رايكم باستبدال السيارة

اذ ماعندك صغيرة اصبر شوي لان السيارة الصغيرة لاغنى عنها في ذا الزحام واذ عندك فتوكل على الله لان التاهو موتر رائع...

إذا إنك من راعين البر فلا والله خذ التاهو , وترى سواقته ماهي بذاك السوء ومع الوقت بتتعود عليه وكأنك تسوق سيدان

الله يكتب لك اللي فيه الخير

مشكورين على الردود
انشاءالله بروح يوم السبت الوكالة , عندهم سيارة للتجربة وراح اجربها
واحتمال اذا اعجبتني ماني مستعجل انتظر 2011 واشوف سعره واذا كان غالي رحنا للمعارض عشان 2010 اكيد راح احصل عندهم

بالنسبة للاوريون سواقتة حلوة بس نظام التعليق حقة خشن ( رياضي ) و الحاجة الثانية دعستة خفيخة جدا مايصدق يشم ريحة البانزين الاوطار وانا ماحس بالسرعة ( دايم زوجتي تقولي اشفيك تسرع وانا ارد عليها لا ماني مسر بس اذا شفت العداد مااشفوه الا فوق المية وانا داخل البلد في شارع عادي )

والشي الاخير اللي مخليني ودي بجيب اني من سنة اخوي شرى اكسبلورر وقمت اطلع معاه البر وعجبتني طلعت البر الين ادمنتها بس حرام دايم اطلبها منه وانتوا عارفين ان كثرة الرجول على السيارة تعدمها وسيارة اخوي جديده وماودي تندمر عليه

عارف اني طولت عليكم
ماقصرتو بالردود

شف اخوي التاهو سياقته تختلف عن الاورين بكثيييير لاتقول بعدين سواقته متعبه او كذا شوري عليك جرب السياره اول شي ثم توكل على الله
التاهو قسم بالله موتر أن شاء الله راح يعجبك لكن انت جربه اول يمكن مركبه يتعب ظهرك او اي سبب كان .

طيب أنت جربت سواقة التاهو ؟؟؟

تراك بتحس بفرق كبير بين سواقة السيارتين لإختلاف الحجم والإرتفاع والإستجابة

أنا ودي تجرب سواقة التاهو أول شي وإذا شفت إن سواقته أعجبتك فتوكل على الله بعد ما تستخير

يعطيكم العافية على الردود ' السيارة جابت لي 85 الف فعلى كذا يبغالي تقريبا 45 الف وهاذي مقدور عليها انشاءالله بس المشكلة التاهو الدبل مخلص من الوكالة :c0214:

اذا كنت مقتدر وتقدر تشتري تاهو وكالة ب 120 الف
بيع الاوريون

^
^
احس انك شطحت .. هع دعابه يا سنايدي..

المهم يا سنايدي الاول .. ((راعي الاوريون)) بالنسبه للتبديل من اورين الى تاهو .. رأيي الشخصي يقول لا ..

واذا تبي تاخذ جيب على قولتك .. خذ جكسار فل كامل خليجي .. موتر دلع .. كشخه .. هيبة .. خطوط .. بر .. داخل المدينة ..


صحيح التااهو ما فيه شي ولكن انا اقولك رايي الشخصي .. << متحيز هع

الرجال يقصد بكلمة جيب سيارة دفع رباعي يعني موتر بر


كل سيارة الدفع الرباعي صارو يسمونها جيب سواء باترول او لاندكروزر او تاهو او يوكن او همر

والسبب قوة سيارات جيب الامريكيه ايام جيب الويلز المستخدم في الحروب


والصحيح لاجيب الا جيب سواء الرانجلر او الشيروكي او الكوماندر والحين بدت الناس تعرف

الا الشيبان الله يحفظهم لنا باقي على تسمية مواتر الدفع الرباعي جيب




الوالد الله يحفظه عنده لاندكروزر ولاجيت اباخذه منه اقوله عطني مفتاح الجيب وصارت الكلمه

دارجه تحسها ثقيله لاقلت عطني مفتاح اللاندكروزر بيستغرب الشايب ههههههههههه

انا معك بس اذا جاب موترك سعر طيب .. وثاني شي اذا كان التاهو الي بتشتريه جديد .. كذا OK
وبعدين عندي ملاحظه بسيطه بعد إذنك:

التاهو مو جيب .. !!!!