مكيف السياره في النهار حار و في الليل بارد...( التفسير العلمي)

الثلاجه هي اللي داخل السياره خلف درج الراكب الامامي و عملها عكس عمل رديتر المكيف

رديتر المكيف يكثف الفريون و الثلاجه تبخر الفريون

عشان كذا اسم الرديتر حق المكيف مكثف = condenser
و الثلاجه = مبخر = evaporeter

واذا تبغى تعرف اكثر
مكيف السياره و الصيف ( شرح...استفسارات....مشاكل و حلول)
http://www.assayyarat.com/forums/thread208747.html

طيب بغيت اسال واحد من الشباب الله يعطيه العافية اقترح اقتراح حاو الصرااحة و هو انه يحط عازل حق المكيفات المنزلية يجيك زي قطعة انبوب اسفنجية عشان الحرارة وهو انك تحطه على ماسورة الي تمتد من الكمبرسر الى ثلاجة المكيف بغيت اعرف الثلاجة يقصد فيها الي تعبأ فيها سائل الفريون و وين يكون مكانها بالضبط مع العلم ان سيارتي لومينا 2004 ..
تحياااااتي...

شوف ما راح تلقاه في غير الاماكن هذي

تففضل هنا
http://www.assayyarat.com/forums/thread208747-15.html

طيب انا عندي لومينا اس اس 2004 و ين راح يكون مكان فلتر المكيف بالضبط..و المعذرة على اسئلتي الكثيرة احس اني غثيتك و نشبت لك في نفس الوقت...تحياتي..:xyxwave:

العفو يا خوي... لا عادي تقدر تشيكه بنفسك و تغيره او تنظفه بالهوا او المويه


اغلب الاماكن خلف درج الراكب الامامي

و بعضها تكون جهة الراكب بس من برا تحت كبوت السياره

مشكوووور يالغالي...طيب اذا بغيت اشيك على فلتر المكيف وين مكانه بالضبط و لازم اروح الوررشة و الا انا اسويه سريع سريع..و اذا كان فيه مشكله اسوي له نفخ هواء او تغيير مرره وحده..و مشكووور على الفائدة:xyxwave:

اخوي عبدالعزيز يعطيك العافيو على الفكرة بس بغيت اعرف شيء اذا تكرررمت,عرفنا عازل انبوب الفرريون و الشداد باقي الاسلاك و المسامير و القطع الثلاث السود الي في اخر صورة بغيت اعرف ايش هيه و ايش فائدتها و يعطيك العافية على الفكرررة بس اذا ركبته ما راح يؤثر مثلا او ينكتم او يصدئ او يسبب مشكلة...

مشكور اخوي على الموضوع والله يعطيك العافية
واشكر الاخ MTS على الفكرة وهي ايضاً مفيده لتبريد رديتر تبريد المحرك لأنه اذا برد على رديتر المكيف برد على رديتر المحرك.
واضيف تجربتي مع تحسين تبريد المكيف بشكل ملحوظ والطريقة كالتالي:
1- شراء عازل مواصير الفريون من محل بيع قطع غيار تبريد المكيفات المنزلية


2- شراء شدات بلاستيك كما في الصورة وهي باللون الابيض للربط


3- تقوم بقص العازل من النص بالمقص وتركبه على جميع مواصير الفريون من خروج المواصير من الكمبروسر الى دخولها الى الثلاجة ولا تترك اي ماصورة للفريون الا وانت مركب لها عازل وتشد جميع العازل بالشدات البلاستيك
وهذه الطريقة مجربها في كابريس موديل 90 وموديل 2000 والنتيجة مشجعه والحمد لله
تحياتي للجميع

