فولفو 2010

اول شي السلام عليكم

والله يخوي انصحك بفولفو بقوة من واقع تجربتي لها والى الان معي سيارة بطريق مريحة واربقات مشاءلله بكل مكان تقول داخل بلونة الله ليضرهى سياراة بتريحك با
ن الله بس مشكلتها الوحيدة قطع الغيار نار بس اذا كانت بتحمك بعد الله فحياتك اغلى من كل شي

الي معي S60 موديلها 2005

:a1120(121):

توكل والله الفولفو سيارات عملية وقوية............وطبعاا هي التوب في اوروبا بعد [EMAIL="الالماني................................................ّّّّّ@@%"]الالماني................................................ّّّّّ@@%[/EMAIL]^*

فولفو رقم واحد بالامان كما يقال

لكن صعب الوصول لها !!!

مششششششكووور اخووي عمر ونا ترااي اعشق الفلفو بشكل كبيير :bigggrin:

الاخ عمر ما قصر كفى ووفى :xyxthumbs:

السلام عليكم
اول شي مشــــــــاء الله عليك خبير فولفو عنجد يعني لقب مافي احد يقدر ينازعك علية.
ثانياً ياريت الرجال طالب من ربه شي مليون ريال كان الله سيتجاب دعائه هلى طول :xyxthumbs:.

تقبل تحياتي

ماشاء الله عمر كفى و وفى و ما اقدر ازيد عليه بس حبيت ازيد حاجه يا عمر نسيت الموديل C30 الهاتشباك بصراحه صورها في النت مو قد كدا لكن في الحقيقه السياره شكلها ابداع و اعتقد ان الشكل الجديد منها راح يجي السنه الجايه

السلام عليكم .. ابجاوبك باللي اعرفه والله اعلم ..

الوكالة:
تم انهاء خدمات شركة الزاهد ((فكة الله لا يرده)) والوكيل الجديد هو الشركة الاماراتية الكبيرة جدا بمجال السيارات ومجالات اخرى كثيرة وهي شركة الفطيم ..
الموقع الحالي للفطيم هي نفس وكالة تشيري على طريق الدمام - الخبر مقابل الخبر مول تقريبا ..
الفطيم الان يبيع سيارات مستعملة فقط وكلها استعمال اماراتي ..
آخر مرة رحت لهم قبل اسبوعين وقالوا لي الافتتاح خلال شهر ابريل او بداية مايو وقالوا لي انهم بيرسلون لي دعوة للافتتاح بس لحد الحين ما اتصلوا علي ..
موقع الوكالة الجديد راح يكون جنب وكالة تشيري تقريبا ..
الورشة راح تفتح شهر 6 ميلادي حسب كلام الموظف ..
والمفروض انهم قريب يجيبون موديلات 2010 ..
مستوى الخدمة والاسعار مجهول .. بس نتأمل فيهم خير لأنهم متحمسين وهو دخولهم الاول للسوق السعودي فاتوقع انهم راح يكونون افضل من الزاهد (( اصلا مافي اسوأ من الزاهد ))

سيارات فولفو اللي تقدر تشتريها:

اولا: Volvo XC90
وهو الجيب الاكبر في عائلة فولفو تم انتاج هذا الشكل عام 2003-2004 .. والى الان جميع التغييرات عليه بسيطة ولم يتم تغيير الشكل بشكل كامل .. ممكن 2012 او 2013 راح ينزل شكل جديد ..
بشكل عام من بين كل سيارات فولفو ماانصحك بهالسيارة فقط لسبب واحد وهو ان الشكل قديم ومستهلك .. اما المحركات والجودة فـ فولفو كلها مستوى واحد .. وكلها ممتازة .. بس ماراح تلقى فيه نفس تصاميم الداخلية الجديدة اللي راح تشوفها بباقي سيارات فولفو ..
الاسعار: الخمسة سلندر تقريبا 170 الى 180 فل اوبشين
الستة سلندر 190 الى 200 الف ريال
الثمانية سلندر تقريبا 230 الف ريال

