انصحوني فـ كرايسلر srt 8 تكفون

hayoulek @user_159061 · 08-05-2010

^^^^^^^

هبر313 يا ابو الشباب .. يعطيك العافية

شكلك متردد ومتخوف كثييييير من السيارة .. معاك حق لأنك ما جربتها

والله السيارة جدا حلوة وانا كان ودي اخذ جديد بس قصور الجيب هو اللي حدني عنها
لأن الجديد بـ 190 ألف تقريبا

عموما السيارة جدا جدا رهيبة وعملية وقوية وهيبتها ومتعتها على الطريق لا توصف

((( اذا نظييييفة جدا من جميع النواحي من الداخل ومن الخارج وميكانيكيا وبعد الكشف)))

((وميزانيتك تسمح بس شوي )) يمكن اغلى شي الفرامل والهوبات عشان رياضية من نوع بريمبو راح تكون في حدود ال 800 ريال ريال للاقمشة الخلفية - والامامية نفس السعر

اما باقي القطع فكلها اسعار معقولة ومنافسة جدا جدا

اتفضل على هذا الرابط من مواضيعي الخاصة يمكن تتحمس اكثر

http://www.assayyarat.com/forums/thread206366.html

اكرر واعيد (( نظافة السيارة اهم شيء )) قبل لا تشتريها

.. ولا تبخل بإضافة ردك بعد قراءة الموضوع في الرابط اعلاه ..

هبر313 @user_222032 صاحب الموضوع · 08-05-2010

يعطيكم العافيه كلكم ابي اشوف الرابطه وشكلي ناويها باخذها

واذا طلعت عكس المديح بيوصل الدم لين الركب معكم :bigggrin:

عاشق الـDODGE @user_124963 · 08-05-2010

والله وانا اخوك اذا كانت نظيفة وشيكت عليها

خذها وترا راح تطربك في السرعة والقوة

ولكن اسعار القطع غويلية الى متوسطة

واسعارالقطع في نزول ولله الحمد

اي استفسار انا في الخدمة:smilie16:

bo_3zeez @user_147959 · 07-05-2010

والله وانا اخوك انا نفسك ادور SRT8 ولي الحين مالقيت نظيفه بس قلت خلال الفترة هذي ليش ما أسأل عن القير وخاصة السيارة سبورت
واكيد اذا باخذها مستعمله راح تكون هريانه دوس ولا جان صاحبها اخذ سي 300 عادية المهم رحت السكراب دورت على قير الحبيبة SRT8ماحصلته نهائيا فسألت نفسي لو قام علي القير اوديها الوكالة وابدله ب 1800 دينار ؟
طبعا انا ماسألت عن سعره بالوكاله بس اتوقع بهالحدود والسعر هذا على كلام واحد من الشباب والنتيجة خسارة بخسارة والموتر راح يطيح بجبدك
فيبدو اني بديت اغير افكاري واتجه صوب الهيريتج سيارة فخمة وحلوة ومو مالة مقاوم ولا اتوقع صاحبها راح يقحص عليها واهم شي يامحفوظ السلامة الاستخارة وانا اخوك والله يكتب لنا اللي فيه خير ويوفقنا وياك والمسلمين يارب.

el7zn @user_210220 · 07-05-2010

هههههههههههههه
تدري شنو المشكله يا صاحب الموضوع
الي عارضو الكرايسلر ماعمرهم جربوها ولا ساقوها
وفوق هذا يطلع لك راعي كوري
الدوج والكرايسلر كلم استعمال واحد .. وفوق هذا لا تحمل وممتاز
لكن اس ار تي شوي اشوفه مبالغ فيه
لان مكينته جباره
سي 300 8 سلندر طيب ..
عموما اذا تبي اس ار تي اكيد قطع الغيار تكبر
لان الهوب اعتقد فيه فتحاات غير قابل للخرط
والقماشات بريمبو غاليه لكن تقعد معاك سنين
اما الباقي والله طيب
انا بالنسبه لي سيارتي من 2007 عندي دوج
مابدلت الا الزيت والفلتر بس
استغرب من الي يذم الكرايسلر !!

اذا تبي مساعده دش الرابطه .. بقسم الروابط .. وانشالله محد يقصر معاك ..

علاااااااوي @user_181168 · 07-05-2010

h

hayoulek

ارجو ان يفي ذلك بالمطلوب .. وتحياتي لك يالـ هبر313

يووووووووووووووه ياهايل تعذبني ولاتدري بعذابي===>محمد عبدهـ:ch19:

صدق الظاهر إسمكـ أثر على ردكـ ومشاركاتكــ اللهـ يعيننا عليك ياولاكو:bigggrin:

تحياتي وعلى راسي من فووووووووووووووووووووووووووووووووق:ch19:

hayoulek @user_159061 · 07-05-2010

ه

هبر313

سلام عليكم

عليكم السلام ورحمة الله وبركاته

انا لقيت كرايسلر 2006 ماشي 46 الف بـ 80 الف ريال

السعر ممتاز جدا خاصة انها 300C SRT .. "بشرط تكون نظيفة من كل النواحي"

