((( مشكلة بقير الكابريس 88)))

ان شاء الله تنتهي المشكلة وبلغنا بالي يصير معاك ... بالتوفيق

هلا وغلا قديمك نديمك

سويت اللي قلت لي عليه ... بس ماحسيت بفرق

مالي الا اغير الفلتر والزيت واشوف ..

بالنسبة لزيت اي سي ديلكو انا مو مقتنع فيه ...

وشكلي بجرب موبيل اللي قلتو عنه ..

وربكم يفرجها ..

ماقصرتو ... بقولكم وش يصر معي بعد تغيير الفلتر

الله يجزاك خير انا مجرب زيت اي سي دلكو مايصلح بالمره ومجرب زيت الفورد مشي زي العسل لكنه ماطول معاي كم شهر ورجعت المشكلة معاي في الابيكا2004 لكن ماعندي علم بالسيارات القديمة كيف ... بالنسبة لي اخر شي طفشت من الصناعية يخربون السيارات ورحت مركز ريدكاب وغيرت من عندهم اسعارهم غالية لكن ناس تفهم خذو 120 ريال شغل يد تغيير الزيت ونصحوني بزيت موبيل للقير الاتوماتيك متوفر عندهم فقط وسعر العلبة 18 ريال وعندهم بيع زيوت انواع اخرى تقدر تشتري الزيت وتغيره خارج المركز ... والان صارلي اكثر من سنه القير زي الحلاوة

ها ياكادي ايش صار معاك لايكون راح عليك الجربكس هههههه>>>> شكلي بنجلد

18 والله غاليه ماتوقعته كذاا حق الفورد أرخص انا اعبي للكابرس تبع فورد ممتاز وحلو أهم شي يكون للقير الاوتوماتيكي واذا كان يختلف من زيت لزيت ياليت تفيدني يأمير البحار واضح أنك خبير أكثر مني

شغل السويش قبل ماتشغل السياره ادعس البنزين 3 دعسات وشغل هذا الي انا اعرفه ولايحتاج تحمي او اي شي

لكن الي انا اتوقعه لانك تقول القير تمام باليل معناه انه القير عندك مع ارتفاع الحراره يلخبط والحل اتوقع تتاكد اولا ان الزيت ليس زائد عن حده وثانيا تغير الزيت مع الفلتر والزيت الي استخدمته اي سي دلكو زيت ضعيف وخفيف جدا ويسخن بسرعه استعمل زيت GM او زيت موبيل للقير تحصله في مركز ريدكاب واسعارها 18 ريال للعلبه .. بالتوفيق

يعطيك العافية بجرب وبعطيك خبر

ماقصرت ان شاء الله يفيد معه هالشيء

حبيبي خذ العلم اللي يجمد ع الشارب
هذي المشكله صارت لي بالكابريس من أول ماوضبه بثلاث شهور
الجربكس عندك مافيه أي شي
ماشاء الله تبارك الله
بص بئولك حاقه
قبل لاتشغل السياره ادعس بدعسه البنزين سبع دعسات المهم وشغل وتوكل (حم الموتر زين خمس دقايق )
المهم زر بالموتر وشد عليه مشه ميه وأربعين وبعدها رجعه ع الميه وعشرين
ادعس ع الابنص وخله يبدل بالنمره ثلاثه وأرفع رجلك
وزد السرعه شوي وأدعس الابنص لأخر شي خله يبدل ثلاثه كررها ثلاث إلي أربع مرات رحت للميكانيكي وقالي عشان السلك أوي شي زي كذا حق النمره الثاله مو ممرن زين ولازم تزر عليه عشان يزبط وبكذا أودعك إنك راح تنتهي من المشكله إن شاء الله
مع السلامه
رد على بدري أخوي وطمني وش صار لك

تأكد أول شئ من انمبير الحرارة

دامـه مزاجي هذا الكابريس معك

في الليل على موال والنهار على موال

شكلها الحراره

وشكل الامبير حق الحراره خربان عندك

علشان كذا في النهار يتأثر القير من الحراره وفي الليل البروده يطلع القير تمام التمام


والاخوان اللي عندهم خبره ان شاء الله يفيدوك


تقبل مروري

القير مايفضي عندي واذا عشق بعد الثالثة تعشيقاته كلها تمام
بس المشكلة بالتأخير بالنمرة الثالثة
من N الى D على طول يعشق تمام التمام تمشي السيارة عالريس لوحدها لو تركت البريك


يعطيك العافية اخوي وننتظر باقي الاخوان يفيدونا