ثانيا: Volvo XC60
بوجهة نظري من افضل سيارة تقدر تشتريها من فولفو بالوقت الحالي .. وهي رائدة بفئتها بشكل عام وتتوفر فيها مواصفات كثيرة لا يمكن تلاقيها بأي سيارة اوروبية ثانية من نفس الفئة والسعر ..
سعرها على حسب كلام موظف الفطيم راح يكون للفل اوبشين 188 الف ريال وعندهم واحد مستعمل اخو الجديد يبونه بـ 149 الف ريال
مواصفاته تقدر تشوفها بيوتيوب لان فيها شرح افضل بالفيديو ..
هذي ابرز مواصفاته:
1- بانوراما
2- شاشة وكاميرا
3- كاميرات جانبية للنقطة العمياء
4- رادار مثبت سرعة ذكي
5- رادار الكبح الذاتي لداخل المدن اسمه City Safety
6- سيستم صوت 14 سماعة فولفو بتطوير دولبي
7- نظام اضاءة الذكي زينون
غير الشكل الخيالي من الخارج والداخل والجودة العالية جدا ..
يجي لاسواقنا بمحرك واحد هو ستة سلندر تربو 285 حصان .. وفي اخبار ان 2011 راح يكون نفس المحرك بس زيادة قوته الى 304 حصان ..

3- Volvo S80
اكبر سيارة سيدان في عائلة فولفو .. مواصفاتها نفس مواصفات الجيب XC60 بس زيادة توفر تكييف المقاعد ..
على موديلات 2009 ماكان فيها City Safety ولا بانوراما ..
بس اتوقع موديلات 2010 فيها سيتي سيفتي
هذي طبعا لفئة V8 دفع رباعي .. سعرها 210 الاف ريال
الستة سلندر تجي مواصفات اقل سعرها 160 الف ريال
والخمسة سلندر تجي استاندرد سعرها 129 الف ريال
الاسعار لموديلات 2009 ايام الزاهد قبل عروض التصفية .. ممكن تزيد الاسعار زيادة بسيطة وممكن تنزل انواع اكثر مع الفطيم

4- Volvo S60
تم تغيير شكلها بالكامل لموديل 2011 وغير متوفرة لا بالشكل الجديد ولا القديم بموديلات 2010 ..
مواصفاتها نفس مواصفات الجيب XC60
بس فيها زيادة نظام حماية المشاة .. اللي يستشعر المشاة حراريا وينبه السائق ..
والتصميم ماراح اوصفه لك .. شوفه بيوتيوب .. خقق
سعرها مجهول لانها ما نزلت الا باوروبا الحين .. بس طبعا راح تكون للفل اوبشين دفع رباعي سعر مقارب للـ XC60 لتقارب المحركات والشكل الخارجي والداخلي للسيارتين ..

5- Volvo S40
اصغر سيارات فولفو سعرها فل اوبشين بدون شاشة وكاميرات ورادارات كان بحدود 120 الى 130 الف ريال ..
ونفس السيارة بالضبط تجي Volvo C30 نفس المحركات والشكل الداخلي بس انها تصميم كوبيه هاتشباك بابين فقط ..
وتجي لها اخت ثانية وهي C70 وهي الكشف تشابه كبير بالشكل الخارجي وتطابق بشكل الداخلية سعرها 180 الف الى 190 الف ريال .. سقف معدني ..

6- سيارات الواغن
مااظن احد يرغب بسيارات واغن بالسعودية
ومااظنها تنزل عندنا
بس الـV70 هي اخت الـ S80
والـ XC70 هي هي نفسها V70 بس دفع رباعي وارفع
والواغن الصغير هو V50 اخت الـ S40

انا واحد انتظر الفطيم يفتح لاني ناوي اشتري سيارة .. بس المشكلة فولفو ما تحلى الا بالفل اوبشين والفل اوبشين فوق 180 الف ريال .. وانا انسان ميزانيتي محدودة .. لكني الى الان انتظر الفطيم يفتح وبعدين بنتظره لين ينزل موديلات 2011 .. يا نلقى عروض على 2010 ولا ننغث بالياباني ..

باذن الله عندي خطط اني انزل موضوع مقارنة بين اسعار قطع غيار الفطيم والزاهد اول مايجيني خبر عن افتتاح ورشة الفطيم .. خاصة ان عندي فواتير للفولفو ومحتفظ فيها ..

إذا ع النصيحه فخذ s80 فخامه و قوة و آمـآن ...
بالنسبه لـقطع الغياار فهي تعتبر غاليه مقارنة بـ غيرهآآ
و آي إستفسار أنا حااضر ..