مشكلتي مع الجراند ماركيز ( 1998 ) امريكي

M 3 S L @user_193463 · 31-12-2009

"

الكتاب باين من العنوان .. تتلخص مشكلتي في شيي

1 - الجنلط الارضي ( انفرط عندي ) ويقول صاحب الورشه انه انكسر عاد نقزت للتشليح ويقول التشليح بـ 180 مستعمل ( ما ادري احد قد صار له وانفرط الجنلد عنده ) معاد يمسك ابد ! عشان يطلعني على الاسعار واستخير اشتري جديد ولا مستعمل مع العلم اني ماعرف قيمه الجديد !

2- القير (اذا حطيته على R ) اسمع صوت طقه ( قوي ) تهز السياره وما ادري ايش العلمه مع العلم ان القير قد انضرب علي قبل وشريت مستعمل امريكي قبل 8 شهور والمشكله الضمان راح علي :rolleyes1: عشان كيذا حبيت استفسر اذا احد يعرف وش علته او قد عانا من العلم يديني خبر

3 - السياره مابها عزم وبغيت اسائل ( الكويلات ) بـ الوكاله بكام ؟ لاني سالت بـ تشليح البيان وقال الوحده بـ 50 ومضمونه فقط 24 ساعه عاد الكهرب على قولتهم ماينضمن الا الجديد فياليت تشورون علي لان عزم السياره مره طايح ( والسبه الكويلات والبواجي ) كل شوي اغير بواجي ومابه فايده ابد

4 - زيت السياره ينقص ربع دايم اذا جيت اغيره يصير ناقص ربع ( عاد سمعت ان هاذا معدل النقص عادي ) ما ادري اذا احد عنده خلفيه عن هالموضوع

واكون شاكر لكم لو عطيتوني خبر لاني طالب جامعي وكيذا ( ويادوب المكافاءه تجي اصلح في هالسياره ) مع العلم ان السياره امريكي ( فل كامل هدروليك )

واذا احد يدلني على ورشه مختصه في الفرود والماركيزات اكون شاكر له جدا
وماعندي مشكله تكون بـ ( الشفاء او الصناعيه القديمه ) ولو اني افضل الشفاء لانها اقرب لـ مكان سكني .
انتظركم .:xyxwave:

M 3 S L @user_193463 صاحب الموضوع · 01-01-2010

up

up

up

up

up

M 3 S L @user_193463 صاحب الموضوع · 31-12-2009

h

haider alkaaby

السلام عليكم
اتفق مع نصيحة الاخ صالح 98 المحترم..مع فائق الاحترام لفني السيارات العضو المميز بالمنتدى...انصحك باتباع راي الاخ الفاضل صالح 98
مع الشكر

الله يجزاك خييير / :bigggrin: نشوف اذا ماحصل الكويلات عنده ( شكلي باستخير وباشيك السياره )
< متحسف على 100 ريال :blue:

M 3 S L @user_193463 صاحب الموضوع · 31-12-2009

ف

فني سيارات

السلام عليكم و رحمة الله و بركاته

1
ممكن يفرط و هذا يحدث ولكن ماذا حدث هل انه مايركب بالمره ويحتاج الى تبديل
يجب ان تتعود ان تضع الجير في وضعية الــــN وتسحب جلنط وتفك رجلك عن الفرامل حتى يتحمل ثقل الجير على الجلنط بس ثم تضع الجير في البارك حتى مايتاثر مره ثانيه

طبعا بعد اصلاح الجلنط
و الصوت غالبا يكون من سوء استعمال او الصيانة الدورية ولكن تحديد صوت الطقة و العله صعب الا عن ميكانيكي

انا لا اشجع الى المستعمل
ولكن اذا عطوك ضمان 24 ساعة هذا جيد
لان الوكاله او قطع الغيار الجديدة لاتعطيك ضمان ساعة
في اعتقادي

بحسب كم مشيت على الزيت 3000 او 5000
ثم نقر عادي او مش عادي

شكرا لك

1 / اابشرك اليوم كلمني واحد من الشباب ويقول ان هالمشكله قد صارت لـ احد اخوانه وان سلك الجنلط ينقطع ( الامامي ) عاد قال لي اشتر ( سلك حلنط امامي وخلهم يركبونه لك ) والحمد لله شريت سلك جلنط امامي وقيمته 130 وكاله وركبه لي قرابه الـ 90 ريال مع شد الجنلط والحمد لله رجع زي اول وبكثير بس المشكله انه حاس على ( حساس الجنلط ) كليب اذا سحبت الجنلط تشتغل كلمه في الطبلون تقول انك حاطه على الجنلط وقال لي اشتر هالكليبس بس تعيجزت سراحه لان الورشه ماحولها محل يبي قطع غيار فور او ماركيز وخصوصا انه طول بـ شغلتها ( لانه قطع السلك السابقه ) ولاقى صعوبه في اخراج الجزء الباقي المقطوع

