الاكستيرا...محتار ولاني عارف اختار...

جزاك الله خير على الرد ومايحتاج تحلف
محشوووم
والسيارات حديد في حديد
وعموما النيسان يشهد له اصحاب المعارض
ونحن في منتدى لتبادل الخبرات والفوائد والاستشارات

كلنا عيال شيوخ وحمايل ..

والسيارة اللي مع الرجال شاريها قبل سنة والآن نزلت موديلات 2010
وأنا قلت أنه جاب له 100.000 وما بااااااااااااااااااااع

بمعنى أن الـ 100.000 هذه سومة من شخص واحد ما أدري هو صامل بيشري الموتر ولا يبي يتربح به

وأنا متأكد من أنه بيجيب له أكثر من الـ 100.000 لو أنه لمع الموتر ووقفه في معرض أو جاه الشراي الصامل

وبعدين أنا أتمنى منك أنك تجيب لي جيب مستخدم سنة كاملة وماشي 30.000 ونزل موديل بعده وما طاح فيه إلا 15.000 من قيمته الأصلية

^^^^^^^^^^^^
مافيه شي اسمه وبس الله يصلح الجميع

حتى الملوك تعلل للرعية سبب إعتراضها على أمر معين

وبما انك شيخ قبيلة البهبان وكلامك مايتثنى

ممكن تنورنا بنوع السيارة اللي أنت تنصح فيها وماينزل سعرها أكثر من 5 أو 10 آلاف بعد سنه استخدام

وياريت تدعم الموضوع بتجاربك الخاصة ( وتستثني منها موتر الشيخ الفلاني و ولد عمي وصديقي وجارنا)

والسيارات اللي أنت ذكرتها وهي :
1- لاندكروزر جي اكس
2- تويوتا فوتشنر
3- باجيرو

كلها تنزل أكثر من 25 ألف بعد أول سنة على الأقل من يوم تفكها وكالة مع الإستخدام النظيف بعد

والدليل ان الجي إكس القطري ب 125 مستعمل يعني طاح فيه 51 ألف بالظبط خلال سنتين وهو ما مشى فوق ال 20 الف كيلو وجديد حسب كلامك يعني كل سنة طاح فيه 25,500 ريال

الفورتشنر أنا اشتريت 2006 فل كامل قير عادي 6 سلندر أسود ب 116 ألف وبعد سنتين ماجاب فوق ال 78 ألف يعني طاح فيه 38 ألف خلال سنتين يعني 19 ألف في السنة
وتحديدا ينزل في سعره حدود 25 ألف بعد سنة ونص

مع ان الإثنين كلهم بايعهم بعد التوقيف في المعرض وبالأخص الفورتشنر ظل حدود شهر ونص تقريبا عيا يزيد عن هالقيمة وقتها

والباجيرو لا يقل هن 30 ألف في السنة الأولى ........ خالصين منها ذي

أما الإكستيرا فطاح في سعرة 14 الف (بالنسبة لتجربتي الخاصة) بعد سنه ونص استخدام

وبشهادة الشباب بعت الباترول سفاري 2 لون فضي موديل 2007 ماشي 110 ألف بعد استخدام 3 سنوات + سمكرة في الباب الخلفي والرفرف الأمامي الأيمن ب 90 ألف ريال يعني طاح فية تحديدا 45 ألف بعد 3 سنوات وسمكرة شاصي وتطعيس وفجر يعني بمعدل 15 ألف لكل سنه

إذا كان فيه سيارة جيب ماتنزل أكثر من 10 آلاف بعد سنه استخدام وعملية وقطع غيارها أرخص من الأمريكي ومتوفرة وحنا مادرينا عنها ..... فنحن ظايعين وعميانين

فياريت تذكر تحديدا نوع السيارة اللي أنت تتكلم عنها وتنورنا بمعلوماتك القيمة وتجاربك لأن الرجال محتار وانت شيخ البهبهان لازم تفزع!!

وشكرا لك مقدما

صبحك الله بالخير يابن صقيه...
اشاطرك الرأي...

صبحك الله بالخير mohmmadobas..

