محتار بين إسكاليد او لاندكروزر

خلك ثعاشر @user_156967 · 06-12-2009

السلام عليكم
كل عام ونتم بخير بحلول البرد
صراحة الموضوع مكتوب من عنوانه
صراحة مليت من اليوكون ومليت من شكله
وقررت ان اغير سيارتي
والحمدلله تو جايتني مكافأة من العمل مقدارة 300 الف
طبعن حقت راس السنة
وش ماشورتكم اسكاليد اولاندكروزر كلهن فل كامل
وياليت تطعطوني الاسعار عفاكم الله

أحمد الدهمشي @user_29709 · 09-12-2009

وعليكم السلام ورحمة الله وبركاته

مادام تبي تاهو ليش بعت اليوكون
انا اقول الكروزر افضل
والله يكتب لك اللي فيه الخير
تقديري,,

C300-SRT8 @user_24687 · 09-12-2009

مدري على اي اساس قارنت بين السيارتين اذا من ناحية استخدام معقول
لكن الاشياء الثانيه صعبه المقارنه لو قلت لكزس 750 صح

عموما سيارتك ماشاء الله مايحتاج تغيرها

vxr power @user_191394 · 09-12-2009

لو انت شباب
في اكس ار ٢٠١٠
اسود سبير علاق
بوالين رنقات ديزل قليت
صيخ على جنب كفر ونش وامش والقلب داعيلك
اعرف انك مافهمت شي بس
انصحك بالكروزر
ولو انت بتبيع الموتر بعد سنتين ولا مب راعي بر خذلك اسكاليد تراه عجيب...
لو تقدر تزيد خذلك لكزس ٥٧٠ تراه احسن منهم كلهم

أبو دانه @user_193365 ..:: TAHOE//YUKON GRP. MEMBER ::.. · 09-12-2009

Stay away
from Land Cruiser
this my opinion
:xyxthumbs:

الوقدان @user_50818 · 07-12-2009

اذا معاي سيارة 2009..
وبرصيدي 300000..
ريحت بالي وبردت اعصابي..ونمت وانا مرتاح..
على قولة المصريين((امسك قرشك الأبيض ليومك الأسود))
ما ندري عن مصايب هالدنيا الله يحفظ الجميع من بلاويها..

ومدامك بعت سيارتك..
ودي تفكر بالجيوب..تراها زينة وينشد بها الظهر..
لو تشوف لك لاند في اكس آر..او تزيد على قيمة سيارتك وتطلع جيب اللكزس..
وبقية المبلغ احفظه بجيبك او استثمره في مكان زين..
بالتوفيق..

فراس المالكي @user_107099 · 07-12-2009

عناية الدكتور: خلك ثغاشر المحترم للغاية :ch19:

أرفع إلى سعادتكم طلبي هذا، والمتضمن توظيفي لديكم بالمهنة التي ترونها :rolleyes1:

ولامانع لدي من عدم استلام الراتب الشهري طيلة فترة عملي لديكم،

فقط يكفيني من سعادتكم رضاكم عني، :c0214: ومكافأة رأس السنة :eh_s2:

محبكم والداعي لكم بالخير
فراس :a120(130):

_________
وقبل أن أنسى : [ماشاء الله تبارك الله ... الله يبارك لك في البيع والشراء ... ويوفقك]

ابو سعد 1 @user_163510 · 07-12-2009

الله يعطيك خيره و يكفيك شره

OOIIIIIIIIOO @user_98808 · 07-12-2009

خ

خلك ثعاشر

شكرا شكرا شكرا لكل من شارك ويعطيكم الف عافية نورتم الموضوع
صراحة يابو نادر لنكولن مالي فيه
اما الاخوان اللي يقولون استثمرمشكورين صراحة فتحتو مخي على الاستثمار
وشكلي باشتري محمل كمبيوترات صراحة الكمبيوترات دخل ذهب
ولذا باقسم المبلغ قسمان للسيارة وللمحل 150للسيارة 150للمحل
وطبعن بعت اليوكون وخيت عليه بسبب لونه 143الف ونا شاريه 142الف:smilie16:
ودخل مخي تاهو في احد المعارض طبعن معدل وماصورته ونفس كذا

وقيمته 211الف طبعن المكينة زي حقت الدنيلي وراح اشتريه ومشكورين

الله يعطيك خيره ويكفيك شره

ولاتجي بكره وتقول مليت من التاهو تراه سيارة العمر :xyxthumbs:

خلك ثعاشر @user_156967 صاحب الموضوع · 07-12-2009

شكرا شكرا شكرا لكل من شارك ويعطيكم الف عافية نورتم الموضوع
صراحة يابو نادر لنكولن مالي فيه
اما الاخوان اللي يقولون استثمرمشكورين صراحة فتحتو مخي على الاستثمار
وشكلي باشتري محمل كمبيوترات صراحة الكمبيوترات دخل ذهب
ولذا باقسم المبلغ قسمان للسيارة وللمحل 150للسيارة 150للمحل
وطبعن بعت اليوكون وخيت عليه بسبب لونه 143الف ونا شاريه 142الف:smilie16:
ودخل مخي تاهو في احد المعارض طبعن معدل وماصورته ونفس كذا