2 / القير والله اني مدري وش علته ( :confused1: صوت الطقه رهيب ) والمشكله اليوم قبل ما اضبط الجنلط طلعت على كذا ورشه ( وكل ورشه لها كلام :blue: الي يقول يبي له توضيب ) والي يقول القير يبي له فك والي يقول كرسي قييير :confused1: اول مره اسمع بكرسي قيييير ماعلينااااا ان شاء الله بابحث في النت عن ورشه تخصص قيور ممتازه وباطلع لها والله يكتب الي فيه الخير

3 / هل تنصحوني اني ( اشيك كمبيوتر للسياره ؟ ) او لا لان سالفه الكويلات والبواجي حاسيه مخي لاني برضو اليوم رحت لـ ورشه يقول لي ( احد الكويلات يهرب كهرب ) يعني مايرسل الكهرب المطولب او الجهد المطلوب لـ البواجي عشان تحرق وكيذا ( قالي هو اشتر الكويلات مع البواجي بـ 980 ) واركبهن لك وبيطلع موترك ورده ( والسراحه ماحبيت سالفه 980 ) وافكر اني افحصها عشان اعرف اي كويل مضروب وانتفه لان قيمه الكويل الواحد 110 رياله فقط

والى الحين وانا اشاور ( :tongue: حسيت اني سببت لكم ازمه ) يالله يعطيكم العافيه كل الي مرو هينا وربي ماقصرتو فرد(ن) فرد(ن) وياصاحب الكويلات لك رساله على الخاص مع التحيه والتقديييييييييييير

M 3 S L @user_193463 صاحب الموضوع · 31-12-2009

m

moood

الله يعينكـ أخوي ،،
عاد أن كانكـ متأكد من الكويلات ،، أذكر سيارتي كان عندي تقطيع ،، وقالوا لي لازم تغير كويلات ،، المهم غيرتها جيت أطلعها من الورشة رآيح البيت الا الوضع مثل ماهو ما تغير ،،

وبالأخير وبعد ما طلع الشيب اكتشفت أن العلة من فيش كان يشبكـ بالبخاخ ومرتخي ،،
وبحكم أنها قطعه كهربائية أنسى أنها ترجع ،،
المهم حليت المشكلة ،،

والكويلات الأولة أذكر أنها باقي عندي لأن العلة ما طلع مـنها ،، اذا تبغاها دورت لك علـيها ومستعد أعطيـك والقلب رآضي ،، وتقدر تنسق معي ع الخاص ،،

دمت بود ،،

أخوكــ

اي والله هاذا الي انا خايف منه / اني اسوي شغله وفي الاخير اني اكتشف ان الخراب مهوب من هالشغله .. وباذن الله بارسل لك رساله على الخاص الحين والله يوفقك ياغالي ويرزقك الجنه

haider alkaaby @user_202927 · 31-12-2009

السلام عليكم
اتفق مع نصيحة الاخ صالح 98 المحترم..مع فائق الاحترام لفني السيارات العضو المميز بالمنتدى...انصحك باتباع راي الاخ الفاضل صالح 98
مع الشكر

فني سيارات @user_8460 · 31-12-2009

السلام عليكم و رحمة الله و بركاته

1

- الجنلط الارضي ( انفرط عندي ) ويقول صاحب الورشه انه انكسر عاد نقزت للتشليح ويقول التشليح بـ 180 مستعمل ( ما ادري احد قد صار له وانفرط الجنلد عنده ) معاد يمسك ابد ! عشان يطلعني على الاسعار واستخير اشتري جديد ولا مستعمل مع العلم اني ماعرف قيمه الجديد !

ممكن يفرط و هذا يحدث ولكن ماذا حدث هل انه مايركب بالمره ويحتاج الى تبديل

يجب ان تسال عن سعره لعله اكثر بقليل فالجديد افضل بتاكيد من مستعمل لاتدري كم بيعيش معاك

2- القير (اذا حطيته على R ) اسمع صوت طقه ( قوي ) تهز السياره وما ادري ايش العلمه مع العلم ان القير قد انضرب علي قبل وشريت مستعمل امريكي قبل 8 شهور والمشكله الضمان راح علي :rolleyes1: عشان كيذا حبيت استفسر اذا احد يعرف وش علته او قد عانا من العلم يديني خبر

يجب ان تتعود ان تضع الجير في وضعية الــــN وتسحب جلنط وتفك رجلك عن الفرامل حتى يتحمل ثقل الجير على الجلنط بس ثم تضع الجير في البارك حتى مايتاثر مره ثانيه

طبعا بعد اصلاح الجلنط
و الصوت غالبا يكون من سوء استعمال او الصيانة الدورية ولكن تحديد صوت الطقة و العله صعب الا عن ميكانيكي