سلام عليكم ورحمة الله وبركاته

ولد البراري .. بتصعد فوق الطعوس ووتروح المطار وتوصل الربع الخالي بعد وبتستانس اخر ونااسه ..قول آمين

قبل سنه تقريبا اول ماطلعت الليسن خذيت لي اوريون 2009 مشالله موتر نشيط وفخم وكافي انه تويوتا وسعره فيه
بس قمت ابالغ واقص على نفسي واقول تويوتا وقطع غيار وجوده وماعرف ايش وانا عضو بمنتدى تويوتا العربيه
واخر شي خرابات اول ما خذيته اصوات الديكور وكل سيرفس موديه الوكاله فيه بلى والمنتدى كله بكبره يسب بعبداللطيف جميل
مسكين خذوا ذنب الرجال مادري اذا هو حي ولا ميت ... معني ما اعرفه بس السمعه صارت جدا سيئه امامي
(( يعني بالعربي مافي وكيل بالعالم كله ما يبي فلووس الزبوون .. كلهم يدورون فلوسك وكيف ينصبون عليك ))

المهم قبل شهرين عزمت اني ابيع الاميره ( الاوريون :) ) وادش بفئه الدفع الرباعي
قلت الشتا جاينه وخلني استانس واخذ لي جيب
هو للبر وللبحر وللسفر ووين ماتبي يقول قدااام
دش بخاطري الرانجلر بابين واستاندر .. شكله حلو وقوي ودبله لا يعلى عليه
ركبت بس للاسف مافيه مواصفات رفاهيه ولا فخامه اللهم بدي ومكينه وقير
شفت الاكستيرا صراحه دش ببالي وشفت الاف جي هم حلو وشكل قوي ودبل وحركات وتويوتا
بس من جربت الوريون قلت ما يهمني الوكاله المهم السياره الي تعجبني وتدش ببالي
فقلت ليش اخذ الاف جي واقص على نفسي انه حلو وقعدته مو مريحه وديكوراته فاشله جدا (( اسمحولي وجهة نظر )) اللهم قير ومكينه والدبل ممتاز
ركبت الاكسيترا العادي وجربت قيادته ممتاز وعزم جدا جدا قوي وممشاه جدا رايع لكن المطب حقه قااسي شوي
اسنخرت ربي وكلمت الوالد ورحنه نطلع الاكستيرا طبعا ببالي اني اخذ الفئه الخاصه ( off road ) طبعا اللون رمادي حاط ببالي
والمواصفات لك يا ولد البراري :
من حيث الرفاهيه .. سيدي جينجر ( ست سيديات ) ، نظام بلوتوث ، مدخل (aux) للتلفون والايبود ، مثبت سرعه
من حيث القوه ... بدي قوي وتقدر تشوف من حيث انك تحاول ترفع كبوت السياره وتشوف انه ثقيل وبدي يعجبك :) ، مكينه 4000 سي سي بــ 291 (( ابي جيب يفكر انه يدعس وياك )) ، دبل قير خفيف وثقيل ، دف لوك ، (( طبعا الفئه الي معاي قير عادي ))
كفرات حجريه ، مخمدات بليستين للمناطق الوعره ( حق المطامر بالبران (: ))
مراتب ضد الماي مادري ايش الزبده الي تجيك سوده سبورت المانعه للتعرق
والداخليه سووده يعني كل شي اسو دومنكل ... الزبده خقق
طبلون 200 يعني يمديك تجيب مواتر بالخط
شنطه كبيره مشالله ما اعتقد فيه موتر دفع رباعي مثل مساحتها
سله شيل بيتكم وحطه فوقه
مواصفات اخرى لم تحضرني ,, بس صراحه الموتر يمكن لانه سيارتي ما اقدر اني ما اسووقه يومين ورا بعض .. احس اني اشتاق له ... واذا صار لي اسبوع ما دخلت فيه البر قلبي يتعب :)
ننتقل للعيوب ...(( ادري طولت عليكم ... بس كله علشاانك يابن البراري مادري شسمك ))

اقوولك مطب حقه قاسي .. لكن في السفر والممش مشالله راهي وثابت وراسي بالخط امشي طبلون السياره (200 ) كاني ماشي 160
المراتب الثانيه نوعا ما ضيقه .. او بمعنى اصح الدخول اليها صعب شوي
مافيها فتحه سقف .. صينية الكلش حقها غير مناسبه جدا لقوه المكينه .. بحيث انها تحترق بسرعه مجرد انك تزور على الموتر شوي تحتاج لتبديل صينيه دبل او يدبرون لهم شغله او خذ لك توماتيك
وعافاك الله...

