لايغرك الممشى ... من يثق بشريطي .؟؟ قصة حقيقية

lt2007 @user_177669 · 28-01-2010

السلام عليكم للجميع ....

قصة حصلت لشخص اعرفه معرفة شخصية تأكدت بعدها ان أغلب الشريطية مايخافون الله ...

والتعليق كم ..

الرجال لقى لاندكروزر 2009 بمعارض الطايف ماشي 200 كلم ( ميتين كلم) .. يقول لقيته بأكياسه .جدييييييييييييييد ... حادينه بالمعرض ب 171000 .. يقول أنا مسوي ذيب وقلت ذا السياره لقطة أكيد صاحبها طلعها تقسيط ويبي يبيعها كاش وسعرها انزل من سعر الوكالة وماهي ماشيه الا 200 كلم بس . يقول ممشاها اغراني لحد اني مافكرت افحصها ولا شي .. بعد شد وجذب نزلوا له ألف ريال وأخذها ب 170000 ...

يقول طلعتها من المعرض محد قدي ..

وبما أني مسوي فاهم ( والكلام له ) قررت اروح بعدها بيومين الوكالة أغير زيتها لأنهم يقولون الزيت اللي نجي فيه السيارة خفيف ...

يقول وأنا أغير الزيت قلت خلني أسأل عن ال هيستوري حقها ...

الصدمة : ( السيارة ذي صادمه ( حمار ) .... أي نعم حمار ... ومتصلحة في الوكالة ب 48000...

لاحوووووووووووووووووول .....

مصدومة ؟؟ وحمار بعد ؟؟؟

يقول رجعت المعرض وتهاوشت معاهم قالوا : محد ضربك على أيدك ... انت جيت وشريتها ودفعت الفلوس ...
مالك عندنا شي ...

الرجال من حسن حظه يعرف شخص كبير في الغرفة التجارية في الطايف ... يقول على طول مريته اليوم الثاني وشرحت له الوضع ...

والغرفة التجارية اجبرت المعرض يرجع لي كل فلوووسي .... مع أنهم حاولوا في بعدين يعطوني 15000 ترضية ولكني رفضت ...

..........

بالله اش رايكم .؟؟؟

CAPRICE2008LTZ @user_144353 · 29-01-2010

حمااااار هههههههههههههههههههه

$ AL Z3IM $ @user_160600 · 29-01-2010

حسبي الله عليهم هذا ولهـ واسطهـ

لاكن غيرهـ مالهـ احد بينصبون عليهـ

البافاري ريبيري @user_202380 · 29-01-2010

رح للي باعك وقله الله لايوفقك وانسى للابد

زاهر77 @user_188441 · 29-01-2010

حسبي الله عليهم
الله يرزقنا ونشتري جديد احسن من التعامل مع هالحراميه

والله يكفينا شرهم

The_Game @user_133527 · 29-01-2010

^^^^
صدقت والله
سؤال مهم
تحياتي

HOLDEN HSV @user_142776 · 29-01-2010

لا حول و لا قوة الا بالله
طيب انا عندي سؤال مهم
لو انا بمحل الرجال اللي شرى السياره و انا ما عندي فيتامين و[SIZE=3] [COLOR=black]مثل الرجال اللي [/COLOR][/SIZE]
وش اسوي بهالحالة ؟

The_Game @user_133527 · 28-01-2010

انا عندي سؤال واحد بس
ايش يستفيد
انت كذا ولا كذا طالب مبلغ معين وبيجيك
ليش تسترق عيال الناس
ترى الفلوس نتعب فيها
حسبي الله ونعم الوكيل
تحياتي

عاشق سوباروا @user_208340 · 28-01-2010

الحمدلله اللي وصلت كدا ورجعت فلوسه

+KoRn @user_19776 · 28-01-2010

الفلوس عمى النفوس مستعد بيبع العالم عشان يكسب راعي المعرض

انصب حتى تنجح

نصب + احتيال = بعض الشريطيه الله يهديهم

أبو ديـــــالا @user_149616 · 28-01-2010

الله لا يجزاهم خير هم ومن على شا كلتهم

ls_2001 @user_168701 · 28-01-2010

هذا الادمي كل من يسمع بقصته ما بيكسب من الناس الا دعوه عليه في ظهر الغيب هو ومن عاونه.
الله لا يوفقه ولا يوفق من ناصره ولا يبيحهم.

ARMADAWOW @user_39776 · 28-01-2010

يعني لو كان الشريطي يعرف هذا الشي وهو الي يسمكر

وباعها من دون يقول

ياويله من الله الي يغشش الناس

لااحد يثق في الشريطية دايما ضنوا فيهم ضن السوء وافحصوا واسالوا شريطية اخرين

ترى النصب بادي هالايام يكثر

الله يكون في العون

سهمي نازل @user_168989 · 28-01-2010

الله يغنينا بحلاله عن حرامه

والحمد لله ان الله وفقك وافتكيت منها ورجعت فلوسك

ياسير @user_173993 · 28-01-2010

لاحول ولا قوة الا بالله

ما درى وشلون عايشين على النصب والكذب

وضح النقاء @user_82653 · 28-01-2010

صحيح هذا
وحصلت لي نفس المشكلة حيث اني كنت ابحث عن انفنتي اف اكس 35 موديل 2006 بمواصفات معينة
واثناء البحث وجدت سيارة معروضة في النت ...نفس الطلب ويقول صاحبها ماشية 35 الف كيلو...... بينما الموديل له ثلاث سنوات يعني مستحيلة الا اذا كانت مخزنة.....
وفعلا بعد الفحص لقيناها مصدومة صدمة خفيفة من الجانب الايمن كله والسيارة ملعوب فيها لعب والعزم بارد واتضح لنا ان العملية نصب في نصب
لكن الحمدلله كان معي واحد يعرف للسيارات وكشف كل المشاكل السابقة.

$VICTORIA$ @user_68001 · 28-01-2010

حسبي الله عليهم
الله يرزقنا ونشتري جديد احسن من التعامل مع هالحراميه

أبو دانه @user_193365 ..:: TAHOE//YUKON GRP. MEMBER ::.. · 28-01-2010

^^^
كلام سليم يا أبو فلاح ،
في سيارات تعدل في الوكالة وتباع على أساس أنها جديدة ،
ولكن السواد الأعظم جديد وابرك لك من الشريطية النصابين ،

ابو فلاح 3 @user_163899 · 28-01-2010

يا رجال وسع صدرك هاذي التجارة شطاره و القانون لا يحمي المغفلين مع الاسف حتى الوكالات صاروا يبيعون السيارة على انها جديدة وهي مصدومة و مرشوشة خليها على ربك بس

fahad199 @user_206258 · 28-01-2010

الحمد لله انتهت على كذا,,و الا غيره ما لهم احد و ما يقول الا حسبي الله عليهم
انا محرم اشتري من هالحراميه لو اتسلف و اجمع ريال على ريال(شغل الشيبان:smilie16:) و اطلعها وكاله احسن,,,