اجل الكادينزا اللي توها نازله محد يدري خيرها من شرها .. صارت لك وللعمر
ثم السوناتا اللي توها توها نازله ومايندرى عنها حاجه ثاني حاجه
والاكورد آخر شي واللي صارلها مدري كم وماشاء الله عليها ؟؟؟؟
هذا اللي مسوي (( لا تتكلم عن شي ماتعرفه )) !!!
كلامي ماكان موجه لك وياليت لو قريت ردي مرة ثانية وفتحت عيونك زين ..
كلامي كان موجه للي يقول السوناتا فئتها مازدا 3 وكورولا وهذا كلام مايدخل العقل , كأنك تقول الكامري من فئة الالنترا !!
كيا وهيونداي ماهي شركات طالعة قبل يومين علشان تقول توها نازلة !
كلها مجربة وخلاص عداها العيب وماعاد تفرق عن الياباني بشي الا بسعر البيع " عندنا " .
وقصدي لك وللعمر مافيه اصلا شي يطول لعمرك حتى لو الماني اقصد يعني مايبي يبيعها لان الكوري عندنا معروف مايمسك السعر بسبب نظرة بعض الناس .
الكادينزا افضل بحكم انها
فئة اكبر ومكينة اكبر وعدد احصنة اكثر وفخامة اكبر
هذي بالعقل الواحد يحكمها مايبيلها راي , لكن الاختلاف بالراي بيكون بالسوناتا والاكورد بحكم انهم بنفس الفئة والاختلاف في الراي مايفسد في الود قضية
اختياري الثاني راح للسوناتا بحكم انها شكل جديد قير بست سرعات فخامة اكبر من الاكورد .
الاكورد ما اعيبها بشي بالعكس افضل سيارة يابانية بفئتها لكن وش اللي يميزها عن السوناتا ؟
تقريبا كل شي تتفوق به السوناتا وان كانك بتقول العمر فالهونداي ماطلعت قبل امس هذي الاكسنتات والالنترات تكر بالشوارع كر ولا منها شر , وحتى السوناتا مافيها شي بالموديلات السابقة فان شاء الله ماعليها خوف .
رد علي وحاجني الاكورد وش افضل من الكادينزا والسوناتا فيه ؟؟
فهمت ؟! عرفت وش اتكلم انا فيه ؟!
لا ترد وتتهزأ وانت ماتدري وين الله حاطك اعرف اساس المقارنات أول وبعدها رد زي الناس .
