الجمعة 5 يونيو 2026
عاجل

**جيتكم بأسعار قطع غيار التيما >>2005<< عطوني رايكم بالاسعار**

نادي السيارات اليابانية
21 رد 26,864 مشاهدة 15 مشارك الأقدم أولاً
a
altima@v6 @user_214057 · 08-03-2010
السلام عليكم ورحمة اللة وبركاتة ..,

سيارتي ((التيما v6)) تعدت 100 الف كيلو متر

وقلت خليني اروح افحصها


رحت الى وكالة نيسان في ينبع

وفحصت سيارتي

بعطيكم (العطل) و(سعر القطعة) وسعر (شغل اليد)
*
[COLOR=Red]*

*
تهريب في زيت الدركسون<<يحتاج طرمبة دركسون 1599 ريال + شغل اليد 300 ريال
+
زيت الدركسون 50ريال
***
تغير زيت الجربكس + فلتر + وجة 398 ريال +شغل اليد 450 ريال
***
بواجي الحبة 65 ريال ضرب 6 = 390 ريال
يحتاج فك (الثلاجة او شي زي كذا) الان البواجي تحتها
+
فلتر هواء 139 ريال
+
شغل يد 250 ريال
***
قماش امامي 300 ريال
+
قماش خلفي 240 ريال
+
شغل يد 150 ريال
+
خراطة 4 هوبات امامي + خلفي 160 ريال
***
تغيير سيور
سير الكمبرسور 79 ريال
السير الثاني 85 ريال
+
شغل يد 100 ريال
***
جلدة عكس امامي يمين داخلية 179 ريال
((تهريب زيت الدركسون عدمها))
+
شغل يد 150 ريال
***
انا عارف اني طولتها وزوتها معاكم بس اتمنى كل واحد يحط رايه
لاني ماسويت شي في السيارة الى (الان)

..لاتبخلون على اخوكم..

$$..اسعار للفائدة..
[/COLOR]$$
[COLOR=DarkGreen]فلتر مكيف 83 ريال
مياة رديتر 79 ريال
***
[SIZE=6][COLOR=DarkRed]الله يرفع قدركم في الدنيا والاخرة
[COLOR=Red]***

[/COLOR]
[/COLOR]




[/SIZE][/COLOR]
l
ls_2001 @user_168701 · 11-03-2010
^^^^^^^^^^^^^^^^^^^^^^^^^^^^

حياك .التيما. والحمد لله ,, فكيت نفسك من خساير كثير ,, خاصه العلبه,,,

المهم بالنسبه لتساؤلك الاول ما ادري عن الاتيما,,,

اما بالنسبه لغسيل السياره اذا معدومه غسلها بستم بمويه بس واذا خلص الغسيل خله يرش زيت ببطن السياره... ولا تحط لا ديزل ولا قاز,,,

بالتوفيق
a
altima@v6 @user_214057 صاحب الموضوع · 11-03-2010
طيب شباب الحين ودي اغير جلدة العكس
لانها انعدمت من تهريب زيت الدركسون
اذا احد يعرف ورشة بجدة شغلها تمام
*
*

في شغلة ثانية السيارة معدومة من تحت كلها زيوت
وشتنصحوني اغسلها بديزل ولا في طريقة ثانية ..
*
*
[SIZE=4]الله لا يحرمكم الاجر

[/SIZE]
a
altima@v6 @user_214057 صاحب الموضوع · 10-03-2010
احب اقولكم اني رحت جدة ورحت للوكالة
ولقيت الاسعار قبل الخصم
حيث ان الوكالة في ينبع تعطي الاسعار بدون خصم (الله لا...:mad1:)


مثلا لقيت سعر الطرمبة بـ 1599 بعد الخصم 1200
اقمشة امامي قبل الخصم 300 بعد 260
بواجي عليها عرض الحبة 42 ريال


بعد كذا كلمتهم على اصلاح طرمبة الدركسون
وقالي انة الوكالة ماتسوي اصلاح الحل الي عندها استبدال الطرمبة


بعد كذا دلني على واحد في الصناعية والحمد لله صلحتها ب 400 ريال سوالها اصلاح
دخلتها عنده الساعة 6 العصر واختها من عنده بعد العشاء


وشترية الاقمشة ب260 + فلتر هواء 95
الاقمشة شغل يد كلفت 25 ريال
الفلتر سويتة بنفسي لانة بسيط
&&&
صراح كان لكم الفضل الكبير بعد الله عز وجل في ارشادي الى افضل حل فالشكر الى اعضاء المنتدى
a
altima@v6 @user_214057 صاحب الموضوع · 10-03-2010
يعطيكم الف عافية
CaMrY2@@2 معاذ الأحمدي ابن صقيه step by step fhad2007 N.E.R.Eأبو معاذ 2006 ls_2001 speeed1 عـاشـق تـويوتـا راعي الآزيراmsosaski1مكسيما181