وعلى فكره انا كنت مثلك ما اعرف ارسى على شي مره اقول اكستيرا مره اقول رانجر .. بس احمد ربي انه وفقني وخذيت الوحش النيساني..
قبل اشوف اني مميز معي اوريون بس صراحه صارت مثل الكامري بكل مكان تشوفها
واللحين معاي الكستيرا كثير من الناس ما تعرفه والي يسميه ارمادا او باثفيندر واذا قلتلهم عن اسمه قالولك شنو هذا
يمكن تكون ايجابيه بالنسبه لي ... لكن الحمدلله توني واصل من الخفجي .. العسكري حق الجوازات طلب الجوازات اقوولكم قام يناظر بالموتر انا خفت ... بعدين طلب دفتر السياره وقالي هذي اكستيرا وقام يسأل وكم عندكم بالكويت وشنو مواصفاتها
اقولكم حتى الدوريات بالكويت يصفطوني ويسالوني عنها ... اي والله
الزبده مو فخر خووفك بكرا تجيلي عين منهم .. بس الحمدلله محصن نفسي بالاذكار من بعد الحادثه الي صارتلي

اقوللك ما اذكر مره فالبر شغلت الدف لوك ... امشي بالدبل الخفيف واذا نسمت الكفرات امشي بدون دبل
واول الايام كنت اغرز وماعرف اسووق .... ادق الدبل الثقيل ويطلع وانسى انه السياره فيها دف لوك
صحيح السياره ما تحتاج الى انظمة دف لوك وتراكشن كنترول ..لكن حطو هذي الميزه الا وهي الدف لوك للي يعشقون النفود والجبال واذا تعلقوا بالجيب شغلوا الدف لوك
عشان تقول نسيان ابي شي يوقف الاكستيرا

ولي ولد عم معه مثل جيبي لكن اللون رصاصي مشالله راعي بران وسعيره عندكم ويطلع هو ويا خويانه

والي معه اكستيرا والي معه اف جي .. يقولي يافهد كلنا نفول الموتر بنزين ونطلع سفر بعد مسافه معينه يدق اشاره الاف جي يبي يعبي ينزين والاكستيرا حقه وصل النص
اي والله على كلامه
يقوول يظن انه الهوا كان عكسه ومثل مانتم خابرين القزاز حقه مسطح يعني مضرب هوا فــ كله يحسب حساب
يعني خط وسفر مو ذاك الزود والرؤيه تعبانه اللهم في البر يجمل ... وانا ما اقارن بالاف جي لانه كل واحد عارف انه الاكستيرا افضل من الاف جي في البر
ماهو تعصب ولاهو شي كلها سيارات بس اعتقد هذا رايي وراي الي جرب الاكستيرا
و بالاخير يا براري استخير وفكر وقبل كل شي جرب الموتر الي بتاخذه ... وسامحوونه على الاطاله
وارد على الي يقول النيسان عدو للانسان .. اقووله من خسرااان يا معااند النيساان
واذا تبي بالقوه او الطعوس عندي لك الفيديوات واذا ما اقتنعت انزل للشارع وجرب مع الشباب
وهذا مقطع ختامي معني طولت عليكم وسامحوني على القصوور :)))))))))
وفقكم الله..
http://www.youtube.com/watch?v=rRcq5OYYQ7M
----

ابو الفهوود

ههههههههههههههههههههه تقول ماطاح من سعره شي16الف وكل هذا ولانزل شي من السياره(في موديل واحد) نيساااااااااااااااان عدوالانساااااااااااااان وبس ولن اتراجع في كلامي (وكلام الشيوخ مايتثنى)

^^^^^^

اوووووف طاح من سعرة 16 الف

لا وما باعة بعد يعني نقول يبي فية 105 الاف يووو 11 الف طاح من سعرة يااا ساتر وهاذا وهو ما استخدمة الى سنة بس فعععلا نيسان عدو الانسان هههههههههههههههههههههههه

