تخطيط لمشروع سيارتي GMC YUKON GT

رائع جدا اتمنى لك التوفيق

أبوأسد .. تم الرد بعد معاينة المشروع

:D

أبي أفيديك بالرانشو حسب ما أسمع عنه

لملاك الهايلكسات وجيوب أنه قوي ويتحمل

بالإضافة إلى أنه يمتاز بفرار تتحكم بصلابته

٩ درجات من لين جداً إلى قاسي جداً .. |1|

بالنسبة للتغير الأساسي يكون بجانب المساعد

(تنزل راسك خلف الكفر تحصله قدامك)

فيه إكسسوار يخليك تتحكم فيه وأنت في السيارة

عندك خيارين سلكي ولا سلكي .. طبعاً أغلى

* ما أدري عنه قوته مع الأمريكي ووزنه.!


بخصوص المشروع بشكل عام إذا توفرت النقاط الأساسية التالية

- عشق أبدي لنوعية وموديل السيارة

- معرفة شاملة حول مشروع التعديل
(نوعية القطع - تناسبها مع بعض - توفر الخبرة في التركيب - أخذ الإحتياطات - إلخ)

- القدرة المالية

- وضع خطة مكتوبة من الألف إلى الياء بحيث تثبت عليها إذا بدأت في المشروع

- التشاور والنقاش مع ذوي الخبرة والمجربين حول الخطة قبل البدء فيها

- عدم الحديث لأحد (خارج المشروع)
تطبيقاً لحديث النبي صلى الله عليه وسلم
( أتموا أعمالكم بالكتمان ) أو كما قال عليه السلام


* روووح والقلب داعي لك .. |1|

ما شاء الله تبارك الله...الله لا يظركـ و لا يظر موترك

الله يوفقكـ أخوي أبو اسد بس حبيت أنقل لك تجربتي للبي اف قودريش بالأماكن الوعره ممتاز أما بالنفود أبعد عنه ما فيه أمل يفرش الكفر و مزعج جدا جدا بالخطوط إذا أنت راعي خطوط و سلامك حبيب قلبي و حبيت أقول لو كل هالشغلات الي بتسويها على الموتر ليه ما تسويها على جمس حوض أحسن لك عشان تستفيد من الحوض إذا أنت راعي طلعات و تحميل أغراض كـثـيـره...؟

و آآآآآسف على الإطاله

و تقبل مروري..

أنا ما قلت أن السيارة تكون كاملة، الكمال لله وحده. لكني قلت أن السيارة تسره إذا نظر إليها وتسره إذا قادها، ليش لا؟ والمشاكل تصير حتى في سيارات وكالة جديدة، والعين تصيب حتى السيارات الجديدة.

واليوكون تعديلاته معروفة ومجربة آلاف المرات من قبل آلاف الناس، وقطع التعديلات متوفرة بوفرة لدى مجموعة من الشركات المحترمة، وهو لن يخترع إختراع جديد. يعني رح يستفيد من تجارب غيره ويقرأ عن تعديلات غيره. تماماً مثل ما صار معي والساموراي، كل التعديلات مجرد تقليد لغيري قاموا بها الآلاف قبلي.

اخوي الخل الوفي.... مهما كان ما راح تكون هناك سيارة كاملة 100%
ويمكن بعدين لا قدر الله تصير عليه مشاكل او تجيه مشاكل او حتى عين من الناس وما راح يتهنى فيها ويندم على قراره لا قدر الله

او انه يكون في تعديل ما حسبله حساب ويضرب عليه بقية التعديلات خصوصا انه حيقوم بتعديلات كبيرة جدا ما شاء الله وقوية......

الامر فعلا محير بس التعديلات الخفيفة مع وجود سيارة ثانية حيكون افضل بوجهة نظري واظن هذا ايضا اللي الاخوان بوفيصل وبقية المنتدى يقولوه

وتأكد اخوي ابو اسد ان احنا بنوقف معاك بأذن الله مهما كان خيارك

تحياتي،،،

الاخوان أبو فيصل وأبو فهد صادقين في أن التكلفة بالراحة رح تتعدى الـ 50 ألف، خصوصاً إذا بتحسب قيمة الشحن رح تزيد حتى إلى فوق. لكن من رأيي إذا كانت السيارة سوف تصير تسرك إذا نظرت إليها وتسعدك وتسرك إذا قدتها ويكون شغل نظيف جداً تصير السيارة كالجديدة، فأنا أشوف إنها تستحق الاستثمار.

