تخطيط لمشروع سيارتي GMC YUKON GT

موضوع رائع ومرتب

( دائماً مواضيعك مميزة )

|1|

وينك ابو اسد

ادور لك رد من اليوم واخرتها ما فيه رد:blue:

معليش يالغالي اشوف انك ماتوفقت باختيار التعديل المناسب.لو انا مكانك مستحيل الجئ للي انت لجئتله . لانه مكلفه وصعبه وماعندنا دكاتره بهندسة الميكانيكا عشان يكون هذا مشروعك نصيحه لك تعطيك نتايج مرضيه مع تكلفه بسيطه ماتتخيلها المكينه ركب مكينه 6 لتر فورتك موديلات 2000 وطالع تعطيك شد بلد على الكفر تقريبا 270 او 280حصان > حق الجموس 2500 قير يخوف من قوته وبيتحمل وماعليك خلاف لو تضرب عليه 500 حصان الدفرنس ركب دفرنس 12 بولت ايضا حق 2500 مع كوارين 4.10
عشان الكفراتوالكفرات لاتزيد عن حجم 33 انش لانك بتستخدم يومي ولا لو كان اووف رود بحت كان قلتلك 35الرفعه يانك تركب لفت كت كامل وهذا مايلصحلك لانك تبي استخخدام يومي وقوماتوانصحك بتركيب ليفيلنج كت قدام مع بلوووك صب ورى تعطيك 3 انش رفعمع تركيب دراب لتنزيل الدبل عشان تبقى العكوس بوظعها الطبيعي واي شي تحتاجه حنا حاظرينوبالتوفيق يالغالي

معليش يالغالي اشوف انك ماتوفقت باختيار التعديل المناسب.لو انا مكانك مستحيل الجئ للي انت لجئتله . لانه مكلفه وصعبه وماعندنا دكاتره بهندسة الميكانيكا عشان يكون هذا مشروعك نصيحه لك تعطيك نتايج مرضيه مع تكلفه بسيطه ماتتخيلها المكينه ركب مكينه 6 لتر فورتك موديلات 2000 وطالع تعطيك شد بلد على الكفر تقريبا 270 او 280حصان > حق الجموس 2500 قير يخوف من قوته وبيتحمل وماعليك خلاف لو تضرب عليه 500 حصان الدفرنس ركب دفرنس 12 بولت ايضا حق 2500 مع كوارين 4.10

مشاء الله ايش هاذي التعقيدات التي وضعتوها امام ابو اسد

بعد ما سمع منكم اسعار التعديل الرجال سيلغي فكرة التعديل

الموتر الي مع ابو اسد من زمان معاه ومن صعب التخلي عنه

وفله الواحد يعدل سيارته صديقة العمر...

هلا ابواسد,,,ماشاء الله علييك اجل كل هالوقت نااوي على شر من ورانا:wink:
والله يالغالي الخطه اكثر من رائعه والصراحه احس ان موترك يحتاج لتغيير مكينه
بس كنت اتوقع ان التكاليف ماراح تتعدى 7 الاف او قريب منها شوي..بس على كلام المخضرمين ابوفهد وابوفيصل السعر كثيررررر بقووه:a120(115): لذلك اقولك متى راح يجي الا ف جي بس:bigggrin:,,,,,بالتوفيق
تحياتي

مشروع جبار

الله يوفقك


بس ما قلت كم تقريب التكاليف كلها تقريبا ؟؟؟


تحيااااااااتي

اخوي ابو اسسسسسد

فكرتك جدا رااائع ولكن التكلفه جدا مرتفعه وفي الاخير لا تعلم مدى نجاحهاا حيث لا يوجد
متخصصين لفكرتك وإنما طقها وإلحقها .