اشكركم على التفاعل
(
(fawaz) @user_107618 · 10-03-2010
احس ان الاسعار قبل الخصم
m
mso @user_92904 · 10-03-2010
الخرابات كويسه على انها ماشيه 100 الف

يعني منطقية اغلب الاشياء استهلاكيه
s
speeed1 @user_47102 · 10-03-2010
المفروض يطوك خصم بحدود 30%
رحت قبل فترة عندهم واعطوني تقريبا نفس الاسعار خاصة البواجي مع ان سياراتي ماكسيما
اعطوني تسعيرة مبدئة و قال لي الموظف ممكن نعطيك خصم بهذه النسبة
بس برضوا الموزعين السعر ارخض
مثلا البواجي اصلي برة من190-220ريال والوكالة 390 وكله اصلي
f
fhad2007 @user_69277 · 10-03-2010
الطرمبه بـ 1600 !!!! ترى انا ما اعرف اسعارقطع السيارات الاخرى
بس يبدوا لي سعرها مبااااالغ فيه . . . ولا ؟

طيب كان دورت في التشليح ؟ بتلاقي اكيد بنص القيمه واقل اكيد

بعذروهم يقولون الالتيما الاليما .... اليمه من جد
s
saski1 @user_213341 · 10-03-2010
أعطيك نصيحة يا اخوي
إذا تبغ تصلح سيارتك خذا القطعة من الوكالة
وصلحها برا عند أيو احد تعرفه ممتاز في تركيب القطع
ف
فــيــصــل @user_79687 · 10-03-2010
‏^‏‏^‏‏^‏

صحيح أنا مجرب ابن شبيب واشهد لهم بالأمانة وعدم الغش مع الرخص الواضح في أسعار القطع عندهم

بالنسبة لفحمات الألتيما فأنا اشتريها من الوكالة ب ‏220 ريال للفحمات الأمامية
وب ‏180‏ للفحمات الخلفية

وقدصلحت دودة الدركسيون مع قطع غيار أصلية من الوكالة ب ‏450‏ ريال فقط

الزبدة من الموضوع لا تشتغل عند الوكالة ودور لك ورشة ممتازة

واشتر قطع الغيار من موزع معتمد للحمراني أوفر لك
s
step by step @user_212210 · 10-03-2010
أنا أنصحك تشتري القطع من الموزعين لانه ارخص ونفس الجوده
وهذا رقم ارخص موزع قطع غيار نيسان بالرياض في صناعية الدائري
012704829 إسمه إبن شبيب
وترى العامل إسمه ماهر حبيب ونصوح ويدلك على ورش ممتازه
جرب وراح تدعيلي وبالتوفيق
م
معاذ الأحمدي @user_99232 · 09-03-2010
^^^

لاهنت قول بكم سعر الاقمشه من عند الموزع
أ
أبو معاذ 2006 @user_68217 · 09-03-2010
أخوي أنا أغير القماشات برا الوكالة ومن أفضل ما يكون أشتريها من الموزعين توفر على نفسك كثير وهي نفسها أصلية من الوكالة تغيير موية الاديتر اشتر موية فوكس تلقى الجالون ب35 تقريبا وأنا أغير الموية كل سنه ونصيحة كل ما تغير الفحمات او القماشات سو لها خرط عشان تعيش معك اطول فترة ممكنه أنا آخر مرة رحت الوكالة كانت صيانة عشرين الف ومن بعدها قلت حرام علي مرة ثانية أصلح شيء عندهم تخيل صيانه عادية 1700 ريال خير ان شاء الله
و الحمد لله سيارتي ما فيها مشاكل بس من زمان اسمع طقه في الدركسون ولا رحت افحص مدري وش المشكلة لكنها طقه خفيفه مره بالكاد احس بها
سيارتي ماشيه مية وعشرين وموديلها 2006 نصيحة ابعد عن الوكالة و الله ما فيه فرق بينهم وبين الورش فيه ورش على مستوى ابحث عنها بلا وكالة بلا هم ودايم قطع الغيار ابحث عنها عند الموزعين تلاقي الفرق مئة ريال بالناقص أو أكثر بعد تخيل شبك سيارتي الامامي في الوكالة 594 ريال وحصلت عن الموزع ب 400 ريال طبعا الأصلي
l
ls_2001 @user_168701 · 09-03-2010
الله يعينك ,,,,,,

فيها غلا والله ,, واستغربت من بعض الاسعار ,, وان كانت درجه اولى ...