يعني كم رح يكون المجموع الكلي في التكلفة، بما فيها قيمة السيارة، 100 ألف؟ طيب الناس تحط هالقيمة وضعفها في سيارات في الأخير ما تسرهم 100%، يكون فيها عيب من هنا ومن هناك وأشياء ما تعجبهم، لكن يدفعونها وهم ساكتين. ليش ما يدفع الواحد هالقيمة في سيارة تصير هي سيارة أحلامه.

^^^

حسب علمي ان بعض الورش تحول الدبل الكهربائي الى دبل يدوي بسهوله

لان القطع موجودة و تركب و الدفرنس واحد

ما شاء الله عليك يابو أسد الله يقويك على التكاليف. بالنسبة لتغيير القير، هل أنت متأكد أن القير الجديد سوف يركب على المحرك 350؟ كذلك، هل حقاً تحتاج تغير القير؟ السيارة وزنها خفيف وليست هيفي ديوتي، ولأ يبدو لي أنها بحاجة لتغيير، إلا إذا كان القير الحالي فيه مشكلة.

المشكلة إذا غيرت القير ما أدري هل الدبل رح يحتاج يتغير معه أو لا، وأنت الدبل عندك يدوي وما تبغاه يصير كهربائي.

امممممممممم فكرة حلوة لكن انا مالي خبره بالتعديل فما اقدر اقول لك ايه اولا
من نواحي عدة ممكن زي ما تفضلت الورش عندنا شغلهم اي كلام الا ما ندر
التكلفه اذا كان بيكلف مبلغ كبير الاجدر انك تفكر مشروع ثاني بهذة التكلفه اما شراء سياره بثمن التكلفه على سعر سيارتك الحاليه
الصيانة في حال سويت هذه التعديلات
الفكرة حلوة لكن لازم تدرسها من جميع النواحي

طيب مافكرت تركب ستروكر على مكينة الحاليه
وتخليها 383 ،، تبي تعطيها نتايج حلوه

اتمنى لك التوفيق في مشروعك يالغالي ،،
دمتمـ بود :)

وعليكم السلام ورحمة الله وبركاته...
أبو أسد... لي عودة قريبة بإذن الله.....

وعليكم السلام ورحمة الله وبركاته

بصراحة لا شي يحفز على التعديل
لا ورشة تضمن شغلها
ولا نتائج مضمونة
والتكلفة راح تكون عالية جدا

برأيي الاف جي مستعمل أو جديد قدرات قوية
ومع سوبر شارجر TRD قوة رهيبة وصالح للاستعمال اليومي
والله يكتب لك اللي فيه الخير

اخوي ابو اسد لي عوده مفصله لان عندك اشياء مب زينه في خطتك وراح تدفع فيها فلوس للخساره فقط ماراح تعطيك النتائج المرجوه

الله يجزاك خير يبوبندر بيض الله وجهك بكلامك

واشكرك على التقييم



هلا أخوي حمزة

أشكرك على الاطراء والتأييد

حقيقة حبيت أحتفظ بقيمة التكلفة لنفسي لأنها بالاساس باهظة والي يبي يعرف كم ياخذ أرقام القطع وأسمائها ويشوف أسعارها :smilie16:



هلا أخوي محمد

هذا هو المطلوب يعجبك في كل مكان وزمان :smilie332:



أقولك بعدين



هلا أخوي عبدالله الشهري

أشكرك على الاطراء

نعم حاط في بالي كل التكاليف بالكامل ولكل قطعة وحتى شغل اليد وحتى حاط في بالي أن فيه أشياء يمكن تحتاج لتصليح أخرى تطلع لي بعد البدء في المشروع التعديل

