؟! ام لا , هل هي من مواقع خبرة ومعايشه ولا كلام ؟ ياشباب انا كان معي كيا كلارس وواجهت انواع النقد . وبعت السيارة تشليح بسبب حادث وهي ماتشتكي من شي ابد؟

3- تجميع سيارات الكوري من عدة شركات امثله
كمبيوتر السيارة = شركه اوبل
حساسات السيارة مثل حساس عامود الكرنك = صناعه يابانيه (مكتوب على القطعه صناعه ياباني )
كومبرسر السيارة = من شركه مستبيشي اليابانيه


وحاليا معي النترا 2008 الحمد لله مرتاح بسواقتها خاصه ان هونداي ابدعت في البور ستيرنق ( الدركسون الكهربائي )
وانت ماشي على سرعات خفيفه يكون خفيف وكل مازدت السرعه يثقل ويصير راسي , قمه في متعه القيادة

واعذروني على الاطاله

النترا سيارة جيدة مشهود لها
مشكور على الطرح الجميل والمعلومات
اما عداد شيء يدل على ان النترا سيارة ممتازة

^^^^^^^^^^^^^^^^^^^^^^^^^^^^^^^^^^^^^^^^^^^^^^^
شيء عن شيء يفرق عندي النترا 2005 ماشية 225 الف كيلو حجم 1.6 جالدها جلد جاررهها عالشوك خطوووط وكررف موطبيعي فترة كنت ارووح فيها البر ارصفة اطلع فيها وللموتر لليوووم زي العسل ولطلبته عطاني الكوري ماعاد مثل قبل الكوري حق كررررف ويعتمد عليه الحمد الله عالجلد اللي سويته بالالنترا الا ان عمرها ماوقفت فيني بشارع وعطلتني تخيلوا ماشي عليه 15 كيلو عشان اوصلها للورشة وعمود الكرنك مكسور <<<هذا الشيء الوحيد اللي صار معي غيره كل شيء سليم وزي العسل واللوز كانت عندنا فورد ياكثر ماتقطع فيني بالشوارع ورتني الويل وكانت عندنا كامري 98 عند ولد عمي استخدمتها فترة طويلة وجننتني عالغدرات اللي تسويها فيني صراااحة من قلب اقولها تحية ووقفة احترام لهيونداي:ch19::xyxthumbs::xyxwave:

والله يا خوك ابغاك تلقي نظرة بالتشليح الا بجده احلفلك نصه هونداي الانترا واكسنت واكثر تبويش بعد زييين هالسيارة بااااقي
ولكن انا معك حافظ على السيارة تجلس معك العمر كله باذن الله

ما سلام عليك وعلى اللقطات الحلوه

كنت ابي آخذ ألنتراء لكن تحولت في الأخير على السوسو

ومن ضلّ في الأختين ما أخطاء

تحياتي لك

الموضوع في مكانه المناسب

لان الي يدور في راس كثير الان هل الكوري يعتمد عليه ولا لا

بالفعل اكثر شي لفت انتباهي في الالنترا ( العدادات ) احس لونها حلو ورايق

اشكرك على المرور ،،،

ارجو من المشرفين نقل الموضوع الى القسم المناسب واشكرك على التعليق

حياك الله اخوي واشكرك على الرد

الله يعافيك اخوي ومنور الصفحة بوجودك

شي معروووف...بصراحة العداد جميل جدا..

تسلم على الموضوع..

الموضوع هذا المفروض في القسم الكوري مو العام

مشكور يابو سرااااج على هالموضوع وصراحه سيارة تنلجد300الف خلال سنتين

ونص يسمونه كرف غير منقطع النظر من يد نشيط ليد انشط ومايتغير فيها الاقطعها الاستهلاكيه اعتبرهااااا صفقه رابحه بعنف.


تقبل مروري وبمان الكريم

الالنترا سيارة قوية واعتمادية واثبتت جدارتها
وفعلا اغلب اللموزينات الان سيارات كوريا
حتى اليوم شفت اوبتيما 2009 لموزين
والكوري لو تكرفه 500 الف كم ما يقول اح ..

ويعطيك العافية ابوسراج على الموضوع وما قصرت ..