كلام عجيب غريب

والله العلي العظيم أني قبل شوي كنت أكلم واحد من الشباب اللي عندهم باثفندر 2009

شاريه هو قبل سنة بـ 116.000 ريال سعودي .. والان الرجال محتاج لدراهم ويبي يبيعه

المهم أن الرجال دخل بموتره الخميس الماضي للمعارض وجاب له الموتر 100.000 ريال سعودي ولا باع


وتقول ما يمسك سعره ؟؟

1- أنا لو كنت طايح عند الإكستيرا كنت يوم بعته اشتريت ثاني
2- بالنسبة للقير العادي من الإكستيرا بدون ما تتفاجأ يطلع على الرنج قومة من 0 - 100
3- فيه سيارات أقوى من الإكستيرا مثل جيوب الإنفينيتي كلها من 2008 وفوق وسيارات أخرى لا أعلمها وبالنسبة لهذا الكلام أنا ما جبت شي من عندي تابع ال 360 صفحة!!!
4- سبب إعجابي بالموتر ان له إعتبارات عندي ويرجع ذلك لذكريات مقناص خارج السعودية كان يطربني فيها وقت الطرد ( الصيدة ما يمديها ) إلا وحنا جايبينها

عموما جرب أنصحك تجرب الموتر قبل تشتري وممكن تحدد لنا مكانك وأنا أرسل لك أحد تجرب الموتر قبل تشتري أو أطلب تجربة السيارة في الوكالة

والله يقسم لك اللي فيه خير

تحياتي

السلام عليكم

مشاءالله اعضاء الرابطة كلهم هنا :)

اخوي ولد البراري من ردودك انا فهمت وش تبي :) انت يبيلك اكستيرا ولا شي غيره

هل الكلام ماقوله لان مثل بعض الناس الي لا امتلك سيارة صارت الافضل لا

بس انت تبي تشتري جيب على قد فلوسك واحتياجك ... انا استخدم الاكستيرا سنه وشهرين تقريبا ...الراحة في السيارة متوسطه وهذا لا يعني ان السيارات الي في المقارنه مثل الاف جي والفورتشنر تفرق واجد وانا من تجربه اشوف الاف جي
اريح من الفورتشنر والاثنين قاسين الا حد ما ...بالنسبة للراحه لا تتعدى الباث
والباجيرو والاكسبلورر ...

انطباعي عن السيارة بشكل عام ... سيارة اذا قعدت يوم ماسقتها تشتاق لها
لانها فعلا تطربك وبالقوة لاتقرنها باي جيب من فئتها ولا حتى اعلا من فئتها شوي
ويوم تقول لابو فهد تبالغ فالسيارت الي ذكرها اابو فهد مابالغ فيها وترا ابوفهد
يقصد لومينا 6سلندر... ويوم قلت رنج سبورت تراي قايم عليه (كان جنط 22)وهذا
سبب من اسباب ان قمت عليه وتبي ازيدك Q7 اودي انا وياه الين ال 190 وهو 8سلندر
مابي اسردلك البقية خخخخ بس صدقني من ناحية القوه الكل يشهد له...

ماحد يختلف ان الحمراني سيئ ولكن من واقع تجربه فلا باس فيهم بالفترة الاخيره
وقطع الغيار مثله مثل فئته مع فارق الجودة في القطعة من صالح نيسان ...

نجي للموضوع الي ماحبه خخخ سعر البيع ..من قال الاكستيرا مايمسك سعره ؟؟
تشري اكستيرا 2008 ب 85 وتستخدمه سنة ونص وتبيعه ب 70 تقول مايمسك؟؟
ولا السبعين ماتملا العين ؟؟ ولالازم اشري سيارة ب 150 وابيعها ب 135 واقول
ياسلااااام جابت سعر !!!!!

بشكل عام والسيارة ماعليها كلام ومن ناحية الانظمة المواصفات السعوديه مافيها
انظمة دفع رباعي.. بس اذا انت راعي تطعيس فقط يعني مانت راعي صخور وطلعات
ترابية فما تحتاج انظمة (لايعني انها غير مفيدة ) والسيارة خفيفة والدبل شايلها...


اتمنى من جميع الاخوان الي يردون يكونون واقعين لا مع ولا ضد الاكستيرا
لان الرجال بيدفع فلوس خخخ :)

اخوك / ابوخزيم :)