وأشكرك على النصيحة



هلا أخوي أبوهذال

حقيقة يوجد عدة أفكار أخرى بخصوص المحرك سواء كان جديد أو مستعمل حيث أكثر شيء كنت أبيه مستعمل المحرك الي قلت عنه أو محرك 454 وغيره

مسألة أغير مسامير الكفرات أخليها 8 بدال ماهي الأن 6 ما أضن أنها راح تدخل التعديلات لأن هذي زيادة عن اللزوم صراحة فالسيارة بأساسها وزنها مو ثقيل جدا علشان أحط 8 مسامير وأحس تغييرها مضيعة للوقت وللمال يعني ماراح تلقى الفايدة المرجوة منها مقابل التكاليف الي تستاهل أنك تغيرها بالمقابل راح تنحط على جنوط معينة وأنا هذا الشيء ما أبيه

وبخصوص دفرنس G80 فكرة مو جيدة تدري ليش!

1- أن كنت تقصد مستعمل كيف تتأكد انه هو والأهم كيف تتأكد أنه سليم!

2- أنا ما احب يشتغل بشكل إلكتروني أبيه أتحكم فيه وهو الأفضل علشان يكون لي حرية بأستخدام الدعس بأي وقت أبي سواء أقفلة أم لا ما أبيه من يوم يشوف أحد الكفرات يباوش يشتغل تلقائيا كذا بيضايقني بقوة أكثر من أنه يفيدني يعني دامه مو موجود بالأساس فمو ضروري أفكر فيه أفضل شيء اركب الي كتبته بالموضوع أقفال دفرنس ARB.

وبخصوص المساعدات رانشو الي تتحكم بمستوى القساوة والترفيع هذا فيها ألف حلال أن بغيت أركبها مع أني ما ودي فيها كثير لأنها بتكون شوي حساسة وأنت تعرف أستخدامي عنيف جدا على السيارة وأعتقد تذكر الأف جي الأسود وش مسوي فيه ههههههه مع ذلك فكرة حلوة راح أحطها بالحسبان

ونرجع لكلامك عن تعديل التعليق لـ 8 مسامير أنا أبي أنحاش من شيء أسمه جنط ثقيل تقولي الله يهديك جنط H2 :a120(81):

وحياك الله



هلا أخوي محمد

أشكرك على الاطراء

بأي شيء تشوف أن شغل خوينا لك عليه :c0214:

لأن الحقيقة كل الشغل الي تشوفه من تخطيطي أنا وليس من أحد! أخوياي الي خبروني بس بعض المعلومات عن المحركات والمكاين وأنا بديت أسوي الخلطة المطلوبة للمشروع بالي تشوفه بالموضوع فقط هذا كل ما في الأمر



آمين والله يجزاك خير



وعليكم السلام

هلا أخوي صالح نعم التكلفة عالية جدا لأن كل شيء جديد وقوي بالاساس

والله ودي أحطه خطوة بخطوة لكن ما ودي أحد يدري أني بديت بالمشروع مع أني متوقع أنه بينتشر للناس القريبة مني جدا غير أني ماراح أبدا بالمشروع إلا ماخذ معلومات كاملة جدا وش بسوي وش ماراح أسوي يعني ما أبي أحد يتدخل بالمشروع أثناء البدء به :a120(60): وراح يوضع الموضوع بالترتيب من بداية ما سويت فيه أن بدا المشروع من أول دخوله بالورشة إلى خروجه للورشة والبدء الفعلي للاستخدام



هلا أخوي الوقدان

فيه شيء أحب أوضحة لك وللبقية الأعضاء

وهو سواء أني سيارة أخرى غيرها تفي بمتطلباتي أو لا

سيارتي الحالية ما أبي أبيعها!