وبالتوفيق لك دوما وأبدا

ابو اسد ... مساك الله بالخير

تعليقي على الموضوعين من فقرتين :

1- المكينة والجير والدفرنس والدف لوك والهدرز والكت باك والفرامل جميعها قطع جيدة وبالفعل مدروسه من ناحية تناسب وتوازن قوة المحركات وما يتبعها واختيار خبير بصراحة وموفقة .:ch19:

2- قيمة القطع اذا هي جديدة حسب اعتقادي سوف تقارب 20 الف ريال هذا غير قيمة تركيبها وايضا غير ما سوف يظهر لك عند فك المكينة والجير والدفرنس من قطع تحتاج تغيير مثل الكراسي والربلات وخلافه وايضا سوف تحتاج تربيط كامل للسيارة وبوية جديدة وتنجيد وهذا تقريبا يكلف 20 الف ريال اخرى ....:confused1:



السؤال الذي يفرض نفسه هنا ....

هل السيارة تستاهل التكلفه هذه بالاظافة الى قيمة مشتراها ؟؟؟:c0214:



اعتقد ومن وجهة نظري الشخصيه ... لا

هناك خلطه اخرى اخبرتك عنها سابقا وانت رفضتها وتقريبا تعطيك نفس النتائج النهائيه وبتكلف اقل من نصف ما ذكرته انت .

عزيزي ... اتمنى لك التوفيق بمشروعك وحاظر لاي شي تحتاجه فيه ...

اتصل نصل :ch19:

يــــــــــــــــاحــــــــــيـــــــــــــــا اللـــــــــــــــــــه أبـــــــــــــــو أســـــــــــــــــــــــــــــــــــد

كل عام وانت بخير وإليك بعض الآراء والإقتراحات.....

1- بالنسبة للخطة المرسومة هي خطة قوية ولكن فل نعود الى عالم اليقضة والإعتراف بأنها خرافيه!!!
ولكن ممكنة التنفيذ...........

لسببين:
1- التكلفة راح تكون عالية جدا .............. جدا ......... وحسبتي المبدأية لها حدود ال 55 ألف (طبعا حسابات قبل بداية المشروع شي والحسابات النهائية شي آخر!!!)
2- راح تدخل في مشاكل كهرباء من اليوم لبكرى ولحد ماتعاف الموتر لأن الشغل هذا يحتاج مهندسين كهرباء مختصين في الأمريكي عندهم التجهيزات الظرورية لتعديلات الكهرباء الظرورية للقير والمحرك و و و الخ....


2- راح تواجه مشاكل طول بعرض في مسألة الشحن لأن أغراضك تحتاج تخليص جمركي لإرتفاع الأسعار فيها وأولها المكينة

وبغض النظر عن المشاكل هاذي كلها أقول لك لو عزمت تسويها أنا مستعد أتابع معاك من اليوم الأول في الورشة.........الى آخر يوم يخلص فيه الموتر

مع اني ما أفهم بالأمريكي لكن ممكن بإذن الله نحل أي مشكلة في التركيب أو التوصيل

ولـــــو تـــــبي شــــــــــــــــــــــوري

بع الجمس اللي معاك حاليا وحط فوق قيمتة المقسوم ............. ودور لك واحد معدل جاهز من أمريكا واشتريه ويكون موديل 2006 لأنه حرام 70 ألف في موديل قديم

أو طق لك إف جي لأني خابرك مجنون بهالموتر ....... ولو تدور لك إف جي معدل ومجهز أمريكي كذا تكون ظربت 5 عصافير بحجر واحد (ترهيم + توفير + موديل حديث + اشباع لرغبتك بالإف جي+ تنتف عليه شباب الإكستيرا كلهم لأنك سواق وناقصك بس موتر نشيط!!!)

تحياتي لك والى الأمام أيها الذئب الأمعط
أخوك أبو فهد

يازين الجموس والله مالومك ودك تعدل وتستانس

كان معي بليزر 87 معدل .. عليه LS1 اقسم بالله اني كرهت كل السيارات الدفع الرباعي من بعده