3 - السياره مابها عزم وبغيت اسائل ( الكويلات ) بـ الوكاله بكام ؟ لاني سالت بـ تشليح البيان وقال الوحده بـ 50 ومضمونه فقط 24 ساعه عاد الكهرب على قولتهم ماينضمن الا الجديد فياليت تشورون علي لان عزم السياره مره طايح ( والسبه الكويلات والبواجي ) كل شوي اغير بواجي ومابه فايده ابد

انا لا اشجع الى المستعمل
ولكن اذا عطوك ضمان 24 ساعة هذا جيد
لان الوكاله او قطع الغيار الجديدة لاتعطيك ضمان ساعة
في اعتقادي

4 - زيت السياره ينقص ربع دايم اذا جيت اغيره يصير ناقص ربع ( عاد سمعت ان هاذا معدل النقص عادي ) ما ادري اذا احد عنده خلفيه عن هالموضوع

بحسب كم مشيت على الزيت 3000 او 5000
ثم نقر عادي او مش عادي

شكرا لك

moood @user_100127 · 31-12-2009

الله يعينكـ أخوي ،،
عاد أن كانكـ متأكد من الكويلات ،، أذكر سيارتي كان عندي تقطيع ،، وقالوا لي لازم تغير كويلات ،، المهم غيرتها جيت أطلعها من الورشة رآيح البيت الا الوضع مثل ماهو ما تغير ،،

وبالأخير وبعد ما طلع الشيب اكتشفت أن العلة من فيش كان يشبكـ بالبخاخ ومرتخي ،،
وبحكم أنها قطعه كهربائية أنسى أنها ترجع ،،
المهم حليت المشكلة ،،

والكويلات الأولة أذكر أنها باقي عندي لأن العلة ما طلع مـنها ،، اذا تبغاها دورت لك علـيها ومستعد أعطيـك والقلب رآضي ،، وتقدر تنسق معي ع الخاص ،،

دمت بود ،،

أخوكــ

M 3 S L @user_193463 صاحب الموضوع · 31-12-2009

^

والله اني ضايع ( وبقوه ) تعرف طالب جامعي ( ومالي بـ السيارات وحوستها ) .. وعلى كلـ(ن) يعطيك ربي الف عافيه ياغالي وشكلي بـ اتجه لـ فحص السياره بـ الكمبيوتر ونشوف وش يطلع معنا ويارب سهل الامر .. واشكرك على سرعه تجاوبك

وان شاء الله يجي احد يفيد و ( يدلو بدلوه بخصوص الموضوع ) لان السالفه عالتي بـ الحيل ..
والسبب

*

علامه ( شكن انجن ) الي تطلع بـ اللون الاصفر ( تاشر لمده دقيقه ) وانا امشي مثلا 140 ويتزامن مع التاشير انخفاض رهيب بـ السرعه والعزم لـ درجه ان الدعس على ماهي تلقى
السياره تنزل سرعتها الى حدود الـ 100 او 120 واذا دعست الدعسه الثانيه مع هاذا التاشير مااااااااااااااااااش مافيه اي استجابه ابد وكان السياره تبي تمشي ولاكان هناك شي يعيقها وهالسالفه مسبب له ازمه من تالي ( لدرجه اني اثبت السرعه على 140 وعلى طريق مستوي ) اذا اشرت علامه الشكن انجن تصور تنزل السرعه .. يعني عزم السياره يطيح بشكل رهيب واحتمال اي ( طلعه ) مع التاشيره ماتطلعها السياره كـ طلعه ديراب او طلعه الزديه لان مره يالله يالله طلعتها لين طلعت روحي وربي اني طلعتها والسرعه على 20 وقبل كانت فوق الـ 100 .. =( وهالسالفه عالتني بـ الحيل والمشكله ان مالي بـ الورشات ولانيب راعي مكاسر ومن هالكلام .. كل الي اعرفه اني انطل سيارتي عند ورشه ولو يقول وضب المكينه وضبتها ( يعني مالي خبره بهالسوالف سوالف الخرابات وكيذا ) ..

saleh 98 @user_203813 · 31-12-2009

السلام عليكم

بالنسبة للكويل سعره من 95 إلى 110

اما ان الزيت ينقص فهذا يكون
1- طبيعي بحاله وحده وهي التبخر بمعنى اذا كنت انت راعي السرعات العاليه 160 وما بعدها يتبخر كميه قلليله من الزيت

2- او تهريب بسيط بالصوفه

نصيحة انك تتأكد من القطع الاصليه

وانك اذا رحت للورش وكل واحد يقوولك شي وانت ضايع مو عارف العله :confused1::confused1:لا تغير شي
إلا بعد التأكد بالفحص الالكتروووني ومايكلف تقريبا 100 ريال