تكفون ابي سانتافي فيدوني عنها

ااااااااااااااااااااه يالــــــــــقــــــــــــــــر


قسم بالله هذا الي صار معاي بوكالة هيونداي بسبب موظف فاشل بالمبيعات

امنيتي انه تكون معي ار بي جي عشان انسف الموضف حق المبيعات


قهرني باع سيارتي باقي لانتهاء العقد 10 ايام

والله يارجال اني بكيت من الفحر :smilie20:

لعنة الله عليه في الدنيا والاخره قسم بالله العظيم جلست ادعي عليه داخل بالوكاله قدام الرايح والجاي وهو جالس يهديني ما يبي اخرب سمعت الوكاله .......

اجا المدير براسه وعلمته اش السالفه ووريته السند ( قال المدير الـ 60.000 معاك الحين نقد ؟)

قلتله ايه معاي .

قال خلاص تعال الحوش ورا فيه نفس سيارتك اختها باللون وكل شي

رحت الحوش وياه مالقيت لون سيارتي ذهبي سموك سلفر كلها اللوان سامجه رصاصي وبني فاتح والوان ثانيه بس كلها ما تركب على السياره وفيه اختلاف بالمواصفات كمان يعني يبغى يسرقوني


يقول المدير خلاص تبي وحده مثل سيارتك نصخه نطلبها لك من جده او الرياض المهم ما عليك ندبرها لك .

قلت خلاص متى تجي ؟

يقولي بعد اسبوعين تجي



قلت للمدير الله لا يهينك عطني العربون حقي معاد ابغا سياره من عندكم يا سرق
ليه تبيع سيارتي وفيه عقد بيناتنا

زاد الكلام ونقص الكلام معى المدير

قال خلاص ريح هنا لين نفسخ العقد ونعطيك حقك .

قلنا اوكيه مافيه مشكله



يوم اجا يردلي العربون عطاني 6000 ريال خذا علي 4000 ريال عشان فسخ العقد ويقول انه متجمل معاي لو انه واحد غيري ما شل ريال من العربون

سمعت الكلام ولا ما سمعته .

قلت يالحبيب الموظف هو خرق بند من بنود العقد يتحملها هو ما اتحملها انا
الرجاء بدون قلت حيا ونصب واحتيال علي الشروط واضحه بالعقد والله ان تدفعلي 4000 ريال الباقيه .

زنجر المدير قال ما فيه هذا حقك 6000 وتبغى الباقي روح اشتك للمحكمه

قلت للمدير والله ثم والله ثم والله ان اطلع حقي بالقوه اخرجها من عينك .

طبعا هو واثق من نفسه بيربح القضيه لنه خذا العقد الي معاي عشان يسوون فسخ بعد ما سو الفسخ قطعو العقد الي معاي ولي معاهم


والله يا شباب ماكذبت خبر وينك يالمحكمه جرجري بوجيه النصابين

طبعا اخوكم ذيب مصور العقد نسختين ( ما يمديها تعدي من عندي كذا )

المهم رحت المحكمه وقدمت الشكوى للشيخ وعلمته بالي صار كله .

فقال الشيخ / ياولدي اذا مافيه عقد كيف تثبت كلامك مامعاك الا تقول حسبي الله ونعم الوكيل .

قلت ياشيخ معاي صوره من العقد .

قال الشيخ / هات الصوره مقبوله

على طول جري للموتر طلعت الصوره ووديتها للشيخ

كتبلي الشيخ صك استدعاء للموظف الي خلى بالعقد من بعدها روحت لوكالة هيونداي للموظف رجمت بالصك على مكتبه قلتله يالحبيب المحكمه تدعيك والله ان اخرج 4000 من عيونكم

ماحظر الجلسه اول اسبوع والاسبوع الثاني سوالي الشيخ مره ثانيه صك استدعاء ثاني وعطيت الموضف وبرضو ما حظر الجلسه
المره الثالثه
عطاني الشيخ صك استدعاء ثالث روحت لمركز الشرطه وعطيت الملازم صك الاستدعاء وعلمته ان الموظف تهرب من الجلسات الاولى
على طول رحت معى واحد عسكري لوكالة هيونداي وسحب الموظف بالقوه خلاه يروح المحكمه معانا

وصلنا للشيخ / قاله الشيخ ليه ياولدي اخليت بالعقد ؟

قال الموظف غاب عنى 20 يوم فقلت اكيد ما يبغى السياره وبعتها لواحد ثاني .

قال الشيخ / العقد ما انتهى باقي في صلاحياته اذا انتهى العقد بيع السياره والشروط موضحه ومعروفه

قال الموظف اصلن هو انسان مهمل ما تتبع ورى غرضه انا ماني مسول عنه

قال الشيخ / انا مسؤل عنه ذلحين اعطه حقه .

قال الموظف ماعندي فلوس ولاني معطيه شي

قال الشيخ للعسكري / وده التوقيف مايطلع الين يدفع 4000 .

روحنا المركز عند الملازم قال للموظف جيبلك كفيل عشان ماتتوقف اذا ما عندك كفيل الله يعينك دبر عمرك وعط الرجال حقه .

قلت طال عمرك اذا بيجيب كفيل يدفع 4000 ريال وهو والكفيل يسدون معى بعض لكن يكفله واحد ولا اخذ حقي انت المسؤل عنه .

قال والله مالي شغل بينكم انا ادي واجبي المفروض لي و هذا حقك ولاني بمسؤل عنه تبقى معاملتكم عندي وانت طالب الكفيل .

قلت ما ارضاها اجلس كل اسبوع من المحكمه الى مركز الشرطه اطارد الكفيل يتقطع كبدي ولا جاني حقي .

قال الموظف صل على النبي انا عندي ديون ومنشوب معى الرجاجيل بيني وبينك الله اذا جا نهاية الشهر معى الراتب بعطيك .

قلت اسف مالي كلام معاك اول مره انت والمدير تقولون مالك حق عندنا ولحين تقول معى الراتب اعطيك حقك اسف .

جاب مديره هو كفيله عطوني 2500 ريال يقول الكفيل 1500 نبغاك تسامحنا فيها طلبات وجيهان قسم بالله كنهم يطلبوني اعفي عن ولدهم لا يقصوه .

زنجرت مافيه 1500 ما اسامحك عنها تدفعها بالهلله

فقال الملازم ها صل على النبي ( عليه الصلاة والسلام ) طلبتك انك تطيح الـ1500 بوجهي وبوجيه الرجال الطيبه ذي اذا ما بغيت فهذا حقك .

قلت الا جاك طلبك وانا مسامحه في الـ1500 معاد ابغى شي منه


تخيلو ثلاثة اسابيع في عنا من محكمه للشرطه لوكالة هيونداي ونتو ما شين بسبت واحد من الموظفين باعها لولد خاله عشانه من الجماعه وانا بيدبرون وضعي .

اهم شي اني بهذلت الموظف خليته يدفع 2500 غصب من فوق خشمه


اسفين طولنا عليكم بالسالفه بس حبيت انكم تشاركوني الي صار معي


تقبلو مرووري ...............