السلام عليكم
إخواني بغيت أستفسر منكم على عدة أشياء في سيارة البيت Kia Carens
السيارة موديل 2008 ماشية 39 ألف
لكن
1. لاحظت في الفترة الأخيرة رجة عن ضغط الفرامل على سرعة قليلة أقصد التحرك في الزحمة يعني سرعة تقل عن 20 كلم/ساعة أو مثل ما نقول في الإمارات (ريس ماكينة) هذا بالإضافة إلى صوت مزعج يشبه صوت شخص يبي يتنفس ومو قادر :smilie16:
المهم خبرت الوكالة وتم حل مشكلة الرجة وباقي الصوت ما تم حله
2. نتعة في الجير عند التبديل (جير أوتوماتيك) وبالذات نقلات البداية يعني نقلة جير 2 وهذا مو دائم
3. خروج هواء ساخن من فتحات المكيف رغم إني مشغل زر عدم دخول الهواء من الخارج وهذي أيضا مب دايما تصير
4. وأهم مشكلة فيهم كلهم والمزعجة جدا جدا هي صوت يصدر من الأمام (أعتقد من الإسبرنجات والله أعلم) عند المشي على أرض غير مستوية أو مطبات وبالذات عند السرعات القليلة والصوت شبيه بشئ مفكوك أو غير مربط بإحكام :confused1:
عدا ذلك كل شئ في السيارة حلو والصراحة غيرت نظري في الكوري والحين يالس أفكر إني آخذ الموهافي أشوف الناس تمدحها :smilie16:
