استفسار يا اهل السكودا

شكرا لكل من شارك في هذا الموضوع


واسف على التأخر في الرد


تخبرون الاجازة اسبوع :bigggrin:

وعليكم السلام ورحمة الله وبركاته

اهلين اخوي ابو نصره يمكن ردي متأخر لكن ممكن افيدك لآني استخدمة السياره لمدة سبع سنوات بحلوها ومرها

اول شي السياره قمه في الروعه كادآء وثبات وقوه وتحمل لكن الوكيل سيء للغايه

قطع الغيار الاستهلاكية القماشات والهوبات مثلا بكم تتبدل ؟؟

تبديلها رخيص اهم شي تطيح على فلبيني لأنهم ماشاء الله عليهم شاطرين وشغلهم نظيف وممكن تلاقي من بعض الجنسيات الاخرى يعرفون لها

فيها عيوب أو اعطال متكرره ؟؟

المشكله الاولى السكه حقت النوافذ بين فتره وفتره بتطيح عليك واحده من النوافذ والوقايه من سقوطها عدم الاتكآء علي النوافذ وعدم تكرار فتحها

المشكله الثانيه ممكن بتعاني برتفاع في الحراره انا كنت اعاني من ارتفاع الحراره

المشكله الثالثه ممكن بتعاني من تنسيم الفريون

المشكله الرابعه مراوح التبريد تبهدلت معاهم


كيف العزم وافضل المحركات على السيارتين ؟؟

اكذب عليك اذا ماقلت ودي اشتري السوبيرب الجديده بس الوكيل آخ من الوكيل

اكيد قوة محرك السوبيرب اقوى من الاوكتافيا

السعر المتوقع لآخر ثلاث موديلات مستعملة ؟؟

بصراحه ماعندي خبر لكن انت عارف ان الاوربي مايمسك سعره عندنا بالسعوديه إلا بعض الانواع من السيارات

التنسيم والعزل كيفها مع السيارة ؟؟؟؟

العزل بالسياره كويس بس يختلف من سياره لسياره يعني الاوكتافيا بحكم انها 4 سلندر واذا كان بعد موديها قديم شوي يعني بتسمع صوت الهواء لآني سمعت ان الموديلات الجديده فيها نظام عازل للصوت

لازم احميها قبل لا امشي؟؟؟

اذا ودك تحافظ عليها ايه لازم تحميها واكره شي فيها انها تطول وخاصه في الشتاء تبهدلني:a1120(82):


من ناحية الخطوط انا اهلكتها بالخطوط السياره قووويه

انصحك انك تاخذ البنزين افضل من الديزل واقوي منها اذا خايف علي الصرفية البنزين انا سيارتي قير عادي وبنزين ويجلس معي اسبوع

واي استفسار اخوك موجود

ولك اسمي تحياتي

عبود الله يعطيك العافية منتظرين مشاركتك


عناق الارض الله يعطيك العافية ويبارك لك فيها

السيارة جديدة وانا اسال عن العيوب

أخي الكريم أنظر الرابط التالي عسى أن تكون فيه الفائدة

http://www.assayyarat.com/forums/thread203433.html

والله انا آسف ما عندي عن هذا المعلومه ولا شي

ايييييييييييييه

نسيت وشلون المكيف ؟؟

الله يعطيك العافية يا عمر

من واقع تجربة اقاربي لاربع سيارات سكودا مختلفة بجاوبك من اللي اسمعه منهم والله اعلم ..

1 قطع الغيار الاستهلاكية القماشات والهوبات مثلا بكم تتبدل ؟؟

اللي اعرفه انها مهيب رخيصة بس انها موب مشكلة كبيرة ..
قطع غيار سكودا اغلبها تجي على غلافها علامات شركات ثانية مثل سيات وفولكس واجن و اودي .. لان هذي الشركات كلها تابعة لشركة فوكس واجن ويتشاركون بالقطع .. فاسعارها نفس اسعار الفولكس ..

2 فيها عيوب أو اعطال متكرره ؟؟

البنزين ما عانوا منها واعطالها عادية ..
الديزل تبهدل فيها الين بدلها ببنزين .. والسبب مهوب سوء بالسيارة بس يقولون الديزل اللي ينباع بالسعودية مهوب مخصص لسيارات اداء عالي ..

3 كيف العزم وافضل المحركات على السيارتين ؟؟

على حسب المحرك .. محركات البنزين اغلبها تجي تربو ..
شوف قوة الاحصنة وقرر ..

4 السعر المتوقع لآخر ثلاث موديلات مستعملة ؟؟

ما عندي خبرة باسعارها مستعمل ..

5 التنسيم والعزل كيفها مع السيارة

السيارة فخمة جدا ومريحة وهادئة .. واللي اشوفه ان السوبيرب افضل بمراحل من اختها الفولكس واجن باسات بالجودة من داخل ..

6 لازم احميها قبل لا امشي >>>>> عقدتي

اذا هي ديزل طبعا .. تحميها لين تطلع روحك .. بس البنزين عادي ماسمعت عنها شي ..

خلال الفترة السنة الجاية راح امسك خطوط اسبوعيا 450 رايح ومثلها جاي مره أو مرتين بالاسبوع

هي موتر راسي جدا جدا ومريح بالخطوط ..


كيف السيارة في الخطوط ؟ وش احسن الاوكتافيا ولا السوبيرب ؟

السوبيرب اكبر وافخم من الاوكتافيا .. بس بالجودة كلهم خوات .. وسكودا حالها حال الشركات الاوروبية كلها فيها ترابط عائلي بالجودة ..
يعني بتويوتا ونيسان وجي ام وفورد تشوف مثلا الكورولا غير عن الكامري
وتشوف الصني كوري والالتيما امريكي وكل موتر يختلف عن الثاني بالجودة
وتشوف فرق بين المونديو اوروبي والكراون فيكتوريا امريكي قديم متخلف ..

بس بالسكودا ابدا بس الفرق بالاكسسوارات والشكل والحجم .. اما الباقي نفس الشي .. يعني انت تشوف الانسب لك ولاحتياجاتك

جابك الله

انا ابشتري مستعمل

علشانه رخيص

كيف السيارة في الخطوط ؟ وش احسن الاوكتافيا ولا السوبيرب ؟

تنصحني فيها بشكل عام ؟؟

وانت وش شفت من عيوبها علشان تشتكي من الوكيل لاني ما راح اطب الوكالة خير شر

استعمالي راااكد لا تفحيط ولا قومات من البيت للدوام

ووش احسن الديزل ولا البنزين والله عندي اسئلة بس نسيتها