وأنا مسويها لتكون قوية جدا

حتى لو شريت جيب ثاني مع اليوكون GT ماراح ابيعه

فأنا أعشق اليوكون GT لدرجة أني بحثت عنه بالمعارض ولا حصلت إلا أشياء بصراحة ما ترتاح لها ونادر جدا تحصل نظيف لذلك شريت واحد من الأنترنت بالمواصفات الي ابيها

الحمد الله أنا مرتاح معه ومقتنع به

لكن أنا ناوي أسوي المشروع لجعل السيارة قوية جدا أكثر من ما هي عليه

وللمعلومية مو شرط أسوي المشروع! كما ذكرته ببداية الموضوع

وأنت الي تقوله تراك شاري مستعمل بينما أنا ببدا بكل شيء جديد لاحظ الفرق

وعلى فكرة أنا ضد مبدا أني أشتري سيارة جديدة بقراطسيها وأروح أعدلها ميكانيكيا! وكل ورأيه :smilie172:

واشكرك على النصيحة وترى كل كلامك حاطه في بالي لا تحسب أنك قلته كذا ما أستفدت منه بالعكس



هلا أخوي mr.nawaf

أشكرك على الأطراء وأن شاء الله يتنفذ المشروع



أشكرك على الأطراء أخوي ls_2001 والله يجزاك خير

عارف مسبقا أن التكاليف عالية

ومشكور على الدعوة



آمين والله يجزاك خير يبوسعد منور الموضوع :a120(8):



هلا أخوي abdh

بل فكرت فيها ولا تخاف بحط أفضل الاشياء لكن بخلي أختيارها للي يبدا بترهيم السيارة يعلمني وش أختار والافضل جودة وتحمل لأن هذي الأشياء كلها لازم تتغير مع المحرك الجديد



أشكرك على لااطراء ابو سعد 1 وآمين الله يسمع منك



هلا أخوي Jeep2222

أنا بصراحة كثيرين قالولي ركب سوبرتشارج وتيربو ومدري أيش بس أنا مش مقتنع بها أطلاقا والسبب يمكن ماراح تعطي نتيجة مرضية لأني شفت مقاطع بالأنترنت عن سيارات مركبين سوبرتشارج ومدري أيش ولا عطت النتايج المرضية لذلك أنا ما ابي أعدل شيء على المكينة بل أبي شيء يكون التعديل بقلب المحرك نفسه! علشان تحصل على نتايج واضحة وقوية جدا وحقيقة كم واحد قالي الي سويته لكن مش مقتنع بها لأن كم بتتوقع بتزيد من القوة حتى ولو كانت السيارة V8 أرقام بسيطة يمكن ما تتجاوز 40 حصان كلها وعلى الكفر لو تحسبها بالدانيو شيء بسيط جدا

ومثل ما قلت للي قبلك السيارة ماراح أبيعها لأني أعشقها

وشاكر لك على المرور والنصيحة



هلا أخوي OOIIIIIIIIOO

أشكرك على الاطراء

التعديلات بعضها قد يكون وحدة وحدة وقد يكون كلها دفعة وحدة حسب نية لبدا المشروع أو التعديل لبعض الاشياء مازالت هذي الفكرة المشروع فقط

وأشكرك على النصيحة



هلا أخوي سوناتا 994

شكلك فاهمني زين دامك معدل على بليزر موديل 87

وما ألومك انك كرهت سواقة السيارات الدفع الرباعيي الثانية صحيح أن قيادة الجديدة والسيارات الأخرى تمتلك من المواصفات والراحة والتقنيات عن الجموس وبالأخص القديمة لكن سوقتها الجموس خصوصا أن كانت قوية شيء غييييييييير

ههههههههههههههههههههه خلنا نسوي المشروع ويصير خير بخصوص تجربته :biggrin:



هلا أبوفهد

كل عام وأنت بألف خير

أشكرك على النصائح وبالحقيقة حاطها ببالي كلها لكن بنفس الوقت تراني مو غافل عنها حاط أحتياطاتي كلها ومجهز لها

وقد قلت لك أني ماودي ببيعة السيارة لأني أعشقها

ولا عاد تقولي ذئب الأمعط :emot96: هههههههههه قول أبـــوأســد تكفي



هلا أبوفيصل مساك الله بالنور

أشكرك على رأيك وللمعلومية أنت أكثر واحد مساعدني على عمل المشروع وأقتراحك السابق للحين ببالي رغم تخوفي من المستعمل فقط

