افضل وكيل بالسعوديه هونداي ؟؟ مين ؟؟ شركنا برايك ((سوناتا 2011))

والله ياخوي اذا عندك استعداد تنتضر شهرين صدقني وانا متأكد من كلامي بتلاقيها ارخص بكثير من السعر اللي اخذته غير كذا بتلاقي مواصفات اكثر من اللي شفتها لانه سعرها مره مرتفع والسبب قلة الكميه اللي دخلت السعوديه وفيه كميات كبيره جايه خلال الايام الجايه يعني بتلاقيها ارخص بكثير من السعر الحالي وانت شوف اللي يناسبك اذا عندك سياره بديله اشور عليك بالانتظار

اكثر شي قاهرني انها كثيره في المعارض مستعمله ما ادري وش السبب هل هو عيب في السياره ولا وش السالفه بجد كثير معروضه في معارض الشفاء شفت اكثر من خمس سيارات

الله يعافيك وشكرا على الكلمات المعبرة

يعطيك لعافيه يالغالي

صحيح كلامك يالغالي انا شفت الربل بس هل يعد هذا الامر عيب

وانا على فكره يالغالي عربنت عند الناغي 5000 ريال حجز سياره

وعطوني ورقة حجز سياره سوناتا سقف بنوراما هذا ماكوتب بالورقه
واذا تشور علي بشي ياليت تخبرني

واكون لك من الشاكرين

هلا فيك اخوي
بالنسبه للسقف البنوراما مجرى خارجي مغطى بربل قابل للاتساخ والغبار ومع مرور الزمن يتلف الربل بس اللكزس الغو المجرى الخارجي وصار مخفي
لما قلت لك شوفها على الطبيعه لانك راح تلمس الربل بيدك وتشوف صحة كلامي لانه ربل خفيف واتوقع لو تضغط عليه بقوه طلع في يدك
طبعاً انا قلت وجهة نظر لان كل اللي شاف الربل ولمسه بيده اقتنع انه سيي
اتمنى اكون وضحت لك واي استفسار انا جاهز

يعطيك العافيه يالغالي

بس ممكن توضيح للي بالاحمر

العسران الاكسنت حقتك الريموت هدية ولا زيادة
سعر

,,,,,,,,,,,,,,,,,,,,,,,,,المجدوعي ,,,,,,,,,,,,,,,,,

أخوي ماذكرته من أسعار تخص المستهلك وليس الوكيل وثق تماماً أن مكسب الوكيل بين 15 إلى 20ألف ريال وذلك بسبب الشراء بكميات كبيرة مما يزيد هامش الربح

انا انصحك بالوعلان خالي اخذ جنسيس نص فل ومرة زينة وماقد خربت وممتازة

السلام عليكم
انا ولله ما سجلت في الموقع الا بعد ماشفت كلامكم واستفساراتكم وحبيت افيدكم لاني بصراحه ابي اشتري سوناتا 2011 وتعبت كثير فيها من كثر الدوران في المعارض طبعاً معارض الرياض الشفاء والنسيم والوكاله الوعلان

بس اللي عرفته من كثر ما درت وسالت صدقوني ما احد يقدر يقول لك المواصفات الا على الطبيعه لانهم بنفسهم ما يدرون عنها كلام اوراق بس وصدقوني السياره بتنزل قيمتها بعد ما نزل المجدوعي هذي المواصفات :.بدون بانوراما ABS و ESP ، مثبت سرعة ، تعشيق القير من الدركسون F1 ، صفط المرايا ، مسجل سي دي واحد مع جنوط 17 مع تكييف خلفي والسياره موجوده في معارض الشفاء بقيمة 73الف ريال اللون اللؤلؤي وباقي الالوان 71500 حسب الطلب لان اللؤلؤي مرغوب اكثر

سقف البنوراما فيه مشكله مثل البنوراما مرسيدس 2006 واللكزس عدلته طبعاً السبب هو انه لها مجرا يتسكر من الغبار والتراب والمويه لكن اللكزس بدون مجرا يمكن اكون ما وصلت المعلومه بس شوفوها على الطبيعه وتفهموني طبعاً وجهت نضر من الكثير

طبعاَ باقي المواصفات بالنسبه لانفسي ما احتاجها مثل تسخين المراتب والجلد وتشغيل البصمه والنيكل حق الشبك وجنط 18 لانه قاسي في المطبات والارباق اعتبرها ثانويه صح انها من الفخامه بس يزيد سعرها وانا ما استخدمها

في الاخير بعد ما شفت كثر الموصفات وتلاعب الاسعار اخذتها من معارض الشفاء بـ 73 الف مثل المواصفات اللي قلت لكم حقت المجدوعي وبركب لها شاشة نفيقيتر وكمره بـ2000 من العليان وراح تصير احلى من الفل كامل لان الفل كامل بدون شاشة

الحين صار سعرها تقريبا ً 74600 في المجدوعي فرع الكورنيش
بس اللي بيشتري يصبر حتى تاريخ 1/5/2010م وبتشوفونها ماليه السوق وبالسعر اللي تبي لان بعد مواصفات المجدوعي راح يعدل الوعلان في مواصفاته

اسف جداً على الاطاله بس ولله من القهر تلاعب في المواصفات كل وكيل له مواصفات
اللي يبي نفس مواصفاتي المجدوعي مع سقف بنوراما قيمتها 84 وموجوده في معارض الشفاء

الفئة الي بـ 85000 ألف تعتبر كاملة المواصفات : بانوراما زينون مسجل 6 سيديات F1 مثبت سرعة ABS شبك نيكل .... الخ

عدا المراتب فهي مخمل

يالغالين

والله زادت حيرتي الحين كل الوكلاء السياره مو موجوده عندهم
ويقلون انتظر الى حدود 25 يوم

وابي احجز بس مو داري احجز عند مين واناكل الي معي حدود 82 الف ريال

واليوم كلمت واحد في الوعلان
وقالي بعد20 يوم نص فل سقف بنوراما وفتحة سقف و انوار زنون ودركسون F1 ومثبت سرعه 85 الف ريال وبعد 20 يوم

وكلمت المجدوعي
وقالي نص فل سقف بنوراما وفتحة سقف و انوار زنون ودركسون F1 ومثبت سرعه 80 الف ريال وبعد 15 يوم تقريبا

اما الناغي فهم قالولي 79 الف ريال نفس الموصفات


والى الحين ماقدرت اقرر من اي وكيل اشتري السياره

وتكفون ابي شوركم

الكلام اللي فوق باللون الأحمر لو انه صحيح كان ولا وكيل باع سيارة وحده
المجدوعي في الدرجة النص فل و هي مستويين بفتحة و بدون فتحة
و كلها بدون ABS و بدون ESP

و اسعارهم

بالفتحة 78800 ألف ريال

بدون فتحة 75600 جنط 17

بدون فتحة 74600 جنط 16

اللي باللون الاحمر غير متوفرة بـ 79 الف ريال

ولكن سمعت انها في الدفعة الجاية بعد شهر فيه بـ 85 الف فيها كل اللي تبي بس مخمل


وباقي الوكلاء يفيدونك غيري

وعليكم السلام
اشكرك من كل قلبي على التوضيح ويشرفني مشورتك

والله افكر فيه بس المسافه بيني وبين المجدوعي كبيره بس اذا افضل مو مهم

كانت ناوي اعربن من شوي عند الناغي بس متردد


لو بالقى عندهم نفس المواصفات هذي + سقف بنوراما +فتحة سقف و انوار زنون


يالغالي ممكن توضحلي موصفات هذي الفئه
واكون لك من الشاكرين