انا رحت لفرع الحمراني في طريق العليا العام
وانا ابي اسئل عن الباترول الجديد وحسب ماسمعت الفل كامل 239 الف
طبعا فلوسي جاهزه في البنك بس ابي اسئل عن اللون الداخلي لاني ابي اسود واللون الخارجي ماروني المهم دخلت ناظرت في واحد في الصاله لونه ابيض وكلمت الموظف عن طلبي وكان عنده ناس ويالله رد علي وقال اللون الاسود ما نزل وجلس ربع ساعه يكلم تلفون وانا احتريه وخلص وبعدها قلت طيب كم السعر من النهايه وابي كاتلوج السياره
السعر من الاخر 242 قلت ياخي خويي راح لكم وقلتو له 239 قالي متا جاء لنا قلت قبل كم يوم قال تتغير الاسعار من وقت لوقت قلنا طيب الكتلوج قال مافي كتالوجات قلت انتو اجل على ايش ماسكين الوكاله ماعندكم اي معلومات عن السياره
الصراحه طفشوني انا اعرف اذا دخلت الناغي اطلع من عندهم عارف وش اللي لي ووش اللي علي والمواصفات السياره المطلوبه مطبوعه على ورقه والون والسعر النهائي ورقم مدير المبيعات
وضع الحمراني في مؤسف في المعارض فما بالك في الصيانه
واتوقع ان الموظفين اللي عنده مايعرفون يسوقون ويحترمون الزبون
على كل حال انا فضلت اني اتجه الى صاحب معرض صديق لي في النسيم
وجاب لي السياره بسعر 240 كامل اللوح واللون اللي ابي من جوا وبرا
تحياتي
