استشارة عاجلة واش افضل سيارة تتحمل يومياً 250 كيلو

بتكلم عن الفورد والاكورد من تجربه

اخوي معاه فورد وكان راعي خطوط وريح وممتاز لاكن السرعة ماعندك احد يفصل 170 ( استخدام امريكي ) وصرفيه الوقود مرتفعه داخل المدينه
صار عنده مشكلة بالكهربا وصلحها والحرارة

الاكورد مراتبها مو مريحه
لاكن تصبر وقويه وصرفيتها ممتازة والسرعة ماانصحك بها لاكن تجيب 220

وفي الاخير بما انك راعي خطوط انصحك بالفور لأنها مريحه وقطع غيارها فررررق عن الاكورد
اخوي في الفورد مغير الفحمات الاماميه والخلفية ب 260 ( إذا مو غلطان )
وانا غيره الاماميه والخلفية تقريباً ب420
شوف الفرق في السعر والقرار راجع لك

وبعدين مااحد يظمن لك استقرار اسعار قطع غيار الياباني لأن عملتنا مرتبطه بالدولار
لاكن الامريكي بيبقى ثااااابت او بيرتفع قليلاً

استخر الله والله يوفقك إن شاء الله

الاكورد

قطع غيارهاغالية و المراتب قاسية شوي

خذ فورد فكتوريا ستاندر موب فل كامل و بشرط يكون موديله جديد على الزيرو يكون افضل

و راح تدعي لي ان شاء الله

اذا اسعار قطع الغيار ليست بذات اهمية عندك ولا حتى الصيانة وخدمة ما بعد البيع فالاكورد لا بأس به.

صدقت ، الكابرس هو الذي من 1996 وتحت اما الحالي فهو مجرد هولدن البريطانية فقط اشترت الشعار من جنرال موتور ، هولدن تسوق نفس السيارة بمسميات مختلفة من دولة لأخرى فمثلاً في الصين تسوقها على انها بيوك رود ماستر على ما اذكر. بالعربي انحش عن الكابرس واختها الليمونه.

اعتقد الماركيز او الفكتوريا او اختها الجديدة التورس افضل خيار. الياباني افضل سيارة ويمكن تلبي متطلباتك ( السوبارو ليقاسي ) مع ان الوكيل رفع السعر بشئ غير معقول.

السلام عليكم

اخوي انا اشوف السيارات الاروبيه هي افضل السيارات للخطوط الطويله و سرعه وراحه + فخامه والاهم السيفتي فيها عالي

انا اشوف 90000 او تزيدها شوي وتاخذ لك مرسيدس او BMW او حتى لكزس افضل لك حتى لو كانت ستاندير يبقى الماني افضل واريك حتى من الامريكي وهذا الشي منتهيين منه ومعروف ...... وممكن تلاقي مستعمل استعمال حشمه لكن مو مديل هذي السنه * فيها تضحيه بالمديل مقابل الراحه و السلامه @@@

تحياتي :

نصيحة قبل الشراء قم بأستئجار الاكورد واستخدمها لمدة يوم كامل لكي تاخذ انطباع كامل عن

وضع القياده والراحه وجميع ماتطلبه انت من السياره

مع التنبيه بأن الاكورد ليست مريحه من ناحية المراتب ونظام تعليقها يميل الى القساوه

وعداد الاكورد او الكامري ليس دقيق فسرعة 200 بالكامري او الاكورد تعتبر 180 بالفورد

لأن عداد سرعة الياباني عموما يقدم في السرعات العاليه من واقع تجارب

والفورد تستطيع الغاء الفصله الالكترونيه .