اخوي عندي لك نصيحه بخصوص طرمبة زيت الطاره .. لا تغيرها ,,, لانها تتوضب ,, وترجع تمام

بعض الورش يستغل هذا الشي ويقول خربانه ,,, وتغيرها بمبلغ وقدره ,, وفي الاخير ياخذها هو ويوضبها ,, ويجدد صوفها ويستفيد منها...

وتوضيبها ما ياخذ اكر من 200 ريال مع الصووف,,

سلام عليكم
ع
عـاشـق تـويوتـا @user_26100 · 09-03-2010
شف اخي الكريم اذا تبي نصيحتي فـ هي كالتالي

اول شي طربمة الدركسون غيرها في الوكاله ((مشكلة شائعه في الالتيما))

وعشان برضو يضمنون لك الشغل لو حصل شي بعدها ...


اما بالنسبه لـ باقية الاشياء لاتغيرها في الوكاله ابد ابد

والبواجي اخوي اذا كنت محتفظ بـ دليل المالك فـ يليت تتأكد من مدة تغييرها

لان بواجي الالتيما على مااعتقد مطليه بـ البلاتين فـ مدة تطول

وهي مخصصه لـ السيارات الرياضيه ..لان زي ماتشوف سعرها غالي

لأن يمكن تكون مدتها اكثر من 100 الف فـ ماله داعي تضيع فلوسك

واذا كان عمرها 100 الف غيرها برا الوكاله زي ماقلت لك بس ورشه كويسه

وموضوع الهوبات اذا كنت ماقد خرطت من قبل والفحمات لسى ماوصلت للحديد

فـ نصيحه لاتخرط ماله دااعي ...

وموية الاديتر انتبه انتبه تحط الخضرا الي في البناشر...

لان شغلتها الاساسيه تنظيف مو تبريد

وانصحك تحط موية رديتر كاسترول او اي سي ديلكو الي تكون مخلوطه وجاهزه 50/50

ولتقى مكتوب عليها من ورا جاهزه للاستخدام

وسعرها 40 ريال ((4 لتر)) ..ويمكن الاتيما سعتها 5 الى 6 لتر تأكد من دليل المالك

لان يكون فيها ماده تمنع غليانها وفي نفس الوقت يكون فيها نسبة زيت قليل

بحيث تسهل عمل طرمبة المويه ...وتغيير موية الرديتر بالكامل سهل

لانك بتلقى سدادة تصريف تحت السياره سهله تفكها بيدك وتلقى تعليمات التغيير في دليل المالك


واخر الكلام حاول انك تاخذ القطع من موزع معتمد لانها تطلع عليك بـ ارخص وهي نفسها


واذا فيه اي استفسار انا حاضر...







N
N.E.R.E @user_208276 · 09-03-2010
النيسان أسعاره معروفه

شبه غالية نوعا ما

لكن أشوف شغل اليد زاد عن حده :bigggrin:

1400 ريال :a1120(82):

و الله يعينك و الألتيما v6 2005 فل ( حقت أخويا ) ما تدري فيها مشاكل غريبه ! عكس الجديد منها >> وبالأخس الليديتر كل ساعه و التاني ينفجر ! >> أتوقع من المطارحات الكثيره :bigggrin:

والله يعيين الجميع

تحياتي
م
معاذ الأحمدي @user_99232 · 09-03-2010
اذا هذي اسعار الوكاله والقطع جميعها اصلي درجه اولى اشوف انها كويسه

اخر مره اخذت للكامري حقت اخوي 2004 اقمشه خلفيه الواحد 170 ( تجاااري ) ابو كم شهر وتغيره

يعني اللي بيقارن هذي القطع يقارنها بالاصلي لسيارات الثانيه واسعار وكالاتها

مشكور على الموضوع
a
altima@v6 @user_214057 صاحب الموضوع · 08-03-2010
يعطيكم العافية شباب

بس حبيت اضيف انة جميع القطع اصلي درجة اولى على كلامهم ..

مع انة يتوفر قطع غيار تجاري (غير اصلي)

لاحظ فلتر الهواء الاصلي 139 ريال والتجاري أتذكر اخذتة تقريبا 30 او 40 ريال من عند البنشري

منتظركم..
ر
راعي الآزيرا @user_121068 · 08-03-2010
نار أسعار النيسان والله
سجّل دخول للرد...