((( الفورشينر ))) .. دخول ...وحوار للجميع ....؟؟

دعنا نكون منطقيين في المناقشة أي موضوع
بصرحة السيارة جميلة جداُ من الخارج والداخل
لكن فيها بعض العيوب 1 ضعف امحرك الكلامه على أربع سلنر
2- عدم الثبات خصوصاً عند تجاوز امطبات والعائق
3غيرأمنة في المنعطفات
4- لاوجد بها فتحة سقف
وسلام

ذكرت راي اخوي ارجع لردي السابق والرجل الان يفكر يبيعها دين ( اقساط ) وشكرا

مشكور على رأيك. وش راي أخوك؟

لا السياره لاخوي وجربتها اكثر من مره والسياره تحت امري :ch19: ومن حقي اني ابدي راي ومهوب شرط اني امتلك السياره وقلت رايي باختصار انه حسافه تدفع فيها 107 الف ريال

وهذي العيوب الي ظهرت قبل ما تكمل 1000 كيلو موديل 2010 VX
1/ صوت في الطبلون
2/ صوت صرصره واحتكاك في ديكورات السياره
3/ صوت طقطقه اسفل قدمين السواق والراكب الامامي
4/ الانوار الخافته اسفل المراتب تولع تلقائيا والسياره طافيه وشكلها تلفيق من ابو جميل
5/ بعض قطع الديكور قابله للخروج من مكانها والخفس وهذا ما حصل مع واحد من فرارات التحكم بتوجيه المكيف يمين ويسار دخل ( انخفس )
6/ الفرامل فيها ضعف تدعس نص الدعسه لكن تحس ان السياره ما عندها نيه توقف ما ادري هو يشملها العيب الي حاش سيارات تويوتا اليومين

القياده : هذا راي اخوي
1/ محرك قوي ونشيط واقتصادي
2/ غير مريحه والسياره تحس انها خطره عالسرعات العاليه بعد 120
3/ صوت هواء مزعج بعد سرعت 100
4/ وضعيت الدركسون غير مريحه وازار التحكم الموجوده فيه وضعيتها غبيه
5/ ديكور وتجهيزات داخليه عاديه ما تحس انك دافع 107 الف ريال

اي اسئله ثانيه انا حاضر :xyxwave:

الفورتشنر تجميعه فقط أندنوسي، وليس منتج أندنوسي. يعني ميكانيكياً ياباني 100% أباً عن جد، وسألني، يا ما فكيت فيه وشفت القطع إللي فيه، كله ياباني وكله Made in Japan. والآن رجع تايلندي على كل حال.

الشيء إللي يصنع في تايلند الطبلون والأشياء الثانوية فقط.

أوافقك في كلامك 100%
ولا إعتراض عليه
لكن سعر الفورتشنر كمنتج أندونيسي يعتبر سعر مبالغ فيه جداً

وبالنسبة للإكستيرا ففيه ردحه بالخلف تقربع عفشك لأنه سست تخليك تهون عن الموتر على حسب إفادة مالكيه
وأشوى إني ما شريته لأنه طاح من عيني

ومعرفي ليس لي منه نصيب

انا سأكون صريح وبعيد عن المجاملات بحكم اني املك فورتشنر اربعة سلندر اوتو :-

اولا :السيارة من ناحية قوة وعزم وتحمل فهي كذلك

ثانيا :من ناحية جودة الدكورات الداخلية فهي بصراحة سيئة جدا حتى اني اذا كنت بالبر وانا ماشي احس السيارة بتتفكك والابواب من داخل انواع الأصوات اما في المدينة فهدؤ تام

ثالثا: السيارة في الخط راسية (إلا إذا كان فيه هواء ) تراك بتمسك الخط وانت لاف نص الطارة بسبب رفع السيارة مما يؤدي إلى زيادة دخول الهواء اسفل السيارة فيقل التوازن
وكذلك لا تستطيع زيادة السعة عن 170 كم وهذا شئ طبيعي بسبب رفع السيارة العالي جدا

هذا الكلام من تجربة ومن مالك لسيارة فارجوا عدم الإعتراض إلا بدليل والتجربه خير برهان

ومستحيل احد يجد سيارة إلا وفيها عيوب والكامل وجه الله

ياخوي هذا موضوع نقاش عام وليس حسافة. أول شيء قبل ما ترد جاوب على الأسئلة التالية:
1. هل أنت الذي شراه، أم قريب لك (أبوك أو أخوك)؟
2. بما أنك قلت "عندنا" وليس "عندي" فهذا يعني أنه لقريب لك، نبغى رأيه هو، صاحب السيارة، وليس رأي شخص خارجي. وش رأيه فيها؟

عندنا واحد 2010 VX اخذنا 107 الف وارد ابو جميل ريال قبل شهر ما اقول الا يا حسافت الفلوس الي اندفعت فيه فرجاء لا تعطون السياره اكبر من حجمها وتوصلونها السماء

كيف الحال

مشكور وماقصرتو ... وعزالله أنة موتر ... وأتصدقون ياشباب أقل سيارة معروضة للبيع في جميع المنتديات هو الفوشينر .. كل واحد متمسك فية ...؟؟؟