اختياري لاستشارتك بنا هو جراند ماركيز او كروان فيكتوريا حيث انها سيارة خط من الدرجه الاولى بالراحه

اخيرا سرعة 160 بالحد الاقصى تعتبر مناسبه للسفر في حالة كون الطريق متسع وغير مزدحم

وموفق خير ان شاء الله بالاكورد او اي سيارة اخرى

والله الموفق

الله يجزاكم ألف خير على نصائحكم من أولكم إلى آخركم وبعد التدقيق في آراء جميع الأخوان تم القرار على شراء هوندا اكورد لأنها تحمل جميع المعايير سرعة + راحة القياده والتحمل شكراً لكم جميعاً وداعاً للكامري والله انها جبتلي الصداع بس الي يعجبك فيها انها تتحمل كرف لها 9 سنوات ولا اشتكت

أبو ميار الله يرزقك السيارة الزيـنه ،،

وأنا رآح أرشح لك سيارتين حسب الأفضلية ،،

ـ هوندآ أكورد << سيارة كرف كرف أداء جودهـ إتقان يكفيكـ إنها ياباني ،، وخصوصاً أن معكـ ياباني فرآح يفرق معكـ الوضع لما تروح للأمريكي ،،

ـ قرآند مآركيز << سيارة كرف وتحمل بس بيني وبينكـ من كلامكـ أنت رآعي سرعة والسيارة هذي ما تصلح لك لأنها سيارة رزينه وهادية وحق دلع ،،

أتمنى تكون الفكرة وصلت لك ،، وأستخير للهوندآ تراها طيبة مره مرهـ وأنا أخوكــ


ومبرووك مقدماً ،،

انصحك فورد فكتوريا او ماركيز

هي احسن شيء بالراحة

كنصيحة فكتوريا أو ماركيز ماشاء الله راحة ويكفيك قطع غيارها رخيصة
وبالنسبة للفصله هذا أختياري أن حبيت تفصلها بيفصلوها لك

السلام عليكم

برأي أفضل سيارة للخطوط والمشاوير الطويلة
هي الماركيز أو الفكتوريا كلهم زي بعض وجداً مريحات.

اخوي فورد وبس ونت مرتاااح

انا اشهد ان الهوندا اكورد موتر
خصوصا ال2010 حتى السياحي يجيك بنظام VSA الثبات الال الكتروني
يعني مع اللفة لاتاخذها الا على 150
ورزة وياباني ومن تجربة لي مريح بالخط وجودة للمواد الداخلية
بس عيبه وحيد الفحمات اذا رجلك حارة على الفرامل بتغيرها على 30 او 40 الف كيلو
فلوسك تجيب لك سبشل يعني نص فل (فتحة + جنوط 16 + مثبت سرعة + تحكم بالمسجل + نظام VSA الرهيب)

وبالتوووووفيق

طيب عرفت وش يزين لك

تبي موتر كفو ويمشي على الخخط خذ لك Cls 500 جديد بس الله يعينك تزيد دراهم ثاني اقوى سياره سته سلنتر بالعالم مرسيدس اللي اقولك عنها سعرها حدود الـ 200 الف

والله انكم حيرتوني حببتوني في الكراون فكتوريا بس تقولون يفصل عند 180 اش الفائده إذا مو سريع والكامري مو مريحه مع الخط ترج والمرسيدس مستعمل ما تضمنه والكابرس الجديد ما تضمنه يتجمل معك على الخط اش رأيكم في الهوندا هل هي عمليه والراحه اهم شي

اهاااا عرفت وش بيصلح لك
فياجرا 2003 تحصلها تقريبا بـ60 ألف بس والله احه من قلب ورساوه ومواصفات مميزه
وبرب

تبي راحه و صرفية بنزين معقوله و قطع غيار رخيصه و بدي قوي ( لا قدر الله و حصل حادث ) لا تاخذ ألا ماركيز و لا فيكتوريا و بالتوفيق .

انا اخالف الجميع و قول خذ لك افالون مستخدم نظيف و لا لومينا LTZ جديد
و الفورد صحيح مريح بس ابعد عنه و عن مشاكله و لا خذ مستخدم نظيف لانه حرام تدفع 90 الف بسياره من موديل 98 ما تغير فيها و لا مسمار
و بالتوفيق

كرســــيـــدا 96