اذا ركبت جيوب يابانية احس اني راكب سياكل ههههههههههه بس اضطريت ابيعه للاسف

لكن لابد يجي يوم ونرجع للجموس



موفق اخوي عاد لا اوصيك اذا زان الموتر واكتمل قل لي عشان اجي اجربه خخخخ

ماشاء الله تبارك الله


بعد كل هالتعديلات بيطلع وحش مايرده شي


الله يوفقك يابو اسد والتعديلات خلها وحده وحده مثل ماقال اخونا صالح

عشان ماتضغط على نفسك وبعد تاخذ وقت كافي في تجريب كل تعديل

الله يعينك على المبالغ الكبيرة اللي راح تصرفها
أنا مركب على الشروكي ( شكمان من شركة بورلا -هيدرز شورت من شركة بانكس- انتيك من K&N- وبواجي رياضية) والقطع طلبية من امريكا ماعدا البواجي
السعر 7400 ريال وأنا شغلي هوائيات فقط والنتيجة غير مرضية بالنسبة لي
لازم برمجة أو تركيب استروكر

لو تلاقي يوكن موديل 2005 الى 2006 وعدل فيه براحتك راح تحصل القوة اللي ترغب فيها ----تعديل بسيط هيدرز وانتيك وبرمجة

تخطيط رائع و ان شاء الله نشوفه على ارض الواقع قريبا

ما شاء الله تبارك الله مادام النية موجودة فالله يوفقك
ما فكرت في نظام تبريد متكامل للسيارة ونظام كهرباء

الله يوفقك يبو اسد

والله يعينك

ما شاء الله تبارك الله

تخطيط وتنسيق الله لا يضركـ

لكن وانا اخوكـ ما تشوف انها بتكلفك واجد ...؟؟؟:c0214:

كل اللي اقوول الله يقويكـ:smile:

،،،، ماشاء الله عليك نبي كذا اعضاء مثلك مبدعين يفيدونا بعدين في المستقبل خصوصا اني من عشاق 78 اخ بس

تقبل شكر وتقدير اخوكم { mr.nawaf }

إذا تبغى رأيي يا ابو اسد..

فكر في ميزانية لشراء سيارة جديدة ما دام استخدامك شخصي..
اقترح عليك السييرا او اف جي كروزر..
ثم تبدأ بالتعديل حبة حبة مثل شغل اخونا ابو رنا بسيارته الفورتشنر أو شغل ابو فيصل بسيارته السييرا..

منها تكسب سيارة جديدة تريحك من اعطالها وبلاويها..ومنها تلقى القطع اللي تبيها بسهولة وسعر مناسب..

لأن السيارة اذا غيرت مكينتها وقيرها راح تبهذلك ببلاويها واعطالها..ولا يغرك انك اذا غيرت مكينة وقير فمعناته انك قلبت سيارتك جديدة..بالعكس..

انا مجربها بكابرس 89..
كانت مكينته 305..خبطت علي مكينته..ففكرت اني اغيرها وارفع قوتها في نفس الوقت..
ركبت عليها مكينة 350 مستعملة في امريكا وعليها ضمان بــ3500 ريال..
وغيرت معها القير بجديد يتناسب مع قوتها..غيرته بقير 200 فرّار (أو فار آر على قولة العلميين) من مركز ديكسول مع ضمان سنة..
طبعا من يوم ركبتها عند ميكانيكي محترم لنا خبره معاه..وشغله قيور ومكاين بس..
لكنها فتحت فمها..
ومن يومها وهي كل شوي ببلوى..واغلب اعطالها ومشاكلها حرارة..او الديلكو كل شوي يبي له وزن..اهم شيء الحرارة بهذلتني مع اني غيرت اللديتر بواحد جديد أكبر..السيارة اصلا من الجميح..

فالزبدة..
السيارات الامريكية اللي عمرها طويل شوي صعب تعديلها بدون ما تواجهك مشاكل تغثك..وما راح تتخلص من هالمشاكل حسب تجربتي الا في اضيق الحالات..

اشتر لك سيارة جديدة..عدل عليها برواقة..وما تخاف باذن الله انها ترتفع بك حرارتها بالبلد او وسط الطعوس أو تفاجئك بعطل بموقف حرج..

ما ابي احطمك..لكن ما ابيك تخسر فلوسك وبالأخير تروح متعة القوة مع غثا الأعطال..
بالتوفيق..