السبت بنشتري تاهو واحتاج ارائكم على وجه السرعه ضروري..

نفس ما قالوا الاخوان

وانا كنت من اشد المعجبين بالاسود وللحين اذا مر تاهو اسود اتحسف لكن بصراحة بعد ما اجا مطر وشفت كيف صارت سيارتي الذهبي
وكيف صارت سيارة صاحبي السودة قلت الحمدلله

ومتعبة حتى لو نظفتها ويبيلها عناية خاصة جدا
اذا تقدر على عنايتها خذها بدون اي كلام

الله يوفقكم بالشراء ومبروك مقدما
تحياتي،،،

تأكد من الكفرات زي ما قال لك

و تأكد من البدي لا يكون مرشوش تراهم يسونها وتأكد من كل شي

و لو تقدر تشوف السياره قبل خذ رقم الهيكل و شيك

و لو تغير اللون الى لون فاتح احسن لك ذهبي مثلا

لا تقول عندي غسال بعد شهر او شهرين يبان المشوخ صغيره على البدي
و بتشوف بنفسك

قلتها قبلك و اخذت اللون الي في التوقيع و تحسفت

الاســود خصوصا على التاهو ..
ومبروكـ مقدماً ،،،،

موفق أخوي ..الكريم

أنا أرى الفضي أفضلهم ثم الأبيض [وإن كان الأبيض لؤلؤي فهو أفضل الأفضل]

مشكورين على الردود ياخوان بالنسبه للي يقول لاندكروزر معنا لاندكروزر احنا لكن نحتاج سياره رديفه بالنسبه للالوان متوفر ذهبي واسود وفضي وابيض على ماعتقد فمأدري وش تنصحون ؟
وشكرآ

هلا اخوي ... اولاً مبروكـ مقدمـــا ..

انا معي تاهو ال تي زد .. اسود .. بالنسبة للون الاسود سيد الالوان واحلاها ومنظر موووب طبيعي .. بس يحتاج عناية خاصة شوووي ..

السيارة كعموم :- راحه -منظر-قوة-متانة-اقتصادي نوعاً ما-تقنية... الــــخ ..

بالرغم من أن اللون الأسود هو سيد الألوان ... إلا أنه يجب عليك إعادة النظر في اختيارك له ... وذلك لكثرة سفركم إلى الديرة [يعني كثرة دخولكم للأتربة والحجارة الصغيرة]

وبالنسبة للسيارة بشكل عام فهي رائعة ورحبة وسعرها مناسب وقيادتها مريحه
[لكن إذا كان بركم قاسي جدًا ... فكر بالاند كروزر] أما اذا كان بركم عادي [فالأفضل بكل تأكيد التاهو أو بنت عمها اليوكن]

________
وأخيرًا
لا تنس ما نوه به أخونا [عطل طارئ] من صلاة الاستخارة
وأسأل الله أن يعطيكم خيرها ويكفيكم شرها ويبارك لكم فيها ويحفظها ويحفظكم

اخوي عند العيسى في الدائري الشمالي ب 12400 ريال وعندهم لون اسودوفضي ورصاصي

الاهم قبل الشراء السياره
صلاة الاستخاره

ومبروك مقدما
والله يعطيكم خيرها ويكفيكم شرها

اهم شي لاطلعت الموتر انشاء الله

اقرب تضليل في كول ولا من جونسون ولا 3 ام

وع البركه مقدما ,,

السعر والمواصفات ممتازة .. والغريب أن المراتب الأمامية مفصولة ؟

يمكن مواصفات الوكيل تختلف .؟َ

عموما السيارة بشكل عام لا يعيبها شي ..

توكل على الله وصلي الإستخارة ..

ولكن فكر جيداً باللون ..

أنا تعبت جداً بإختيار اللون وبالأخير قررت على الأبيض ولله الحمد لم أندم على اختياري.

بالتوفيق للجميع ،،

انا بصراحه اشوف اللون الاسود ملك الالوان وخاصة على التاهو..الف مبروك

اي لون غير الاسود ابيض ذهبي اي لون فاتح الفاتح يعكس الحرارة والعكس صحيح شاور نفسك:rolleyes1:

هذي المشكله ان يبين فيه لكن احنا متقاولين مع غسآل بنقالي هههه
كل يوم يغسل السياره تخيل صار له معنا 10 سنوات للان كل يوم يغسل السياره ماعدا الجمعه فمن ناحية النظافه كل يوم السياره تنغسل