وجه السياره خربه الغبار (العج) وش الحل ؟؟؟

اخ MaZoOoN
شاكر لك الف الف شكر على المعلومات القيمه وياهلابك عضو في المنتدى

اخ قرصان الجحيم
هلابك ومشكور على التواصل
وننتظر رد الاخ max

بصراحة الفيري حتى ولو صارت البوية ابهت قليلا


افضل من لا شيء لأنه ما راح تتأثر البوية بالفيري اكثر من ما يتتأثر بعوامل التعرية


يوجد محل بالرياض لإصلاح الأنوار و هذا جيد


لكن هذا ما يمنع اخوي max2002 من انه يوصف لنا محل الدمام اللي بشارع الملك سعود


و شكراً|4|

|3|

هلا اخوي عاشق الطموح ,,,,,,,

بالنسبه لتنظيف الانوار الاماميه عند العليان او الاقصى بشارع الغرابي بالرياض

والسعر تقريبا من 200-250 ريال ,,,,,,,

اما بالنسبه لأفضل طريقه من البرقع والفيري ...فيه محل بالرياض اسمه Zipart
قريب من وكالة تويوتا ولكزس بالعليا ....... المحل هذا يسوي لك طبقه من البلاستك
هي شكلها مثل التجليده لكنها شفافه مره ماراح يكون فيه اختلاف بلون البودي طبعا يحط لك الطبقه هذي على الواجه الاماميه للسياره شامله الانوار والكشفات السفليه والمرايات الجانبيه ,,,,, وتراني مجربها والله لاتفوتك وسعرها 600 ريال واحسن من
انك كل ماجيت تسافر تحط فيري او تفصل برقع ...........
وشكرا,,,,,,,,,

شاكر للجميع ردودهم الحلوه
لكن بالنسبه للغطاء (البرقع) فهو ممتاز لكن عيبه انه اذا ما ربط بشكل صحيح وكان غير مشدود فانه يطبطب على الكبوت ومع قوة الهواء يشيل البويه .
وانا بجرب التلميع اذا نفع والا الله يعيني
وبالنسبه للانوار ما احد يعرف محل في الرياض
واذا ما احد يعرف ممكن يا اخ max2002 تعطيني اسم المحل اللي في الدمام

الصيفيه الماضيه كنت مسافر لمدينة الدمام و حطيت فيري على وجه السياره الصدام و الانوار و جزء من الكبوت لاكنني لللأسف عندما وصلت للدمام ما غسلت السياره و جلست مدة ثلاثة ايام و الفيري عليها ثم غسلتها و كانت النتيجه انه الغبار اذا جاء على السياره تشوفه متجمع بشكل واضح على المنطقه التي حطيت عليها فيري ----------> و استمرت هذه المشكله عدة اشهر لاكن مع كثرة الغسيل رجعة السياره لحالتها الطبيعيه .

افضل شي انه اذا جيت تسافر على السياره تشتري غطاء للصدام (( يسمى برقع بالعاميه )) هو افضل شي تقدر تركبه و تفكه بسهوله ..
اما الفيري فأضل شي انك تغسل السياره فور وصولك .....

جواب ناتج عن مجرب
كثرة استخدام الفيري يودي اذا بهتان لون السيارهـ
ولاكن وشهوا البديل مدري بالضبط بس في ناس تقول التشحيم
====================================== ودمتم سالمين

والله مدري بس حبيت اعلق من تجربتي رغم اننك موجه السؤال للفلته فني ممكن القناع وفي اغطيه بلاستك تمصمم للانوار

وبالنسبه للفيري مايضر السياره ان شاء الله بس بعد ما تغلق من مشوارك الطويل لازم تتخلص من الفيري بسررررررررررررررعه

حسب علمي

بصراحه انا ماعندي معلومات اقدر اضيفها وخاصه ان الفني موجود ولا يفتى والفني موجود

لكن انا استفساري هو: هل الحل الوحيد للمحافظه على وجهه السياره في السفر هو الفيري ؟ وهل الفيري ماله اي اثار جانبيه ؟ ؟

آسف على المداخله الغير مفيده ولكن هذا منتدى السيارات عودنا على الجواب الشافي لكل الشكاوي.

ودمتم

اخوي بالنسبه للصدام مالك الا الرش

امما الانوار الاماميه في محل يعمل بالليزر في الدمام شارع الملك سعوود يرجع الانوار كما كانت والسعر 200 ريال