اكسنت ومصروف بانزين غير طبيعي

شكرًا على إفادتك و الحمد لله انحلت.

اخواني هذا موضوع قديم جدا .. لكن لقيت الحل زمان وهو تنضيف البخاخات عن طريق المادة الي تضع في تنك البنزين... كنت ناسي اشتراكي ورجعت ...

ازا حساس الهواء رخيص ويمكن تغييره ... ف الله بعين .. بس شو راي الخبراء والمهندسين هون؟ مش معقول اشتري سيارة اقتصادية واتبهدل هيك :S

أنا أواجه نفس مشكلتك و لا أدري ما السبب.
غير البواجي و صفاية البنزين و فلتر الهواء و سويت تنظيف بخاخات.
و حتى جربت بنزين 95 (أنا أعتبره جاهل اللي يقول نوع البنزين له علاقة).
و لكن بدون نتيجة.

سعة المحرك عندي 1600 سي سي.
اللتر يمشي معاي 8 كيلو.. يعني على حسبة بلاد الشام و مصر:
التنكة (الصفيحة بالمصري) تمشي 160 كيلو داخل البلد.

* التنكة = 20 لتر.

و سيارتي معروفة بقلة الصرف و لكن لا أدري أين العطل.
و لكن أغلب ظني بحساس الهواء. و لحد الآن لم أفعل شيء.

والله يا شباب فحصت على الكمبيوتر وطلعت كل القراءات ممتازة وحتى حساس الاوكسجين ... طيب هيك شو العمل ؟ شو ضل اعمل؟ انا ازهقت على فكرة .. هاي مؤشر البنزين عند ال E (مع العلم اني كنت مفلل السيارة)وماشية بس 347 كم

شكراً على الملاحظة يااخي , وجل من لا يسهو

إن شاء الله تكتب هكذا يا عزيزي .

وأتمنى يا صاحب الموضوع تحصل حل لمشكلتك عاجل غير آجل .

شكرا كمان مرة لكل من رد ... وضايل علي فلتر البنزين وتنظيف الحساسات متل ما عمل اخونا mhsami102 وبرجع بحكيلكم النتيجة ... ادعولي شباب ..

المشكلة كانت عندي بالسيارة وكنت امشي 150 كم بالتنكة !!! يعني زيادة زيادة (وحالياً 220 كم تقريباً ).
فحصت على الكمبيوتر وطلع حساس الاوكسجين في مشكلة وغيرتو , طبعاً سعره جديد من الوكاله بحدود 60 دينار , اذا حبيت جرب نظفه وشوف , وكمان شغلة مهمة تأكد من حساس الهواء واذا كان في مجال حاول تنظفو بمنظف الالكترونيات خفيف , بصراحة ان كنت بدوامة فعلاً وغيرت بواجي وفلتر هواء واسلاك بواجي وحساس هواء وحساس اكسجين والحمد لله الامور صارت تقريباً منيحة يعني خف مصروف البنزين , ويمكن انا مش متخصص كثير بموضعات السيارة وفي اخواني بالمنتدى ادرى واعلم ببعض التفاصيل لكن انا بحكيلك عن تجربة شخصية وانشالله اتكون امورك تمام التمام

اخوي حساس الاوكسجين غالي 1500 ريال تقريبا وفي الهوندا 2100 ريال

انا كانت معي لانسر 2006

افكه وانظفه بخاخ W-40
هذا كلام المهندس ويفضل السياره تكون واقفه على الاقل ساعه او ساعتين قبل فك الحساس

علشان مايكون حار

تبخ على الحساس وتمسح وتنشفه مزبوط بعدين تركب

اخوي mhsami102 شكلي رح ادخل نفس الدوامة الي انت دخلتها :) شفت المواضيع الي طارحها انت .... على كلن انا غيرت البواجي وفلتر الهوا مبدئيا وتحسن المصرف وصار حوالي 180 كم في ال 20 لتر ... شكلي رح امر على الميكانيكيين عشان حساسي الهوا والاوكسجين ... بس انت متاكد الهم دخل؟ وان شاء الله يكون اي شي السبب المهم ينعرف ... ومعلش سوال كم بتمشي سيارتك هلأ بعد التصليح ؟ ما شاء الله طبعا.

بالتوفيق انشالله

شكرا اخي ورح اسال المصلحين عن الحساسات الي حكيت عنها وبخبرك شو بصير معي