وأشكرك على النصيحة وما تقصر والله يبوفيصل



هلا أخوي عطل طارئ

أشكرك على الأطراء

لا موجودين أن شاء الله الخبراء الي يتممون الموضوع بأذن الله وأن كنت ما أعرف أحد لما فكرت بالموضوع أطلاقا

أشكرك



أشكرك على الأطراء أخوي DaBDoB

التكاليف احتفظ بها لنفسي لكن مثل ما قلت سابقا عندك أرقام القطع وأسمائها أن كنت تبي تبحث عن القيمة الحقيقية



هلا والله بـ الوحش-armada

لا لا يبوراشد المكينة لحالها تتعدى مبلغ 7 ألاف لأنك تتكلم عن مكينة جديدة معدلة جاهزة بالكامل لا تتوقع أنها بتكون بهذا الرخص

والأف جي أن شاء الله يصير خير عليه :a120(24):



هلا أخوي +KoRn

لا لا ماراح يلغون الفكرة لأني عارف التكاليف مسبقا

وصدقت الموتر الي معي صعب أتخلى عنه وأن شاء الله ما اتخلى عنه إلا بعد ما أمل منه



هلا أخوي AGM Z71

فكرتك بخصوص التركيب المستعمل جميلة ويمكن أسويها لما أفكر جديا بتركيب المستعمل لكن كان تفكيري بالجديد بالمشروع والله ييسر الامور عند العمل بالمشروع

وبخصوص حجم الكفرات ما اودي أزيد عن الحجم الي حطيته بالمشروع لأن زيادة أكثر راح تتعب المحرك والقير بالقوة والتسارع بالشارع وراح تضطر لترفيع السيارة أكثر وهذا راح يضايقني بالاستخدام بالخطوط لذلك تخليت عن فكرة تركيب مقاس أكبر الي تتكلم عنها 33 وما شابه

ومشكور على النصيحة




هلا أخوي ابومحمد أشكرك على الاطراء



هلا وسهلا بأخوي Y A S S E R

اشكرك على الاطراء ومسبقا عارف كيف التكاليف

نعم لأن ماراح برفع السيارة كثير وراح أركب كفرات عرض مناسب يصلح للاستخدام البري والمدني



هلا أخوي tqhafiz الله يجزاك خير والله يبارك فيك



هلا أخوي القمر المديني

أشكرك على النصائح الي عطيتني اياها قبل قبل كم يوم

حبيت أوريك المكينة الي قلت لك عنها شوفها



هذي ZZ454 طراز BIG BLOCK

قوتها 440 حصان وعزمها 500 رطل/قدم!

وهذا فيديو بس علشان تعرف كيف أنها مكينة صاحية مو شغل خرابيط أصوات وقرف

شوف هذا المقطع

[YOUTUBE]LgctXItEukQ[/YOUTUBE]

شوف تشغيلها ودعستها

صوتها قوي تقريبا وما توضح أنها قوية مرة أو أنواع الأزعاج والقرقعة مثل المكاين الأخرى وهي في بطنها 440 حصان!



هلا اخوي hathoof

أشكرك على النصيحة وياليت تقرى ردودي السابقة



آمين والله يجزاك خير

ططططططططططن طططططططططططططن

ماشاءالله تبارك الله .........الله يوفقك

نفس كلام الاخوان

التكلفة عالية جدا مقابل ان الشغل للأسف في بلداننا مو مضمون

وبما انك من محبي الاف جي تقدر انك تشتري واحد جديد وتعدل عليه شوي شوي
ومنها سيارة جديدة مو مثل الامريكي ما يتحمل تعديل إلا بوجود ناس مو متوفرين عندنا

وفي كل الاحوال الله يوفقك ويكتبلك اللي فيه الخير

تحياتي،،،

ما شاء الله عليك يا ابو اسد يعني تبغى تسوي السياره ماشاء الله كمان اسد

الحقيقه اني استمتعت بقراءة موضوع احترافي بمعنى الكلمه واختيار الشركات والمقاييس التابعه للقطع واضح انه مجهود جبار الله يعطيك العافيه

صراحه اذا توفرت الامكانات ليس فقط الماليه بل الفنيه ايضا سوف يصبح مشروع القرن

تحياتي

توكل على الله ....ومبروك مقدما