بالأول ، ودي اشكر الجميع على التعاون والاهتمام لا عدمتكم وبارك الله فيكم ،،
هلا اخوي
خذ لك كرايزلر اذا سواقتك هاديه
فخمه واذا تبي قوه قويه
امس رحت لوكالتها على طريق الدمام - الخبر بس فاجأني مسؤول المبيعات لمن قال لي ان المتوفر حالياً 2010 - 6 سلندر ، وقال لي انتظر شهر تقريباً لين ينزل 8 سلندر اللي نصحني فيه اكثر ومدحه لي . بس المدة طويلة علي خصوصا ان لي شهر تقريبا على سيارة ايجار :blue: .. عموما السيارة بشكل عام جميلة وتستحق ، لكن الوقت ما يسعفني للأسف ,,
هذي ما قد سمعت عنها رغم ان اليوم كنت في توكيلات الجزيرة الصبح ولا قالوا لي عنها شيء , لكن ان شاء الله برجع لهم يمكن بكرة وبشوف الموتر ،، ويعطيك العافية ياقلب ..
انصحك وبقوه في الاندكروزر 2010 سياره ولا اروع خصوصا مع التعديلات الجديدة
وبالتوفيق
الله يوفقك اخوي الولهان ، واللاندكروزر من السيارات اللي يشار لها بقوتها وجودتها وبالنسبة لي يمكن ارجع له في حالة ما كتب الله لي التوفيق في اي سيارة سيدان ..
يعطيك العافية
بما انك تريد سيارة رسميه فالتاون كار أنسب لك
كذلك من السيارات الرسميه كرايسلر 300c
بالتوفيق
بارك الله فيك اخوي جذاب وأشكرك على الاهتمام المعهود من شخصكم الكريم . وكما تفضلتم به فالرغبة الأن محصورة على سيارة رسمية ، ولكن كما قلت في ردي السابق ان الكرايسلر ابلغوني بعدم وصول دفعة 2010 - 8 سلندر حتى الآن .
عموما لي عودة ان شاء الله لتوكيلات الجزيرة وان شاء الله ربك يسهل لنا الأمر ويكتب لنا فيه الخير ، وشكراً لك
عندي لك شور
الكابرس 6 سلندر Ltz بما انك هادي و برضه يعطيك لو بغيت تدعس و عملي و فخم و آمن و أرسى و واسع و رسمي و تتعب فيه و غير كذا قيمته حلوه جدا ما اذكر كم لكن حول الـ 100 الف فل كامل 6 سلندر
و لاتنسى انك طالع من سيارة مجهزة للتحمل الى سيارات سيدان يبي لها اهتمام اكثر اذا كنت تبي تجرب هالفئة من السيارات
او ارجع ع الكروزر
و عليك بالاستخارة
الله يوفقك اخوي ابو هذال ، ومشكور على المشوره الطيبة من شخص طيب .. انا لاحظت في موضوع في قسم السيارات الأمركية كان عبارة عن مقارنة بين انواع الكابريس ولاحظت ان ss هو المرغوب وهو المفضل بين باقي الانواع وباللذات 8 سلندر ، فما اعتقد ان 6 سلندر بيكون من ضمن خياراتي .
بالنسبة لللاندكروزر فأكيد راح يكون اختياري الأول في حال لم اوفق في الحصول على سيدان ، بالرغم من ان سعره طاير بالسماء لموديل 2010 لكنه يستاهل كل ريال يندفع فيه بصراحة وعن تجربة ..
يعطيك العافية
حياك الله يالغالي
اسمحلي اضيف لك خيار جديد ، وهو FJ ، وشرايك فيه ؟
اداءه ممتاز ، ومواصفاتها زينه ويتحمل الكرف
واذا ماتبي خذ اللاندكروزر 2010
والله يوفقك ولاتنسى صلاة الاستخارة
بارك الله فيك اخوي .. وبالنسبة للـ FJ فاعذرني والله ما عرفت هالنوع ياليت لو توضح لي وش نوعه وبأي وكالة عشان اقدر اشوف السيارة ..
يعطيك العافية
وش رايك في انفينتي FX او لكزس RX ؟
بصراحة اشوفها سيارات لفئة عمرية بين 20 الى 25 واعتقد انها مناسبة للشباب في الجامعة اكثر .. بالنسبة لي يمكن يكون انفينتي q45 مناسب جداً بس ما شفته عند الجبر بالدمام مدري ليه ؟ :c0214:
حبيت ألفت نظرك إلى فولكس وآجن باسات CC رآئعة جداً ،،
أيضاً أودي A6 بعض الأنواع منها مناسبة لميزانيتك ،،
وعندك أيضاً الفورد توروس والكرايسلر 300 سي ،،
بالتوفيق ،،
صحيح اخوي والله صدقت الباسات جداً رائعة واعتقد انها فعلاً طراز عملي ومناسب لأجوائنا بالخليج ، وانا ما صدقت انها باسات لمن شفتها عند الاشارة كنت اعتقد انها موديل جديد لسيارة اوروبية ولا عرفتها الا من شعار الأمامي ، لكني والله ما زرت الوكالة ولا شفتها عن قرب لكن ما يمنع اني ازورهم في هاليومين ، ويعطيك العافية يالغالي
