السلام عليكم
بدون مقدمات ندخل في صلب الموضوع :tongue: <<<< مستعجل
المشكلة يا جماعة الخير ببساطة هي صوت طقة من جهة العجل الأمامي الأيسر (جهة السائق) تحس كأن شئ فيه جديد يخبط في شئ ثاني بس صوت خفيف جدا لكن أزعجني
والصوت هذا يظهر على بعض المطبات وبعض الشوارع لمن يكون الشارع غير مستوي
وأحيانا يظهر عند لف السكان بس مو كثير يعني نادرا
وأكثر شئ هالصوت يكون بعد غسيل السيارة ما أدري ليش :confused1:
لدرجة إن كل ما التاير يدور تسمع طق طق طق
كلمت الوكالة لكن لسوء الحظ هالصوت مثل الجني أحيانا يظهر وبشدة وأحيانا ولا تسمعله صوت
وكل مرة أوديها لهم تنحل المشكلة وبعد 3 أيام بالظبط يرجع الصوت مرة ثانية والمشكلة إنهم كل مرة يقولون السيارة تمام وما فيها شئ
لو فيه أحد عنده خبرة بالمشكلة أو مرت عليه ياريت يفيدنا
