معنى التوضيب وطريقته ؟؟؟؟ ..........

في نظري التوظيب يعني فك المكينه وتنظيفها وتغيير القطع المكسوره او خرطها إن كانت غير موزونه ويستخدم فيها أدوات وأجهزة دقيقه في العمل وليس فقط باستعمال اليد

غريبة انا حسب مااعرف ان العزم يطيح بشكل خيالي بعد الخراطة وهذا شيئ متعارف عليه

التوظيب تجديد للمكينة واكيد بيخليها أقوى ... لكن المشكلة ليست هنا

المشكلة .. وين تلقى الفني اللي بيوضب توضيب كامل بإتقان .. لأن أغلب الورش يخرط نص المكينة ولا يركز على الأجزاء الداخلية إما لصعوبة الوصول إليها وهذه الورش الغير متخصصة والعشوائية هي التي تعاني من ذلك ... أو بشكل متعمد حتى يمتص أكبر قدر من المال من جيب المستهلك الضعيف ...

لذا دائما توضيب القير والمكينة ليس بالسهل وليس اي ورشه تذهب إليها وتوضب بسرعه .. يجب التروي والتأني والبحث والسؤال عن الفني الأمين وهذه الفئة للأسف قليلة جدأ ومن بقي منهم سوف يغادر البلد ويذهب بدون رجعه وقد خدم لمده 20 سنة وجمع ما يكفية من المال .. وللأسف لحد الآن لم أجد أأمن من الجنسية الفلبينيه في العمل مع أنهم غير مسلمين أما من يدعون أنهم يتصفون بصفات الإسلام من الأمانة والإخلاص في العمل وكسب المال الحلال .. هم من يريدون إفتراسك وأنت حي ونهب المال منك بمقابل وبدون مقابل الله يبعدهم عنا ويكفينا شرهم .

بلعكس راح يكون في احصنه اكثر بمقدار بسيط لان حجم البستم مع سلندر في اختلاف بعد خراط المحرك

السؤال هل ترجع المكينة زي ماكانت عليه مية بالمية ولا يقل الاداء ويقل عدد الاحصنة الصافي ؟ويهبط العزم لمستويات دنيا؟

أفادوك الاخوان

^^^^^^^
بالعكس يالغالي مافيه اختلاف بين الاخوان

طبعا انا ذكرت التعريف او الشرح بمفهوم عام وماحبيت اخش في التفاصيل

وانا وانت بالعكس متفقين واقرب مثال ..



هذا احد التشابه بيني وبينك انه في التوضيب الكامل يتم تغير كل القطع داخل الماكينه والسبب انت ذكرته

لان المقاسات والابعاد اختلفت من قطر السليندر وايضا الكرنك

اما نص التوضيب فهو تغير فقط القطع اللازم ومايعتبروا توضيب كامل مادامه ماغير القطع كامله

يعني مثلا انا غيرت جلد بلوف وجنازير ووجيه فقط لا غير - نص توضيب -

التوضيب الثاني كان فقط بتغير شنابر وسبايك متحركه ومسح الراس فقط لا غير

طبعا التوضيب الثاني فيه ناس تقولك توضيب كامل لانه الماكينه انفكت وناس تقول نص توضيب لانك ماغيرت القطع كامله

مثل البساتم والسبايك المتحركه والثابته ... الخ

أخوكـ

امير بكلمتي اخالفك الرأي في معنا نص توضيب او توضيب كامل

في نص التوضيب ينفتح روس الماكينه فقط دون فتح البساتم او المحرك من السياره وستبدال القطع التالفه في الروس
اما في الكامل فتح الماكينه بالكامل واستبدال القطع التالفه ومع تغير البساتم لان المحرك بعد الفتح يحتاج الى خراط في المخرطه وتختلف النسب وهي تتراوح بين 20 في اول مره و60 بعد مراحل عده وطبعا الارقام بلملي او جزء بالملي وتغير سبايك الثابته والمتحركه مع شنابر تتناسب لبساتم الجديده

امير بكلمتي

بارك الله فيك على الافاده الاكثر من رائعه


لك كامل تحيتي وتقديري