أبي اشتري أكسبلورر 2010 ومحتااااار ... ساعدوني

اذا انت راعي خطوط وتبي الراحة توكل على الله وبالذات الستنادر +بلوتوث سعرها خطير

اذا تبيغى بر وعملية اكثر بس غير مريحة في الخطوط الباث فندر

وانا انصح بلاكسبلورر لانوه لو اتغير راح يزيد سعرة كثير

إنتظر الشكل الجديد وربي راح تندم إذا شريت وبعدين نزل الشكل الجديد
لأنه إختلاف جذري عن بعض تماماً
بالتوفيق

بتوفيق اخوي والله يعطيك خيره ويكفيك شره

ملاحظه قد اكون مصيب فيهاا أو ........ اذا تغير الشكل راح ينزل سعر الشكل الحالي

لو فكرت تبيع بعد سنه او سنتين او حتى ثلاث

اما ذا كان الشكل ثابت

وتغيير بسيط ماراح ينزل سعره كثير

والله يوفقك

الله يوفقك ياخوي و تشتري السيارة اللي تناسبك،
حبيت أبين نقطة انه السيارة قاسية و غير مريحة قليلا، سيارات الدفع الرباعي جميعها فيها قسوة في المطبات و غير مريحة نوعا ما، لكن الاكسبلورر حسب اللي سمعته انه أرسى سيارة و أريح سيارة في فئة سيارات الجيب، و اذا جينا نقارن السيارة بسيارة سيدان بهذي المقارنة نظلم السيارة لأنه أكيد انه السيدان راح تتفوق على الاكسبلورر من هالناحية، لكن إذا جينا و قارناها بسيارة من فئتها مثل البليزر او الانفوي نشوف انه الاكسبلورر هي الارسى و الاريح و الأكثر عزلا للصوت،،

أخي الكريم اتوكل على الله السيارة الكثير يمدح فيها و اشوفها تزيد انتشار في الشوارع يوم بعد يوم، و أنا كلها شهر زمان و راح اشتري وحدة.

اريا الاستاندر الافضل من ناحية القيمة او ايدي باور

مملكة الانسانية : ما يهمني تغيير الشكل وشاكر لك على ردك

طي النسيان : شكر لك كلامك الطيب أخي الكريم والاستخارة اولا باذن الله

DSC : فعلا كلامك قاله لي أكثر من واحد من ناحية انها قاسيه وغير مريحه قليلا
شكرا لك
أبوعبدالله : جزاك الله خير ووالله السيدان كانت في بالي بس مالقيت شئ يقنعني الا الأفالون لكن سعرها غالي علي شوي
والاكسبلورر سعر ومواصفات جيده جدا بالنسبة لي

والله ياخوي مادام انك عريس جديد

اسال الله ان يوفقك ويرزقك الذرية الصالحة

وش تبي بالاكسبلور خذلك سيارة سيدان احسن

صدقت في كل كلمه قلتها اخوي
وانا مجرب لهالسياره وهي ممتازه ولا عليها كلام سيارة كرف وتتحمل وفيها هدوء و ثبات خيالي سواءا في المنعطفات او على الخطوط الطويله لكن المأخذ الوحيد عليها انها غير مريحه و قاسيه شوي في المطبات وهذا مايعيب السياره
اذا كنت ناوي توكل على الله وافضل لونين هما البحري او السماوي داخلي بيج وهو لون جديد توه نازل على الاكسبلورر
والثاني الرصاصي الغامق على مااظن وداخلي بيج
واتمنى لك التوفيق:ch19:

في البداية أبارك لك مقدماً السيارة والله يعطيك من خيرها ويكفيك شرها وبصراحة الاكسبلورر اختيار ممتاز :xyxthumbs: وبالرغم إني لاأمتلك واحده مثلها (عقبالي إن شاءالله) إلا أنها أثبتت جدارتها وهذا ماتلاحظه بمجرد لفة قصيرة في الشارع وشوفها في كل مكان وأحب أنقل لك تجربة 3من أصدقائي يمتلكون نفس السيارة الأول موديل 2004 (خليجي )والثاني2007 والثالث2008(توكيلات الجزيرة) وجميعهم يمدحون السيارة وبقوة ،وكذلك الكيل ممتاز والصيانة سريعة.
واحد منهم راعي بر وتطعيس ويمدحها والثاني مشاويره بعيدة والثالث يحب السفر والكل ولله الحمد لم يشكو من مشاكل فيها فعليك أخي الاستخارة وإذا عزمت فتوكل الله وأقدم ولاتنسى التحصين من العين والحسد فالعين حق،،،، وبالتوفيق إن شاء الله

سيارة ممتازة جدا و عملية
واذا قدرت تحصل على الضمان الشامل ( مدري يشمل الاكسبلور أو لا )

لكن لا تنسى ان الشكل راح يتغير في شهر 11 من هالسنة اذا تقدر تصبر أفضل من وجهة نظري و اذا ما يهمك الشكل توكل على الله ،

اخوي الحبيب احنا معنا تاهو 2008 ماشاله مافي اي عطل بس خالي مطلع
# اكسبلورر XLT نص فل- مخمل -سيدي واحد MP3 -ارقام سريه على الباب -حساسات خلفيه# ماشاله عزم ولا احسن، مريح جدا،حق خطوط مشيبه خالي الجنوب كله (ابها والباحه وجده)افضل تاخذ اكسبلور احسن وافضل بس اقولق ليه ماتاخذ جيب مازدا cx-9 جميل وفخم وقوي احسن من الاكسبلور بكثير وسعره متقارب جدا.....................بالتوفيق والله ييسرلك الي فيه الخير :smile:

مرحبا اخوي في البداية اقول ا لف مبروك الموتر ان شاء الله

ثانيا انا احترت زيك واخيرا شريت اكسبلورر 2010 نصف فل لاني وجدت الفرق ما يستاهل والسالفه سالفة جلد و6 سيديات وفتحة بالسقف
بصراحه ماوجدتها تستاهل كل هالفرق الشي الوحيد الي اضفته اني لبست المراتب جلد
والسياره بشكل عام ممتازه جدا جدا ولله الحمد
اما بالنسبة للون فهي مسالة اذواق انا بالنسبة لي اخترت رمادي غامق ومن داخلي بيج حسب رغبة العائلة

دائم الفروق بين الفئات حسب حاجات الناس ,,,

السؤال هذا لك انت تحدده يعني انت تشوف فرق الجلد ,,الخ يستاهل 9الاف؟

لكن برائي عندي النص فل كافي خصوصاً 2010 زادو البلوتوث وازارالتحكم بالطاره

والارقام السريه.

بس دائم بالفورد مركب السياره ومطبها بين الفئات فرق باين الفل مركبه افضل ومطبه

اريح بشي ملموس ,انا ودي انك تسوق الاستاندر والفل عشان تعرف وش اقصد بالظبط.


تقبل مروري وبمان الكريم

اشكركم جميعا على ردودكم وأتمنى المجربين للسيارة ان يبدو رأيهم لكي اطمئن أكثر

اخوي جذاب اشكرك على نقل تجربة احد اصدقائك

انا ودي بالنص فل لأنه يناسب ميزانيتي وش رأيكم ؟؟؟

مواصفاته :
# بلوتوث بتقنية ان سينك من شركة مايكروسوفت

# حساسات خلفيه مخفيه

# ارقام سريه على باب السائق

# سيدي واحد ( هذا الشئ ضايقني ) لكنه ام بي ثري

# مثبت سرعه ومقاعد مخمل

سعره 100850 ريال وانا ودي باللون الفضي لكن يقولون في الوكاله النص فل2010 في اللون الفضي ما يجي الا مخمل اسود للمقاعد والطبلون اسود ايضا لكن الألوان الأخرى يجي بيج
عشان كذا ممكن يكون خياري اللون الجديد البني المحروق

الفئة الأعلى منه فرق المواصفات عن اللي قبله :
# مراتب جلد

# فتحة سقف

# ستيريو 6 سي دي ام بي ثري وزياده سماعتين في الخلف
والسعر 110000 ريال
هل تشوفون الفرق يستاهل والا آخذ النص فل أحسن واوفر 9000 ريال
على فكرة موديل 2009 المرتبة الثالثة كانت تطوى كهربائيا بزر في الخلف
موديل 2010 تطوى يدوي واشوف انه افضل عشان محد يضغط الزر ويتعبث فيه

اتمنى ردودكم لأني ناوي اشتري سيارة بأسرع ما يمكن ومتردد

ولكم جزيل الشكر

^^

صحيح أجمل الألوان على الاكسبلورر الجديد البني المحروق وكذلك الأزرق الفاتح(جنزي)

تستحق قيمتها بقوووووه


سياره عمليه ابعد من ماتتصور قليل اعطال فيها راحه ماتحصلها بالسياره اللي بفئتها

انا حاط هالسياره من ضمن خيارتي الحاليه .

لكن حجمها بالنسبه لي كبير ((عزوبي)) الشكل وهو الاهم انه راح يتغير 2011

لكن الشهاده لله السياره تستاهل قيمتها.

واذا عزمت ومايهمك الشكل فيه اللون البني المحروق((جديد)) خصوصاً ان 2010 يجي لون كامل



تقبل مروري وبمان الكريم

اذا انت راعي خطوط وسفريات بالدرجه الأولى مالك غير الكراون فكتوريا أو جراند ماركيز أو تاون كار .فهي سيارات مشهود لها في الراحه خصوصا على الخطوط الطويله.


بالنسبة للاكسبلورر سوف أنقل لك تجارب بعض الأخوه المعروفين لدي

أحدهم يمتلك اكسبلورر 2006 وماشي الى الأن تقريبا أكثر من 140 الف كيلو.

واستخدامه أسوأ من سيئ ولايعير السيارة اهتمام ولايقوم بتحميتها اضافه على ذلك اكثر من فرد في الاسره يستخدمونه

والسيارة بكل أمانه لايوجد بها أي عطل ومن أروع مايكون والسيارة تتحمل وتكرف خصوصا اذا كنت محافظ عليها .وهي من أفضل السيارات في أمريكا الى الآن

وسؤالك عن العزم فعزمها تقريبا مثل الكراون فكتوريا رغم انها 6 سلندر لكن أداؤها رائع.

اذا احببت التأكد بإمكانك طلب قيادة تجريبيه من الوكاله

والوكيل لاداعي للسؤال عنه فهو معروف بأنه من أفضل الوكلاء في السعوديه

ويمنحك على السيارة ضمان 5 سنوات أو 200 الف كيلو اضافه على صيانه مجانيه لمدة 3 سنوات.

اذا استطعت شراء الفل كامل فهو أفضل بلا شك وستشعر بالفرق.

ولكن الشكل سيتغير تقريبا السنة القادمه ..اذا كان لايعنيك هذا الأمر فتوكل على الله.


بالتوفيق