مساك الله بالنور و السرور
شف يا طويل العمر
كان عندي ماركيز 2002 مطلعه على يدي من الوكاله و بذاك الوقت قالو لي الورشه كل عشرين الف لها صيانه و بعد الاربعين الف صيانه تزيد شوي قلت مقبوله يعني كل عشرين الف تكلفك الصيانه 700 او 800 ريال يعني قل كل سنه تسوي صيانه في الوكاله .
لما اخذت 2008 لقيتهم حاطين جدول كل 5000 صيانه و يقولون لي اذا ماجبتها يروح عليك الضمان ومن هالكلام الفاضي ، بصراحه كان واضح الاستغلال قلت ما راح اوديها الا كل 25000 الف و هذا اللي سويته .
على فكره القطع اللي ذكرتها تطول شوي يعني ممكن تقعد 3 سنين ما تتغير و بعدين البواجي صارت بلاتين يعني مو مثل البواجي السابقه تقعد عشرين الف و تتغير البواجي مصنوعه من بلاتين و تقعد حتى 100 الف .
نصيحتي لك ودها كل 25 الف اوفر و لا تشغل نفسك بجدول و لا هم يحزنون
تسلم اخوي على ردك والله لا يحرمنا منك ..
لكن انا حاب اعرف مثلا بعد كم كيلو تغير البواجي ؟
بعد كم كيلو تغير السير ؟؟
بعد كم كيلو تغير الفلاتر ؟؟
والواحد يقدر يشتري هذي القطع ويغيرها في مكان موثوق ويرتاح من حكاية انك تودي السيارة الوكالة ويحجزوها يوم كامل .. وغير فاتورتهم الدسمة اللي يضيفوا فيها اجرة اليد المبالغ فيها + اسعار القطع ..
مع اني ماارفض اني اودي السيارة لهم واريح راسي واضمن الشغل المزبوط .. لكن تقدر تقول اني حاب اقارن واشوف الوضع الانسب ,, عشان احس اني من زمان ماشيكت على هذه الحاجات اللي قلت لك عليها وبدي اعطي السيارة وجه شوية .
