صوت غريب في التاهو 2010 عند الاقلاع لاول مره ... ماهو ياترى ؟؟

وش ذا الطقطقه

انا ماقد طقطق معي الا اذا كنت لاف يمين وفاك الدعسه في نص اللفه اذا دعست دعسه خفيفه يطق طقه وحده وانا اتوقع انه زي ما قال واحد من الشباب في هذا الموضوع انه في فراغات في الدفرنس ف اذا فكيت الدعسه يرجع مسنن الدفع ورى وسصير بينه وبين المسنن اللي قدامه فراغ ف اذا دعست بتسمع صوت صقعه نتيجه للفراغ اللي بين المسننات
وهذا تحليلي الشخصي لان ال اي بي اس اذا اشتغل الموتر يقعد يرج

عندي استفسار : انا موتري من بعد ما مشى 30 الف صار يطلع صوت طقطقه في الفرامل اللي ورى ومايطلع الصوت الا اذا دعست على الفرامل دعسه خفيفه مره او اذا لفيت على سرعه مع العلم انني رحت للوكاله (العيسى ) وقالولي هذي الفحمات قلت طيب غيروها وبعد ما غيروها بيومين رجعت المشكله بس الصوت اخف وهو في تزايد تدريجي , قمت فتحت العلبه اللي عطوني فيها الفحمات القديمه لقيت ان الفحمات القديمه لسا ممتازه
بس فيها شئ خلاني استغرب وهو ان الحمه من الطرف الايمن والطرف الايسر اقل من النص(متاكله مع الاطراق اللي فوق) .

وعندي التراكشن كنترول ما يطفى ابد ما ادري وش السبب
دايم ارصه واعلق عليه لين يكتب ستيبلتي ترك اوف وامشي فيه بالرمل يقعد يشبك علي

وياليت اللي عنده خبره يردلي

انا عندي موجود اول ما اوصل الى 20 يطق طقتين

الي سار معاك نفس الي سار معي أول ما طلعت السيارة وسمعت هالطقة

بدت الواساوس والهواجيس اثاري الدعوة زي ما قال اخوانا ابو ديالا

ولا يهمك شي مبروك عليك السيارة ويعطيك خيرها ويكفيك شرها

هل معنى كلامك ان الصوت ممكن يختفي نهائيا اذا طبقت فكرتك كما هي
ارجو التوضيح

بعطيك نصيحة وجرب قبل لا تطفي الموتر حط القير على N وبعدين اظغط على سايد بريك وبعدين ارفع القير على P وطف السيارة ولحظ اذا شغلتها بعد ساعة فية الصوت او لا وكرر العملية هذي على طول اذا اختف الصوت بتوفيق

معي تاهو 2010 LT موجود الصوت عندي

أبو دانه إنتبه لنفسك :smilie16:

الصوت طبيعي
معي قورد اكسيلورر ونفس الصوت عندي
وهو من ABS
عموما الله يعطيك خيره ويكفيك شره

هذي موجوده عندي وبصراحه اتعبني الصوت وبعدين عرفت انه عادي

لاني طرحته بهالمنتدى وبمنتدى آخر وكلهم اكدوا لي انه طبيعي

وشوفه بمواضيعي

عادي جدا يالغالي

طبيعيـة //
الصوت موجود في سيارتي وهو من ABS
وزي ماقالوا الأخوان على سرعة 20 ولاتخاف ولا تدقق !!
تراني كنت مثلك بس تبت الى الله //
:bigggrin:
[ Keep it Simple ]

عادي يا وزي

خخخخخخخخ حلوه وزي

الطقه وانت تمشي 20 موجوده وعن نفسي احس فيها في البدايه كنت اخاف احسبه خراب بس لين ما طمني اخوي

طمنتونا الله يطمنكم ..... بغيت ارجع السيارة

مو موجود عندي !

+

بعد إذن الأخ أبو ديالا ...

هذا والله أعلم صوت الديفرنس ... كما قال أحد مهندسي الوكالة .. وهذا النظام ( وهو وجود فراغ بين الديفرنسات ) هو نظام متعمد من شيفروليه ... وشرحلي السبب ... لكن لا يحضرني ما قاله ...

والصوت يظهر أيضا وبوضوح ... عند الدخول إلى الدوارات ... والإنطلاق في الدوار .. بعد تنزيل السرعة قليلا للتأكد من خلو الشارع ..

الزبدة : أن الصوت طبيعي وما يخوف .. ومبروك السيارة ..