المضحك المبكـي .. ألتيمـا من جديـد !!

ماشاءالله تبارك الله , الله يبارك لك فيهـا ويعطيك خيرها ويكفيك شرهـا وتتهنى فيها .. كانت عندي وحدة من الموديلات القديمة .. من أفضل مايكـون ولكن سويت فيهـا حادث بسبب الامطار والسياره بدون ABS على ايام 2005 اول دفعة كانت بدون هالنظام فاختل التوازن والسيطره على السياره بوقت المطر صعب .. الحمدلله على كل حال ..
.
.
اشكرك على كلماتك الطيبه وعلى مرورك الكريم

ما اقدر اتكلم عن الكل وبلسان الجماعة فكـلن يعبر عن رايـه وتجربته وحسب كيف استخدم السيارة وكيف هي حاجاته لهـا , في نـاس ما تحرك السيارة الا بالاسبوع مره وفي ناس السياره ماتوقف عندهم ساعه .

فعـلا السياره فيهـا عيوب والله يقدرني وابيعهـا واتخلص من المعاناه ..

اكتشفت من احد الوكالات المنافسة مسويين عروض على سياراتهم وكلمته عن سيارتي فقالي هالكلام

(( اكيد سيارتك من الـ 400 سيارة المرتجعة , الي رجعتها شركة الإمارات للمواصلات للوكالة لاسباب يجهلهـا ))

شركة الإمارات للمواصلات احدى شركات التكاسي بابوظبي ويستخدمون التيما وغيرها وخصوصا اللون السلفر وهو لون سيارتي .. فما ادري يمكن سيارتي هي احدى السيارات المرتجعة الي كانو مسويين لها عرض خاص وسعر مغري ومنافس ..
.
.
هذا مالـدي .. اشكرك ع المداخله

الله يعوض علينا وعليك وعلى جميع المسلمين

آمين يارب العلمين

الظاهر انها كـذا ولكن قدر الله وماشاء فعل ,ان شاءالله بالفتره الجاية تتحسن الامور واقدر ابيعهـا وآخذ لي سيارة صبـورة اكثر عن الالتيما .

تسلم على الكلام الي قلته وماعندي تعليق عليه سوى اني اقول جزاك الله خير وكثر الله من امثالك وان شاءالله الله يقدرني واسوي الي قلتلي عليه.

بالعكس , اكثر شخص يهتم بالسياره انا وتشييكاتها كل 5 آلاف بالوكالة وما اطلع بفاتورة اقل من 300 او 400 كل مره .
.
.
فعلا كل الي عندهم التيما يمدحون فيها الا انا الموضوع صاير معاي بالعكس ..

حتى اني شفت فروق امور بسيطة بين الوكيلين عندنا وجدت ان العربية للسيارات سياراته اكثر مواصفات واجمل .. مثلا ثقل الباب يختلف وحسيت بهالشي , عندك الطبقة الي نوافذ الابواب تأتي عادة بالالتيما سوداء مطفية اما الي بالعربية فهي مثل الانفنتي لماعة .. وامور وتفاصيل بسيطة لكن تزيد على جمال السيارة .
.
.
فعلا مافي شي مايخرب ويمكن مثل ما انا اقول مالي حظ فيها .

الف شكر لك

فعلا قمة الغرابة .. المشكلة اني توجهت لاحد زملائي يملك محل تأجير سيارات وجايب 5 التيمات يقول مافيهم الي تقول عليه كله .. !!
.
.
العين حق ومادري ياخوي جايز الي تقوله .. وفي مثل يقول ما يحسد المال الا اصحابه
.
.
لو اقدر ابيعهـا كنت من زمان سويتها وما ترددت لحظة , لكن الصبر مفتاح الفرج ..

الف شكر لك على مرورك الجميل

الله يعينك اخوي وامـ انا سيارتي التيما2009 بس قير عادي وما شاء الله عليها ما فيها من يلللي ذكرته شي وواكثر يللللي اعرفهم معهم التيماوموديلات اقدم ما فيه الا العافيه ممكن عين صابتها والله يعنك يا اخوي وتقبل مروووووورـــي

يا أخي لك اكثر من سنتين تكتب عن مشاكلك مع الالتيما ايش اللي مصبرك عليها بيعها لو بخساره وارتاح ؟؟؟
بعدين السياره لها زمان عندك وما مشت الا 30000 كلم ؟؟؟؟بصراحه نقدك للسياره غريب ؟؟؟؟
كل اللي اشتروا السياره والمختصين يمدحوها !!! اذا السياره اللي عندك فيها عيوب بيعها وارتاح...

اخوي الكريم الله يعوض عليك الصراحة حتى السيارات الصينية ما يصير فيها هذه المشاكل ...
مثل ما قالوا الشباب عين ما صلت على النبي ( عليه افضل الصلاة و السلام ) .
اخوي اذا تقدر بيعها و اشتري سيارة جديده او انك ترجعها للوكالة و يبدلونها لك و عليك بالفرقية ...
و اذا خذيت الجديده اول شيء اخوي طلع صدقه و اقرا على نفسك اخوي من عين شكله واحد امنشن عليك اخوي و الله يحفظك و يحفظ الكل من شر كل حسود ...

و عليك اخوي بالاذكار و اذا قدرت اخوي اتوصي على تمر عجوة من المدينه المنورة و تاكل منها كل يوم 7 حبات باذن الله لا يضرك لا عين و لا سحر .. ( على ما اذكر في حديث عن النبي عليه الصلاة و السلام ) ...

و ما اقول الا الله يكون معاك اخوي الكريم .

معذرة ولكن يبدو لي انك مهمل جداً في عنايتك بالسيارة واستخدامك شين بالحيل

لأن الالتيما وخصوصاً الموديل الجديد ممتازه من ناحية الجوده من الاعطال والمشاكل
وانا اعرف اكثر من 7 اشخاص يمتلكون السياره ماسمعتهم يوم اشتكوا من مشاكل بسياراتهم الالتيما

طبعاً مافي شي مايخرب او تطلع سياره من هالنوع فيها مشكله عن بد السيارات فهذا احتمال وارد ولكن كل هذي المشاكل مو معقوله جت مني والطريج

واذا كان استخدامك سليم ربما تكون عين اصابت سيارتك وفي هذه الحاله مالك إلا التخلص منها