سلام عليكم ورحمة الله وبركاته
هلا بالشباب كلهم وش اخباركم
المهم انا عندي اربع مشاكل بالسواقه واللي هي
الخوف اذا كنت ابي اريوس يعني اتخيل ان احد بيصدمني او اني اصدم بأحد
والمشكلة الثانيه اذا دخلت حارة او مكان ضيق وكان في احد مقابلني
والشارع ضيق احس بخوف شديد ورهبة يعني ما اعرف وشلون اتصرف
ياليت احد يقولي كيف اوزن السيارة يعني اعرف اخرها واولها واعرف ان السيارة اللي بجنب عليها حتى يمر هاللي طلع لي بعيده او قريبه لأني اتخيل اني بصدم
ابذكر لكم موقف
مرة كنت نازل انا واخي نازلين مشوار خفيف فـ صار لي مثل هالموقف طلع لي واحد والشارع ضيق شوي
ماعرفت اتصرف فـ اضطريت اني انزل واخوي يسوق هههههههههههههه
صراحه اللحين لما اسوق بخط عام او شارع رئيسي احس براحه على عكس الشوارع الضيقه والحواري اشعر بخووف شديد لدرجة ان اذا كان المشوار اللي بروح له بحارة او شي اخذ ولد عمي او اخوي علاقل يرد موية الوجه
المشكلة الثالثه وهي اني اذا كنت ماسك اليمين او جيت ابديور يجيني خوف واني بطلع من الرصيف او اني بطلع من الزفلت وانتم بكرامه
المشكلة الرابعه وهي اكثر شي الزحمه
يعني اذا كان الشارع مزدحم ما ادري وش اسوي يعني مثلآ الشارع مزدحم وانا مشواري عاليسار وانا ماسك اليمين
مدري هل اني اسقط واخش اليسار علطول ولاإ وش اسوي بالضبط
الله لايهينكم واسف عالاطاله
السيارة عادي وعمري 17
ياليت اشوف نصايحكم