وقيمته 211الف طبعن المكينة زي حقت الدنيلي وراح اشتريه ومشكورين

ولد وايل @user_13379 · 07-12-2009

منتب راعي بر ياعمي اسكاليد وانت مرتاح

بس ياخي حرام تحط هالمكافأه ماشاء الله تبارك الرحمن في سياره

انت مليت من اليوكن وهو 2009 غيرك يحلم بيوكن ولا قدر عليه
احمد ربك على النعمه بس وليتك ما ذكرت مكافأتك ابرك لك وانا اخوك

رح استثمرها في ارض تنفعك بعد فتره دام اليوكن جديد

لو معك خرده كان قلنا والله الرجال ماينلام يبيله موتر

عجبي لحال الدنيا

NISSAN_1999 @user_199543 · 07-12-2009

اخوي اذا مليت من اليوكن الاسكاليد مو بعيد عنه لاكن الكروزر مو خياااااااااار

هااذا رأيي الشخصي

تحيااااتي

ابو سعد 1 @user_163510 · 07-12-2009

2009
يا اخي مدري ليه احس كنه يوكن
طبعا مع فرق الفخامه
[CENTER]

[CENTER]

[/CENTER]

[/CENTER]

أبو دانه @user_193365 ..:: TAHOE//YUKON GRP. MEMBER ::.. · 06-12-2009

كلها كوم والمراتب الملكية
الخلفية المنفصلة كوم:xyxthumbs:
نسيت أقولها قبل وتقرقع
في خاطري قلت أكتبها لك :bigggrin:

عاشق القوة @user_140513 · 06-12-2009

أخي أنا أقول لو تستثمر هالمبلغ ترا أفضل بالذات إن المبلغ ماشاء الله تبارك الله مو بسيط وعلى توقعي إن عملك قطاع خاص ومعروف إنه فترة و اضرب الباب وكله لك

لكن أنا أقول و الله مافي مقارنة اسكاليد وانت مقفل ( لا تنساني باللفة )
لا تنسى الاستخارة يا بعدي

ابو نادر @user_109111 · 06-12-2009

و الله انا اشوف اللاند ممتاز
او لو تفكر لنكولن نافيقتور :xyxthumbs:
و الكاديلاك ماعندي خلفيه عنه لكن كشكل و قوه هيبه صراحه

أبو دانه @user_193365 ..:: TAHOE//YUKON GRP. MEMBER ::.. · 06-12-2009

خلك تعاشر ..
وش رأيك أصير سكرتير
في مكتبكم المصون :bigggrin:
<<الولد صاير محترم :xyxthumbs:
الأسكاليد توني جاي من الجميح
قسم بالله دخل مخي
وربي هيبه وبطل :xyxthumbs:
حتى لقيت السكيورتي حق الوكالة
ولد اسمراني بس محترم
ويعطيك جوك :bigggrin:
يقولون بـ 280000 ريال ..

ابو سعد 1 @user_163510 · 06-12-2009

هلا والله بصديقي

اخوي خلك تعاشر

اولا الف مبروك على المكافأه

ثانيا الحين تقول زهقت من اليوكن تقوم تروح للاسكاليد

انا اقول لو تنتقل من الامريكي و تروح للياباني

لاند كروزر تراه حلو و هيبه

و صدقني ما راح تندم

لحن المشاعر @user_126547 · 06-12-2009

ماشاء الله وش تشتغل

بنقل عندكم هههههههه

مبروك عليك المكآفآه

والاسكاليد مب شييين لاجاء اسود

وبعدين يرحم امك وش جاب لجاب

هع

بالتوفيق يابعدي

hathoof @user_79809 ..:: TAHOE//YUKON GRP. MEMBER ::.. · 06-12-2009

اخوي اولا مبروك عليك المكافأة

ثانيا الظاهر ان اليوكن اللي عندك 2009
بيني وبينك ولا تزعل من كلامي خلك عليه لأنه جديد وحرام انك تبيعه ينكسر سعره

اما ال300 الف تقدر تستثمرها بمشروع ولا شي وتجيبلك اضعافها خلال 4 او 5 سنوات ومنها يكون اليوكن قد جاب حقه من الاستخدام وتشتر لاسيارة اللي تبيها

اما اللحين هذا رأيي وانت لك الخيار الاول والاخير

اما عن رأيي اذا انت يهمك البر مالك إلا الكروزر اما اذا لا فالكدلك روعة وانا ركبته شخصيا وما شاء الله طيارة

ولو تقدر على جيب اللكزس بيجمعهم ال2

تحياتي،،،،