انا السياره هذي اول مره بأجربها يعني ما ابي اشتري شي واندم عليه بأماكني اخذ جديد وافك حالي
لاكن السياره جذابه وسعرها جديد يعني خيالي 190 الف
بس قلت نشوف وش عندها من علوم وناخذ مستعمل

كلامك صحيح .. السيارة جدا جدا جذابة وشكل هيبة ورياضي وفخم وملفت للانظار
وفعلا مقارنة مع سعرها الجديد تخلي الواحد يفكر فيها بقوة

ابي اعرف هل مشاكلها مشاكل موب صاحيه او صاحيه :bigggrin:
يعني سمعت انها تطفي لحالها هل صحيح ولا ممكن تطلع سياره من السيارات اللي فيها عيوب مصنعيه
مشاكلها طبيعيه او مشاكلها تجيب العيد مثل الكابريس واللومينا :bigggrin:
تكفوون حست بالمنتديات والنت ابي واحد ينصحني او يفيدني عنها

الكرايسلر 300C بصفة عامة ما اسمع عنها مشاكل نهائيا .. والسيارة صاحية بمعنى الكلمة

لكن ال SRT الرياضي غير منتشرة بشل كبير

عكس الليمتد والهيرتاج الكلاسيك بدأت انتشارها بشكل ملحوظ جدا

وفي معارض استيراد الامريكي .. اصبحت السيارة متواجدة بشكل كبير وملحوظ
والسبب يعود لانها اصبحت مرغوبة من جميع النواحي
((سيارة مريحة ، عملية، فخمة، هيبة، ملفتة للانظار، قطع غيارها الاستهلاكية بالذات متوفرة واسعارها جدا معقلولة))

قطع غيار غاليه كل السيارات قطع غيارها غاليه ابي شي
يقنعني فيها اني اشتريها او اتخلى عنها
تكفون لأصحاب السياره هذي ومن يمتلكها ينحني ولا يبخل الله يجزيه خير

بصراحة انا عن نفسي لو السيارة نظيفة جدا من جميع النواحي وجربتها بنفسي وبعد ما اكشف عليها عند ميكانيكي وتكون سليمة وكل شيء تمام التمام
راح اشتريها بدون تردد

لكن سبق قلتلك الحاجة اللي ما اعرفه بسبب انها SRT غير منتشرة بشكل كبير وما تلقى احد يفيدك اكثر وبطريقة اوضح
ولكن طالما انا اعرف التشارجر واعرف الكرايسلر مثل ما اعرف نفسي .. را اشتريها

وعاد المهم "ميزانيتك" اذا تسمح أو لا تسمح باسعار قطع غياراغلى لانها SRT

شاكرين لكم حسن تعاونكم :xyxwave:

ارجو ان يفي ذلك بالمطلوب .. وتحياتي لك يالـ هبر313

احمد 999 @user_57330 · 07-05-2010

^^^^^

صحيح كلامك اخوي

وحبيت ازيد على الكلام

في فرق بين المستعمل والجديد

M.L.E @user_144896 · 07-05-2010

هلا اخوي الله يحيك

بالنسبه للشباب اللي يقول انها غير عمليه فانا اعارض هذا الشي جدا وخاصه انها بدت تصير منتشره بكثره عندنا

بالنسبه للسياره مع انها موديل 2006 يعني مشكله انها تطفي كانت في 2005 وتم تفادي هالمشكله

اكبر مشكله من ناحيتي اسعار القطع
لانها تختلف من من السي 300 العادي والرياضي
مثل اسعار القماش 800 ريال>>>والله اعلم انه هالسعر صحيح او لا لكن على حسب ماسمعت
والهوبات رياضيه لابد ماتنخرط انما تتصنفر فقط وقيس هالاشياء عليها

وزورنا بالرابطه يفيدوك السباب اكثر خاصه اصحاب الاس ارتي

al3ane @user_221535 · 07-05-2010

انا مع اخوي ابو خالد في كلامة ونصيحتة لك
صح ان شكلها جنان بس عمليتها بايخة جدا:c0038:
وعندي خالي شراها وبعد سنة باعها لانها بدت تطلب علية وهو شاريها مستعملة وماشية 25 الف مو زي اللي ناوي عليها انت
وبعدين اللي لقيتها انت غالية وانا اخوك

تحياتي :bigggrin:

ابو خـالد @user_208347 · 07-05-2010

بالنسبة لي ..... انا اعرف شي واحد انه الكرايسلر c300 / srt صلاحيتها ما تتجاوز سنتين

بما انها ماشية 46 الف فيمكن تمشي معك سنة .... الكلام هذا مو مني ... اعرف اقل شي 4 معهم كرايسلر .... كلهم ناوين يرمونها بعد سنة سنتين من الاستعمال

لو انا منك ارووح للشارجر ار تي اصرف ....

لا تنسى شي ... الكرايسلر سيارة روعة وجميلة لكن الامان فيها الله الله بالذات srt اعرف واحد التراكشن عنده مضروب ( يعني يزرزر بالعربي :bigggrin: )

والله يوفقك