مشكلتي مع شراء السيارة

السلام عليكم ورحمة الله وبركاته..

كيفكم ان شاء الله تكونون بافضل حال..
انا عندي مشكله ..واتمنى تساعدوني في حلها

انا طالب جامعي وابي اطلع سياره.. وكنت حاط عيني على
الالتيما..

واول ما نزل عرض نيسان التقسيط لمده 3 سنوات.. كنت بطير من
الفرح..

ورحت لمعرض نيسان استفسر.. ومافهمت شي .. بعدين بحثت في
النت

ولقيت ان العرض هو انك تدفع 25% من قيمة السياره دفعه اولى..
و25% تقسطها على 3 سنوات..
وبعد 3 سنوات اما ترجع لهم السياره او تدفع لهم الـ50% الباقية دفعه
اخيره وتاخذ السيارة..

وتحطممممممت.. لاني بصراحة مابقدر على الدفعة الاولى ..
والاقساط كنت بطلعها باسم اخوي واعطيه المكافاه : (
وماهيب مشكله عندي ارجعها لهم بعد 3 سنين .. لاني ادرس في
مدينه تبعد عن مدينتي الف كيلو..

وابي السيارة تمشي حالي .. لانه صعبه تعيش من دون سيارة..




طبعا ماسبق هو مشكلتي.. واللي اتمناه منكم ..تدلوني على
طريقة.. اقدر اطلع فيها التيما ( من دون دفعه اولى .. وقسط
اقل من الف شهريا.. ) سواء عن طريق بنك او عرض من عروض
السيارات.. او اي شي...وباسم اخوي عادي
ادري طلبي صعب.. بس عاد وش اسوي هذا اللي اقدر عليه..ومابقدر على الكاش ولا على الدفعة الاولى.. وقلت استفسر منكم بما انكم افهم مني واعرف بهالاشياء

والله يجزاكم خير ويكتب اللي فيه خير للجميع
تحياتي