السلام عليكم ورحمة الله وبركاته..
بحكم اني كنت ناوي اخذ سوناتا 2011 فأنا بقول لك اللي اعرفه..
شف وانا اخوك السوناتا ع كلام اللي بالوكاله 16 فئه وموزعه على جميع وكلاء هيونداي في السعودية لكن..!
مافيه اي اختلاف في المكينة او القير او غير الاختلافات فقط ظاهريه يعني فقط في الشكل من برى يعني شي بانوراما وشي بدون شي فيه تحكم من الدركسون وشي مافيه شي فيه قير اوتو وشي عادي..
انا كنت ادور الفل بصراحه والمواصفات اللي ابيها بقولها لك وبقول لك السعر زين..!
المواصفات ياطويل العمر كانت فل كامل بانوراما طبعاً اوتو جنوط 18 << تختلف عن النص فل ومسكات الباب والشبك نيكل والانوار الخلفيه ليد ومرآة ذاتية التعتيم ومثبت سرعه وABS وEPS علماً ان هالخاصيتين غير متواجده بتاتاً في النص فل وعدد 2 ايرباق..
وهذي سعرها في الوكاله 86000 الف ريال لكن غير متواجده بتاتاً حالياً ولن تكون موجوده قبل شهرين من الان..
اما في معارض الشفا واعتقد بمعرض اسمه نسيم الشفا على الشارع بتلقاها بـ89000 الف ريال..
اما الفل النوع الثاني فهي نفس المواصفات السابقه بالضبط الا بزيادة الدخول الذكي للسيارة (بصمه) وتشغيل بزر التشغيل واضف ع ذالك مراتب جلد وغير موجوده في الوكاله وسعرها 92000 الف ريال
اما بالمعارض فسعرها يوصل الـ94000 ريال وممكن تحصلها بنسيم الشفا ماذكر اني شفتها..
هذا والله اعلم مع تمنياتي لك بالسياره اللي ترضي خاطرك وطموحك وقبل شي يكتب لك فيها الخيره المباركه..