الله يسلم عمرك يا طيب وتسلم على مرورك الكريم



و عليكم السلام

شكيك على الفريون اذا ناقص شييك على التهريب و صلحه

اذا ما في تهريب

اذا تحس ان الهواء ضعيف داخل السياره شيك على فلتر المكيف و المروحه الداخليه

السلام عليكم شباب...
بالاول احيك على الموضوع الي طرحته و يعطيك العافية
اخوي انا عندي لومينا 2004 اس اس لي معاي ما يقارب 6 سنوات والحمدالله ما صارت عندي اي مشكلة طول السنوات هذه غير الغيارات الروتينية المهم الايام هذه صار عندي مشكلة في التبريد من ناحية دفع الهواء والثاني ان البرودة نقصت بشكل كبير مع انه عندي مروحتين كبيرة و صغيرة الكبيرة ما لي 6 شهور مغيرها و تعمل بشكل ممتاز,فما ادري عزيزي ايش المشكلة بالضبط قولو لي ايش الحاجات الي اشيكها او اغيرها مع العلم انه في الليل قبل لمن يكون شغال قبل المشكلة كنت اضطر اني اطفيه لشدة البرودة..ما شالله.. بس المره هذه احس انه قاعد يتصدق علي المكيف بالبراد..
المعذرة على الاطالة يالغاليين...و يعطيكم الف الف عافية

تسلم يمين اللي على الطيب رباك
وتسلم يا خوي MTS على الفكرة الجميلة
انا اشهد انها تنحسب لحسابك:smilie16:

^^^^^^
صح كلامك هو ما في اي مشلكه اطلاقا و الدليل انه في الليل يكون طبيعي جدا واقف او ما شي

بس الهدف اننا نفهم ليش يصير كذا واذا رحت للورشه يقعد يفتي على راسك وانت على نياتك تقعد تحوس وتحوس ولا يتغير شي

وانا ابصم لك بالعشره لو تقعد يوم كامل تشرح لاي واحد في الصناعيه عن هالشي ما راح يصدقك ولا راح يفهم ولا راح يقبل بكلامك اصلن وكنك يا بو زيد ما غزيت

والحل موجود عندك في الصفحات الاولى واللي حاب يطبقه راح يرتاح نفسيا بالدرجه الاولى ويتهنى بالبروده

شى طبيعى ميبرد زين
مافى اى مشكله ان شاءالله

الله يعافيك وحنا نتظرك و تعلمنا وش صار معك:smile:



ههههههه حسستني اني في هجمه و سحبت اللعيبه كلمهم و ضعيت الهدف خخخخخ

انت الاخطر:smilie16:

الله يسلمك يا غالي

ياسلام عليك ياااااااخطير

الله يعطيك العافيه وبارك الله فيك
وجاري حل التشييك

يعطيكم العافيه واسعدنا مروركم:xyxwave:

و عليكم السلام

اذا المشكله بس في الهوا شيك فلتر المكيف و المروحه الداخليه

كل سياره تختلف عن الثانيه ومثل كل الاختلافات الاخرى تختلف كمان في المكيف و جودته و تحمله ومقاومته لكل الاجواء و التحديات عبر الزمن وبالتالي تختلف ظهور هذي العوارض من سياره لاخرى

الخلل هذا محكوم بعامل الوقت بشكل رئيسي فكلما زاد عمر السياره او المكيف تزيد معه نسبت حدوث هذا العطل بالاضافه الى تراكم الغبار و الاوساخ و ضعف المروحه


وكمان صراحه ما استبعد ان رديتر المويه يمكن يكون له يد في الموضوع بحكم انه ملاصق لرديتر المكيف و اكبر منه يمكن نتيجه توسخه من الداخل او اي خلل احنا نجهل يسوي خلل فيه بحيث انه مايبرد المويه بصوره سليمه اثناء الوقوف فترتفع الحراره بشكل مو ملحوظ على مستوى امبير الحراره لكنه يؤثر على محيط رديتر المكيف ويسبب ارتفاع الحراره اللي تؤثر على عمليه التكثيف و تصير عندنا نفس المشكله