صيانة سوناتا 2007 لـ 30 الف ( وش الاشياء اللي لازم تتغير)

اليوم اخيرا جبت السياره بعد ما جلست عندهم يومين

ودفعت 980 ريال

بس لاحظت شي غريب في البريك صار قاااااااااااسي جدا اذا جيت اسحبه

وش السالفه؟؟؟؟؟

غريبة العادة في 30 ألف بس تتغير الزيوت زيت المكينة وفلتره وزيت الجربوكس وفلتره بس ممكن بعدال40 ألف تتغير الفرامل كلها أما السير كل ال80 ألف إذا كان سير التايم

اعتقد سير الدينمو مو الدينمو نفسه
بس بشكل عام الاسعار غالية
ومفروض تشيك الحذفه الى تقول عنها مع الصيانه ماياخذو عليك 140 ريال !!!
اعتقد المجدوعي عندنا بالشرقيه ارخص عموما بدخل سيارتي تشيك الـ 30 الف قريب ان شاء الله

مشكور اخواني على المرور بس هذا بناء على جدول حاطينه الوكاله

الدينمو يتغير كل 30 الف كيلو، شكله دينمو لعبة.

آسف عالمداخلة الشنيعة لكن غريبة فعلا تغيير الدينمو.

سير يغير في ثلاثين ألف !!!!!
لعب علني وأستغلال بشع , السير أخوي يمشي أقل شي 100 ألف وفيه ناس ماغيروه إلا بعد 160 ألف وماصار لهم شي أما بخصوص الزيوت أقرب بنشر وكل التكلفة ماراح تتجاوز 150 ريال

طبعا الوكيل هو الوعلان

اليوم رحت الوكاله وطلعت علي التكلفه كما يلي

الصيانه الدوريه لل 30 الف كيلو 525 ريال >>>بالرغم ان هذا السعر لصيانه السوناتا 6 سلندر ، وسيارتي 4 سلندر يعني المفروض 408 ريال ،، لكن الموظف قال لي ال408 ريال للموديلات القديمه 2005 وقبل ،، والجديده 2006 واحدث 525 ريال !!

تغيير كل من :-
- زيت الفلتر
-فلتر الوقود
- سير طرمبه الماء ، الدينمو
- بلف الحراره مع الوجه
- زيت ناقل الحركه الاوتوماتيك
-سائر الفرامل

كامل التكلفه 1168 ريال ( تشمل 525 تشمل حقت الصيانه)

+ 140 ريال فحص لني قلت لهم عندي حدفه في السياره اذا مشيت

يعني كامل التكلفه 1308 ريال

زيت وفلتر كل 5000 كيلو
فلتر هواء كل 15000 كيلو (كل 5000 كيلو تنضيف)
فلتر البنزين كل 60 الف
زيت القير كل 60 الف ( افضل ان تبدله كل 30 الف لكن النوعيه لازم تكون اجود مايمكن)
الكفرات مايتحملو 4 سنين بدلهم لسلامتك
فلتر المكيف تبديل كل بداية موسم (الصيف والستاء) مع تنضيف كل1000

30 الف !!
بدري على كل شي .. انصحك لاتوديها الوكاله ولا شي

نظف او غير فلتر الهواء والمكيف .. وبدل اماكن الكفرات

:)

تغيير فلتر الهواء وزيت المكينه مع السيفون هذا ان كانت السيارة لاتعاني من اي مشكله

قلنا وش الي يبي يصير معك وش الي بيغيرونه في سياراتك وكم المبلغ