السلام عليكم ورحمة الله وبركاته
طبعاً كما تعرفون اغلب الوكلاء للشفرولية بالسعوديه صيانتهم تستنزف وقت
وتستنزف الجيب انا رحت بسيارتي للتوكيلات لصيانة خمس الاف قالو تدخلها الساعه 8 الصباح
وتستلمها بعد العصر بصراحه تضايقت وهونت لا اسوي صيانه عندهم
برضو صيانة 10 الااف لما جيت اسويها قالو لاازم تجلس السياره عندهم يومين كاملين
وتذكرة برضو زميل لنا بالمنتدى نزل موضوع عن صيانة الكروز الي معه صيانة 30 الف
كلفته 3 الااف رياال وجلست عندهم اسبوعين ويومين وانقرص قلبي بصراحه
قلت مافيه الا اني اسوي الصيانه بنفسي واتوكل على الله
لاني ميزانيتي على قد حالي ومقدر استغني عن السياره يوم كامل
مسكت الدفتر الي يجي مع السياره ولقيت فيه جميع النقاط الي يتم التشييك عليها والمسافات الي يتم التفتيش والتشييك عندها تابعة اهم الشغلات في صيانة العشرة الااف وسويتها بنفسي
1- تنضيف فلتر الهواء للمكيف
هذا سلمكم الله تلقونه ورى الدرج الي بالسياره مثل فلتر الكامري والاريون وفيه شرح عليه
بالقسم الياباني تراه نفس الشي وخلية العامل ينظفه ب10 ريال مع فك الدرج وتغير كثير دفع الهواء للمكيف بعد التنظيف صار اقوى
2- تدوير الكفراات
طبعاً فيه طريقه لتدوير وتبديل الفكرات للسيارات الدفع الامامي تختلف عن طريقة الدفع الخلفي
وايضاَ الدفع الرباعي كل نوع له طريقه معينه انتبهو لهاذي النقطه
3- تغيير الزيت الماكينه+ فلتر زيت الماكينه
4- تنضيف فلتر الهواء للماكينه
5- تشحييم الابواب ومقابض الابواب
6- فحص مستوى زيت الباور= الدركسون + زيت البريك+ زيت القير
7- فحص مستوى ماء الراديتر+ ماء تنضيف المساحات
التكاليف
1-فلتر الزيت 40 ريال
2-علب الزيت 5 علب كاسترول جي تي اكس 30w10 ب85 ريال
3-التشحيم 10 ريال
4- وتنضيف فلتر المكيف 10 ريال
5- تدوير الكفرات 20 ريال
المجموع165 ريال
والحمد لله السياره تمام وعال العال
وحصلت على غسيل مجاني للسياره بعد غيار الزيت:smilie16:
ارجو اني افدتكم
ودمتم بود