ويوم شريت الفوشينر تعبت ما لقيتة في المعارض وان لقيتة سعرة مثل الوكالة ما يفرق ألا شي بسيط... صدقوني هذي هي الحقيقة .... بصراح سيارة أثبتت وجودها ( ورد على أخوي راعي الرد العنيف على الفوشينر ..... الي ما يعرف الصقر يشوية ..؟؟؟؟؟؟؟؟؟؟؟؟؟؟


والموديل القادم هل سيتغير 2011م ..... أتمنى للأفضل ... أو من يشترية أن شاء الله ..؟؟


وتحية خاصة لأصحاب الفوشينر؟

عز الله انك كفيت ووفيت اخوي تميم سدير

وفعلا اسئل المجرب بصراحه السيارة لا يعلى عليها الا في بعض العيوب وبنسبه لي اشوف ان التانكي لك عليه وغيره لا يعلى عليه طبعا ست سلندر

السلام عليكم

انا اشوف ان الموتر واحد من انسب الخيارات لسيارات الدفع الرباعي المتوسطه
لكن مشكله بعض اهل العقول الصغيره اذا احد شرا سياره لازم يحارب جميع السيارت ماعدا سيارته

والله لو تعطيه مكوك فضائي

الاسبوع الماضي شفت واحد في طعس ام دكه واعتقد كان عليه فلتر رياضي لاغير (مبين من الصوت) السياره كانت مبدعه في الطعوس وطلعت مراقي ماكانت سهله ابد انا من الناس الي ماكنت اتوقعه يكمل طلعة الطعس

خذها قاعده يالغالي اذا بتسال احد عن اي سياره لا تسأل الا الملاك فقط لاغير هم الي يعطونك مزايا وعيوب السياره من واقع تجارب (وليس قالوا لنا وسمعنا)

ما أدري ليش مستقلينه كسيارة مدينة، وش ينقصه بالله عليكم؟ مريح، رساوة معقولة جداً، ليست مثل البورش لكن معقولة، وبالتأكيد ليست لأصحاب التفحيط، دفع رباعي مستمر يسهم كثيراً في زيادة مستوى الأمان، عزل صوتي جيد في رأيي. والله أنه أنسب بمرااحل من الإكستيرا أو الهمر، بحكم أنه يايات من الخلف وليس سست، وبه سبع مقاعد بدلاً من خمس كما في الأخيرين. وتصميمه عصري وأنيق، ليس خشناً مثل الدفندر أو الهمر مثلاً، حتى تقول أنها غير ملائمة للمدينة. وانسيابيته ممتازة للخطوط، ليست مثل الإف جي كروزر والهمر تسمع صفير الهواء بسبب قلة الانسيابية. يعني وش ينقصه؟

في الحقيقة ودي أشتري 6 سلندر علشان أكرفه في البر
تخيل هايلوكس 6 سلندر!!! ورفيع!!! ودبل!!!
أحسن شي
وبعد مصندق وجاهز لزيادة حفظ للعفش والعزبه

لكن ما أقتنعت باستعماله للمدينة بتاتاً
وسعره مبالغ فيه حبتين

هذا رأيي والحوار للجميع

أي مشاكل في الفرامل ياخوي؟ ما فيه أي مشكلة في الفرامل وأنا عندي الفرامل يعيش ممكن إلى 40 ألف أو 50 ألف كيلو بدون ما أغيره. لا توجد أي مشكلة في الفرامل ولا في دواسة البنزين، من ويييين جايبين هذا الكلام يا اخوان؟

الصراحه موتر ممتاز لكن حس انه ما يصلح الا للبر

رفيع ويعجبك ...:wink:

تقبل شكر وتقدير اخوكم { mr.nawaf }

طيب الفورتشنر فاشل..ممكن تقولي وش اللي مو فاشل .. :confused1:؟؟

ياخي لولا اختلاف الاذواق لبارت السلع..بس تجي وتعيب وتقول (فاشل) لشي غيرك يملكه..وفي نفس المكان..يعني احسها قوية شوي..ومالها داعي..


:> وشكرن

f i n e

اللحين الرجال متعب عمرهـ .. وتجي تقول ( أفشل ) !!؟

ياخي بعض الناس على بالهم جالسين في أستراحتهم ، ويسولف

ياخوي اذا الموتر ما عجبك ، تقدر تقول : ماعجبني علشان كيت وكيت وكيت .. مو تقول ( فااااااااشل ) !! .. لا تعليييييييق .

بالنسبة لي الصراحه السياره عمليه ، وممتازهـ .. وعزمها بالنفوذ والطرقات السريعه أكبر من حجمهاا .. وأنا اشوف ان ايجابياتها تغطي على سلبياتها .. واللي اهمها : عدم الرساوه بعد الـ 140 .. بذات بالخطوط اللي تتعرض لعواصف رمليه ..

ومشكوووووووور أخوي صاحب الموضوع ، على الطرح الجميل

ومشاكل في الفرامل