ايش رأيكم بالهولدن ؟

خلاص ياشباب يكفي قرق :bigggrin: وش رايكم ندور موضوع ثاني نشتغل فيه ونحرك القسم :bigggrin:

يالله وراي ياحلوين ناصر لومينا سعودي وباقي الشباب , وجاري البحث :xyxthumbs:

سعودي متميز

وليه وانت مصدق اللومينا بتدعس كل دعستها عشان يخلص بنزينها هههههههههههههه

الثلث كافي ان شاء لله

وهذا اكبر دليل انك ماجربت الجيل الجديد من الهولدن ولا تدري عنه اطلاقاً

ماغير تتدر على كابرس 2000 :bigggrin: ترا كل شي يتغير يابعدي .......ويتطور ........ويطلع للافضل.......عكس بعض السيارات الى انقطعت من السوق :smile:

جرب 2007 وطالع

الفحمات تعمر من 60 الف وفوق وعلى حسب الاستخدام

وهااه تبي تقول الفورد ارخص ؟ روقنا

ترا هذا اقرب شي مثال فحمات بس ماجبنا شي اكود منه :wink:

وجيب اقوى فورد وابطلع له كابريس 2007 LS ارررردى نوع وهذا وجهي اذا طلع عليه الخورد :bigggrin:

والقصيم والله على عيني وراسي دام سعد فيها ولايهون راعي الكامري :bigggrin:

والضاهر ان قصمنجي بعد خخخخخ

يالبى سدير بس << وش يبي ذا خخخ

^^^^^^^
فحمات سيارتي اللي قدام ما غيرتها الا بعد ما مشت سيارتي 90 الف كم
و الفحمات الخلفيه بعد ما مشت 105 الف كم و باقي فيها عمر يمشيها 10 الاف على كلام الميكانيكي,,,,,
لا و ازيدك من الشعر بيتاّ بان استخدامي للفرامل بالسياره قوي جدا فلنفرض جدلا ان الفحمات تمشيك 110 الف كم ,,,,,,, هل هذا قليل ؟
وين تقولي ما تعمر ولا ما تبيني اغيرها ابد ؟؟؟؟؟؟؟؟؟؟ علشان نقول عنها انها تعمر
و اللومينا ال6 سلندر ما تقدر عليها الفورد و اصلا الفورد ما تقدر على الكابرس ال6 سلندر فما باللك باللومينا
بعدين رجاء لا تقعد تجيب لي كذبه و تصدقها ان الفورد ما يخرب
فيالله يا مكثر مشاكل القير بالفورد و مشاكل المكيف و مشاكل المساعدات و الكويلات و مشاكل التقطيع و الكهرباء و مشاكل النور و الديكور و مشاكل الحراره و مشاكل التهريبات و غيره الكثير,,,,,,,, ترى حنا مجربين الفورد و عارفينه زين لا تحاولون تمشون كلامكم علينا و تتوقعون اننا بنصدقه !!!!!![SIZE=6] لا و الف لا :bigggrin:[/SIZE]

الله يديم عزك يافورد

سعد انت في القصيم ورا ماتقابل راعي الكامري وتقارنون وجهاً لوجه :bigggrin:

وان بغيت شي ترا حولكم 140 كليو دق علي بس :bigggrin:

ياليل هالقصيم ههههههه

اسمع ياجدي :bigggrin:

انت تقول ثايتين ماتفرق طيب هذا الى 100 بس خخخخ

يعني لو يكمل كان علوم وترا الثانيتين تفرق مسافه كبييييييييره :bigggrin:

والله زمن نقارن الفورد باللومينا هههههههه عيب عيب خلاص قفل الموضوع :a1120(86):

وانا ماقريت ردك كله بس لمحت انك تقول قطع الغيار غالي حق اللومينا ههههههههه

بالله من جدك انت ؟ ياخي يمكن تقصد موترك الى موديله 90 او 2000 :bigggrin:

الفورد من 2003وفوق شوف قطعه كييييف ناااااار

اجل فحمات اكثر من 500ريال ؟؟؟ وش عليه عاد لاتمسك زين ولا شي

الكابريس 2006 تاخذها اصلي وكاله 230 وال2007 وفوق 340 ريال

الله يديم عزك يالشفرر:bigggrin:

الله الله كل هذا الرد لي ؟؟؟ اثريني قوي :bigggrin:

و ليش ازعل حبيب قلبي عسى الله لا يجيب الزعل ان شاء الله

HOLDEN HSV شكلك متحمس تبي ترد علي وانا عارف انك تبي ترد هالحين بس لاتكثر واختصر تكفى عشان اقدر ارد عليك

مو تمسك بنا خط القصيم وتدوس بالسته لتر واقعد اطاردك بالفورد :bigggrin:

وراك عليك اويلاه يانصوري هذا وانت صديقي :smile:

كذا تشهر بي ماتوقعتها منك :c0038:

انت صادق ان اللومينا اقل سعه من تانكي الفورد ماضنتي شكلهن مثل بعض

شفت انك تحط معلومات غلط ويجي واحد مطفي النور وياخذ معلومتك ويكتبها في موضوع

ثاني وبعدين يتوهق :bigggrin::xyxwave:

الحمدلله والشكر الحين الرجال يقولك كان معي يعني من واقع تجربه وانت تقول كان وكان

اجل وش تبيه يقول , يقول قال فلان وعلان

خلاص اجل الهولدن واللومينا احسن سيارات بالعالم والفورد ماينفع ابد ويصرف بنزين

ويتكسر ويهرقل وضعيف وفيه كل البلاوي لكن كل الناس تشتريه :bigggrin:

انت تحسب ان السته لتر احسن هذا عيب بالصناعه اللي ماتقدر تعطيك احصنه الا بزياده سعة اللترات وهذا يخلي السياره تصرف اكثر بنزين ويخلي تكلفة القطع اغلى

وعاد وغنيمتنا ال 360 حصان وال 6 ثواني وش الفرق بين ابو 6 ثواني و 8 ثواني تراها ثانيتين

لايقدمنا ولا يوخرنا وهذا اللي انت متفيخر فيه :smile: لكن بالمقابل صيانه صعبه ومشاكل كثيره وقطع

غيار نار تحسب هالقوه مالها ضريبه ,, القوه هذي لها ضريبه وانت اللي جالس تدفع وانت مغمض عيونك

نجي للومينا السته سلندر ترى صرفيتها مثل الفورد وهذا يدل على ان الفورد متفوق وهو 8 سلندر

هذا غير وزنه الثقيل ومع ذلك صرفيته حلوه ولو انه يشرب ما كان احد اخذه وشفته بالانتشار هذا

لاتقولي مستورد ياكثر السعودي موجود ولا زالو يشترونه جديد هذا غير الماركيز

اما اللومينا الثمانيه فحدث ولا حرج بالبنزين تشرب شرب الهوايل وهذا من تجارب

اخر شي ناصر معه كابرس و شهد بأن الكابرس صرفيته اكثر من الفورد وشهد شاهد من اهلها

وعلى فكره اذا كان همك قومات فيه اللمبورجيني والكورفت والموستنج تراهن يمشن وخل

الفوردات للعقال :bigggrin: اما سالفة ترفع راسي هذي حط عليها خطين اجل كل اللي مامعهم كوابرس

منزلين رؤسهم بالارض :bigggrin: ( ارفع راسك انت كابرساوي ) على وزن ارفع راسك انت سعودي:bigggrin:


يارجال كلهن سيارات ويودن ويجيبن هذي سريعه وهذي اسرع والفرق نص دقيقه ولا دقيتين

بالخط يعني لو انت تمشي بالكابرس ورافع راسك :smile: وداعس رايح من الرياض للقصيم وتمشي

240 وانا امشي بفورد ومنزل راسي:smile: وعلى سرعة 200 ترى الفرق 40 كيلو بس وبعدين

انت من الصرفيه الزايده وعشان السته لتر اللي معك راح توقف عند المحطه عشان تعبي وبعدين

اجي انا اشطفك وانت بالمحطه :bigggrin::xyxthumbs:

لاني ماراح اوقف لان سيارتي ماتصرف واذاجيت ابوصل للقصيم تجي انت وتوصل معي يعني

وصلنا سوا ولا نفعتك سرعة ال 40 الزياده وراحت قوة وسرعة السته لتر على الفاضي:bigggrin:

وش رايك بالتحليل :bigggrin::bigggrin:


والكامري والسوناتا اذا مشت مع الفورد الى الميه فالسياره اللي معي لك واذا مشت مع الفورد

