الفترة الاخيرة صار بسوقنا رغبة وسمعة كلش رائعة عن السوناتا...ومن احجيلهم على الالنترا هواي ناس يكولون (يمعود شنو النترا!!)...الى الاشهر القليلة الخيرة اعتقد على الاقل بمحافظاتي صار اقبال وانتشار مو طبيعي للالنترا واني اسميها "السيارة المغمورة" بس تبقى برأي نقطة وحدة هي حجم المحرك..اتصور علمود تكون الالنترا متميزة ومريحة يالسياقة مع تشغيل التبريد وسوء البنزين..يكون محركها 2000 سي سي ..لكن للاسف بالمعارض نادرا جدا يجيبون..وشخصيا دورت فترة ما لكيت هيجي حجم؟ بس صعدت مرة وي تكسي محركها 2000طلع وارد امريكي..وقليل يجيبوه..رغم مواصافته الحلوة...
اسف على الاطالة بس الحديث ذو شجون...
تعرف ليش ميجيبوه ؟ ولا يجيبون الفول ؟ لان ربحه اقل من النص فول
وجماعتنه شمدريهم يتزلون للمعارض يكلوله هذي السياره فول يورق ويشتريهه وبعدين يطلع محركهه مو ٢٠٠٠ وتحكم ستيرن ماكو ومسجلهه نص وصيني وسبيرهه تاير صغير وريموت مو مال الشركه ويكلك فول ، تجيب سياره فول محد يصدك فول يكلك هاي غاليه بالسوك ارخص ب ١٠ اوراق ، يابه هاي مواصفات افضل محد يلكفهه المهم اللون والشكل والكير والفتحه والويل غيرهه تعبر،
تجربتي الشخصيه مع المحرك ٢٠٠٠ سي سي سياره ولا اروع وخصوصا بالخارجي امشي ١٨٠ واكثر والسياره رزنه ومستقره وصرفياتهه قليله وتبريدهه ممتاز في اعلى درجات الحراره
اما المحرك ١٦٠٠ فصوت المحرك اكبر وتحسه يعيط وتدك ادوانس اكثر وتعجيلها اقل بكثير من ال٢٠٠٠ ومن تشغل التبريد تتجتف مع بانزيننا التعبان