بالخط فالسياره لك


تحياتي واشواقي لك ولاتزعل ياقلبي ترى الدعوة سواليف :bigggrin::xyxwave:

ردودي بالخط الاحمر
و بعدين فيه نقطه حاب اوضحها
حنا كلامنا عن السيارتين ما رح ينتهي و كل واحد بيقنع الثاني ان كلامه هو اللي صح
و لكن نتفق ان ال6 سلندر اللومينا اقل من صرفيه الفورد و لنفرض جدلا ان صرفية اللومينا 8 سلندر مساويه للفورد او اكثر بقليل لكن في المقابل وش توفري اللومينا ؟؟؟؟؟
توفرلي 6 لتر و 360 حصان و تسارع لل100 ب6 ثواني بس و سياره ترفع راسي بالخط لكن الفور صرفيته على ايش على 239 حصان و 4,6 لتر و سياره يا دوب تمسك مع الكامري و السوناتا 4 سلندر ؟؟؟؟؟؟؟؟ بوه فرق صح ولا لا ؟؟؟؟؟؟؟ يعني بالعربي صرفية اللومينا على سنع :smile:

والله شوف الصراحه تنقال

الماركيز 1999 صرفيته حليوه

يعني 200 كيلو يروح تقريبا الربع وزياده

يعني الفل يمشيك حدود الـ 650 زي ماقال الاخ الكريم :smile:

بس الكابريس اقل وانا مجرب

ولاتنسى ان دورات مكينت الفورد اقل من دورات مكينت الكابريس وهذا ياثر كثير

ومعليش ياراعي الموضوع على المداخله ......سلاام م

كان و كان و كان


و كانت معي


و كنت رايح


أجل ابلشتنا خلاص الهولدن و اللومينا سيارات ما تنفع و الفورد احسن سيارة


كله ولا تزعل علينا خلااص

بالعكس حلاة الموضوع راعي الكامري:smile: كلامه دايم واقعي ولا يجامل مثل بعض الناس

نجي لموضوع التانكي اثبت ان تانكي الفورد اكبر من اللومينا يابطل :xyxthumbs:

والكابرس اللي معك كم ياخذ لتر اذا كان فاضي وكم يمشيك بالخط

هلا بك والله ياراعي الهولدن الله يالدنيا نسيت ايام الفورد , او خلاص من حبكم يازين عزلنا :bigggrin:

حنا نتكلم عن الثمانية سلندر :wink: والفورد صار الحين يشرب شرب :c0038: اللي معروف باقتصاديته على حجمه وصغر تانكيه مقارنه بالسيارات المتوسطه

كان معي موديل 97 وعبيته من الرياض فل وصفرت عداد الرحلات ومشيت على سرعة 140 ومشاني 650 كيلو وداخل المدينه تقريبا 500 كيلو

اما الجديد فهو يمشي بالخط اقل ويمشي بحدود 500 وشوي وداخل المدينه يمشي بحدود 400

او اكثر بش بسيط وعلى حسب الدعسه اما اذا تدعس له مايمشيك ولا 380 كيلو لان تانكيه اصغر من القديم

واللومينا ترى ماتحتاج كلام ولا تجارب من عرفنها وهي تشرب شرب كانها قربه مشقوقه

او كأنك فاك صرة التانكي :smile: والكلام من تجربه ماهو من راسي :xyxthumbs:

اووه راعي الكامري فيه :bigggrin:

وصلنا خير عز الله تقفل الموضوع :bigggrin:

وبعدين ترا تانكي الفورد ياخذ اكثر من اللومينا

ومع ذلك اقل خخخ

سلام م م

السلام عليكم
رح ابين لكم تجربتي لصرفية البنزين بالنسبه للومينا
طبعا سيارتي 6 سلندر 3,6 لتر موديل 2008
التانكي يشيل 73 لتر و يمشيك بالخط 570 كم تقريبا على معدل سرعة 140كم-150كم يمكن اكثر شوي لاني حسبتها على اقل التقديرات علشان ما اخطئ خطأ سلبي
و يمشيك داخل المدن تقريبا 400 كم
بالنسبه للفورد صرفيته للبنزين ما تحتاج كلام و لا تحتاج استنتاجات معروف عنه من زمان و من يوم ما طلعنا على الدنيا انه يشرب البنزين شرب ما هو بس يصرف و عن تجربه ما هو كلام من راسي
و الفورد يالله يمشيك بالخط 400 كم